NEWS

ဆေးနှင့် ဆက်စပ်ပစ္စည်များ ဈေးနှုန်းမြင့်တက်၊ ပစ္စည်းပြတ်လပ်မှုများရှိနေ

CoverLogo
278 Views

ဆေးဝါးနဲ့ဆက်စပ်ပစ္စည်းအများစုဟာဈေးနှုန်းမြင့်တက်နေတဲ့အပြင်ပစ္စည်းပြတ်လပ်တာတွေလည်းရှိနေတယ်လို့ ရန်ကုန်မြို့က ဆေးအရောင်းဆိုင်တွေထံကသိရပါတယ်။

OTC drugs (Over the counter medicines)လို့ခေါ်တဲ့ ဆေးဆိုင်တွေမှာ အဆင်သင့် ဝယ်ယူလို့ရနိုင်တဲ့ ဆေးဝါးတွေဖြစ်တဲ့ အင်နာဗွန်စီက တစ်လုံးကို ၁၀၀၀ ကျပ်၊ အော်ရာမင် ဂျီ-အက်ဖ် တစ်လုံး ၈၀၀ ကျပ် ၊ ဖယ်ရိုဗစ် ၃၀၀ ကျပ် ထိမြင့်တက်နေတယ်လို့ သိရပါတယ်။

ဒါ့အပြင် သန္ဓေတားဆေး အချို့ဆေးဝါးပြတ်လပ်တာတွေ ဖြစ်ပေါ်နေပြီး သွေးပေါင်ကျဆေး၊ ဆီးချို ရောဂါသောက်ဆေး စတာတွေ ဈေးနှုန်းမြင့်တက်နေတယ်လို့ ဆေးဆိုင်အချို့ကစုံစမ်းသိရပါတယ်။

လက်ရှိမှာ‌အဂ်လိပ်ဆေးသာမကမြန်မာဆေးတွေပါဈေးနှုန်းမြင့်တက်လာတာဖြစ်ပြီးဆေးအမျိုးအစားပေါ်မူတည်ပြီးကျပ်ရာဂဏန်းကနေသောင်းဂဏန်းအထိကွာဟနေတာပဲဖြစ်ပါတယ်။

"မြင်သာအောင်ပြောမယ်ဆိုဘယ်တော့မှဈေးမတက်တဲ့မြန်မာဆေးတောင်တစ်ဗူးကိုသုံးလေးရာထိတက်တယ်။အဂ်လိပ်ဆေးကတော့တက်တာကြာပြီ။အခုကဈေးတက်တာရော ပစ္စည်းပြတ်တာရောဖြစ်လာတာ။အခုဆိုအရင်ကအရောင်းအဝယ်မရှိသလောက်ဖြစ်နေတဲ့တံဆိပ်တွေကိုထုတ်ရောင်းရတယ်။ထုတ်တဲ့နိုင်ငံကွာတယ်။ဈေးကွာတယ်။အာနိသင်တူတာတော့ပြောပြရတာပေါ့။အခုဆိုပုံမှန်ဆေးစွဲသောက်ရတဲ့နာတာရှည်သမားတွေပိုဒုက္ခရောက်တယ်။ဈေးကလည်းနှစ်ဆလောက်ဖြစ်သွားတယ်။အရင်ကသောက်နေကြတံဆိပ်တွေလည်းမရဘူး။အာနိသင်တူတာလေးတွေကိုယ်ကပေးရတယ်"လို့ဆေးရောင်းချသူတစ်ဦးကပြောပါတယ်။

ဆေးဝါးဈေးနှုန်းတွေမြင့်တက်လာတာကြောင့်ဝယ်ယူနှုန်းလည်းကျဆင်းလာပြီးဆေးဆိုင်တစ်ချို့ရပ်နားကြတယ်လို့လည်းသိရပါတယ်။

"အရင်းကတက်လာတယ်။ဈေးနှုန်းကမငြိမ်ဘူး။ကိုယ်ကရောင်းလိုက်ပြီးပြန်ဝယ်ရင်အဲဒီဈေးမရဘူး။အသုံးများတဲ့ဆေး‌ဆိုများများဝယ်ထားရတယ်။ရပ်ကွက်ထဲမှာတော့တစ်လုံးချင်းရောင်းရတာကျန်ပေမယ့်ပြန်ဝယ်ရတာနဲ့အရင်လိုအမြတ်ကကျန်မနေဘူး။ဆေးဆိုင်အလုပ်ရောငွေလွှဲငွေထုတ်ပါတွဲလုပ်ရတယ်"လို့ ရွှေပြည်သာမြို့နယ်က ဆေးဆိုင်ပိုင်ရှင်တစ်ဦးကပြောပါတယ်။

ပြည်တွင်းမှာ အသုံးပြုနေတဲ့ ဆေးဝါးတွေရဲ့ (၇၀)ရာခိုင်နှုန်းကို နိုင်ငံခြားက တင်သွင်းနေရတာဖြစ်ပြီးဒေါ်လာ ဈေးမြင့်တက်လာတာကြောင့်လည်း ဈေးနှုန်းတွေ တက်လာတယ်လို့ဆိုပါတယ်။

"အမြဲတမ်း(၅၀၀)နဲ့ ဝယ်ရတဲ့ ရတနာထွန်းသွားတိုက်ဆေးမှုန့်က (၇၅၀)ပေးရတယ်။ အဂ်လိပ်‌ဆေး လေဆေးတွေဆိုလည်း‌ (၁၈၀၀)လောက်ဖြစ်သွားပြီ။ အမေနေမကောင်းလို့ အားဆေးဝယ်တာတစ်ကတ်ကို(၃၇၀၀)ပေးရတယ်။ ဒီကိုဂျင်အချွန်က (၂၅၀၀)ထိပေးရတယ်။ ဆေးကျမဖြစ်မနေလိုတာဆိုတော့ဝယ်‌ရပေမယ့်အဆင်မပြေဘူး။ ဒီထက်ထပ်ဆိုးလာရင်တော့ ပိုဒုက္ခရောက်ကြမယ်"လို့အိမ်ရှင်မတစ်ဦးပြောပါတယ်။

စစ်အာ‌ဏာသိမ်းပြီး နောက်ပိုင်းမှာအခြေခံစားသောက်ကုန်တွေဟာ ဈေးနှုန်းတွေမြင့်တက်လာသလိုဆေးဝါးနဲ့တစ်ကိုယ်ရည်သုံးပစ္စည်းတစ်ချို့ဟာလည်း ပစ္စည်းပြတ်လပ်တာတွေပါရှိလာပါတယ်။


Related posts

Cover
မြန်မာတစ်နိုင်ငံလုံးရှိ စက်မှုဇုန်များတွင် လျှပ်စစ်မီး  တစ်ရက်လျှင် ၂နာရီသာရရှိမည်ဟုဆို
May 22, 2024
Cover
စစ်သား စုဆောင်းမှု တတိယအကြိမ် ခေါ်ယူဖို့ စစ်ကောင်စီ  ပြင်ဆင်
May 21, 2024
Cover
ကုန်ထုတ်လုပ်မှုအတွက် လုပ်သားအင်အားမလုံလောက်ခြင်းနှင့်အခြားအကြောင်းများကြောင့်  CJ Feed Myanmar တိရစ္ဆာန်အစာနှင့် ကြက်သားပေါက် ထုတ်လုပ်ရောင်းချမှု ယာယီရပ်နား
May 20, 2024
Cover
အမျိုးသားတွေ ပြည်ပ‌ရွှေ့ပြောင်းအလုပ်လုပ်ခွင့် ပိတ်ပင်မှု လက်ခံနိုင်ဖွယ်မရှိဟုဆို
May 02, 2024
Cover
လျှပ်စစ်မီးပြတ်တောက်မှုပိုများလာတာကြောင့်စက်မှု လက်မှု နှင့် တစ်နိုင်တပိုင်လုပ်ငန်းများရပ်တည်ရန်ခက်ခဲလာ
Apr 27, 2024
Cover
စစ်ကောင်စီတပ်သားအဖြစ် စစ်မှုထမ်းရန် လူငယ်များကို ဒုတိယအကြိမ်ထပ်မံမဲနှိုက်ခေါ်ယူနေ
Apr 22, 2024
Cover
စစ်မှုထမ်းရန်မဲပေါက်သူတွေ ထွက်ပြေးတိမ်းရှောင်သွားလို့ ကျေးရွာတွေထံငွေကြေးအဓမ္မကောက်ခံဟုဆို
Apr 07, 2024