"ရင်ဝကိုစစ်ဖိနပ်နဲ့ကန်ပြီးလဲသွားတာကိုနားအုံကိုထပ်ရိုက်တာကျတော်နားကမကြားတော့ဘူး နားမကြားလို့လက်ဟန်ခြေဟန်နဲ့ပြောတာကိုလက်ကိုနံပါတ်တုတ်နဲ့ထပ်ရိုက်လို့ဘယ်လက်ကျိုးသွားတယ် ထောင်ထဲရောက်တော့လဲကျတော်တို့နိုင်ကျဥ်းတွေကိုမိလ္လာစုပ်စက်ရှိရဲ့သားနဲ့မိလ္လာကိုဘူးနဲ့ခပ်ခိုင်းတယ်ထောင်ပိုင်တွေကနိုင်ကျဥ်းတွေဆိုပိုလုပ်ခိုင်းတယ်"
ဒါကတော့အလုပ်သမားရေးတက်ကြွလှုပ်ရှားသူတဦးဖြစ်တဲ့ဆောက်လုပ်ရေးနဲ့သစ်လုပ်ငန်းဆိုင်ရာအလုပ်သမားများအဖွဲ့ချုပ်ကဗဟိုကော်မတီဝင်တဦးဖြစ်တဲ့ကိုဂျူတီအောင်ရဲ့စစ်ကြောရေးအတွေ့အကြုံနဲ့ထောင်တွင်းဖြတ်သန်းမှု့ထဲကအကြောင်းအရာတခုဖြစ်ပါတယ်။
စစ်တပ်ကအာဏာသိမ်းပြီးနောက်ပိုင်းမှာစစ်ကောင်စီတပ်ဖွဲ့ဝင်တွေကအလုပ်သမားရေးတက်ကြွလှုပ်ရှားသူတွေသမဂ္ဂအဖွဲ့ဝင်တွေနဲ့အလုပ်သမားခေါင်းဆောင်တွေကိုရှာဖွေဖမ်းဆီးပြီးပုဒ်မအမျိုးမျိုးနဲ့ဖမ်းဆီးထောင်ချနေခဲ့တာပါ။
ကိုဂျူတီအောင်ကတော့အာဏာသိမ်းပြီး၅လအကြာမေလ(၂၄)ရက်နေ့
မှော်ဘီသံတံတားကျေးရွာမှာရှိတဲ့ဦးမောင်မောင်ကြီးဆိုသူပိုင်ဆိုင်တဲ့Natural Clay အုတ်ကြွပ်မိုးစက်ရုံမှာ အလုပ်သမားအခွင့်အရေးချိုးဖောက်မှု့တွေကိုကူညီနေရင်းကပဲစက်ရုံပိုင်ရှင်နဲ့မန်နေဂျာကစစ်ကောင်စီတပ်ဖွဲ့ဝင်တွေကိုလက်ထောက်ချလိုက်လို့အဖမ်းခံခဲ့ရတာပါ။
"လာဖမ်းတာရဲတွေချည့်ပဲရဲကားနဲ့လာတာပေါ့စက်ရုံကလက်ထောက်ချလိုက်တာမှော်ဘီစခန်းကိုခေါ်သွားပြီးစစ်တော့ကျွန်တော်တို့ကအလုပ်သမားအခွင့်အရေးအတွက်ဥပဒေအရတရားဝင်လုပ်နေတာပြောလဲမရဘူးရိုက်တာလက်ဆိုခုထိမကောင်းသေးဘူး"လို့ကိုဂျူတီအောင်ကသူအဖမ်းခံခဲ့ရပုံနဲ့ပတ်သက်ပြီး Myanmar Labour Newsကိုပြောပါတယ်။
ရိုက်နှက်စစ်ဆေးခဲ့တဲ့အတွက်ဘယ်ဖက်လက်တဖက်ကျိုးပြီးနားကောင်းကောင်းမကြားရတော့ပေမယ့်သူထောင်ထဲရောက်တဲ့အထိဆေးကုသခွင့်ဆိုနထ္ထိပါ။
ထောင်ထဲရောက်ရင်နဲနဲတော့အဆင်ပြေသွားလောက်ပါရဲ့လို့ကိုဂျူတီအောင်ထင်ထားခဲ့ပေမယ့်-
"အထဲရောက်တဲ့အထိဆေးမကုပေးတော့ ရှိတဲ့ဆေးအပူလေးနဲ့ပုဆိုးပိုင်းလေးဖြဲပြီးပတ်ထားရတာအထဲမှာပိုဆိုးပါတယ်ကျတော်တို့နိုင်ကျဥ်းတွေကိုအလုပ်ကြမ်းခိုင်းတယ်မင်းတို့ကြောင့်ေ-ာက်လုပ်ရှုပ်ရတာဆိုပြီးပြောပြီးတော့ခိုင်းတာ"လို့ မှော်ဘီရဲစခန်းကနေအင်းစိန်ထောင်ကိုရောက်ရှိစဥ်မှာပဲအခွင့်အရေးစချိုးဖောက်ခံရတဲ့အကြောင်းကိုသူကပြောပါတယ်။
အင်းစိန်ထောင်ကိုရောက်ရှိလာတဲ့စစ်အာဏာရှင်ဆန့်ကျင်ရေးတက်ကြွလှုပ်ရှားသူတွေဟာဖမ်းဆီးစဥ်ဒါမှမဟုတ်စစ်ကြောရေးမှာရရှိလာတဲ့ဒါဏ်ရာတွေကိုအင်းစိန်ထောက်အာဏာပိုင်တွေကကုသခွင့်မပေးတဲ့အပြင်ယုံကြည်ချက်ကြောင့်အကျဥ်းကျခံနေရတဲ့နိုင်ငံရေးအကျဥ်းသားတွေကိုပိုပြီးနှိပ်ကွပ်ကြပါတယ်။
"မိလ္လာစုပ်တဲ့စက်ရှိတာပေးမသုံးဘူးခွက်နဲ့ခပ်ခိုင်းတယ်ဗျာဒါနဲ့အကုန်လုံးစုပြီးရှိတဲ့ပိုက်ဆံလေးနဲ့စက်ဖိုးပေးလိုက်တော့လဲသူတို့လက်ထဲမှာပဲပိုက်ဆံကပျောက်သွားတယ်နောက်ဆုံးတော့ခွက်နဲ့ပဲပြန်ခက်ခဲ့ရတာ"လို့ ကိုဂျူတီအောင်ကထောင်အာဏာပိုင်တွေရဲ့ ညစ်ညမ်းယုတ်မာပုံကိုပြောပါတယ်။
အကျဥ်းထောင်အာဏာပိုင်တွေရဲ့ဖိနှိပ်မှု့ကြောင့်ကိုဂျူတီအောင်ရဲ့ရဲဘော်အကျဥ်းသားအချို့ကိုဗစ် ဒါမှမဟုတ်အစာရေစာပြတ်လပ်ပြီးဖျားတဲ့အတွက်သေဆုံးခဲ့တာတွေရှိခဲ့တယ်လို့လဲသိရပါတယ်။
"ဘယ်လောက်ယုတ်မာလဲဆိုတော့ဖျားနေတာကိုခွဲပိတ်ထားပြီးအစာမကြွေးတော့သေ ရော
ကျွန်တော့်ရဲဘော်တွေကျွန်တော့်ရှေ့မှာပဲကိုဗစ်တတိယလှိုင်းတုန်းကမနည်းဘူးဗျာ"လို့သူ့ရဲဘော်ရဲဘက်အတွက်ဒေါသနဲ့တုန်ရင်လာတဲ့အသံကိုထိန်းပြီး Myanmar Labour News ရဲ့မေးမြန်းချက်ကိုဆက်ဖြေပါတယ်
ဒီလိုတွေကြုံလာရပေမယ့်အာဏာကိုမတရားရယူထားတဲ့စစ်အစိုးရကိုတော်လှန်မယ်ဆိုတဲ့စိတ်ရှိနေသေးတယ်ဆိုတာကတော့ကိုဂျူတီအောင်ပြောတဲ့စကားတွေကဖော်ပြနေပါတယ်။
"ဒီလိုပြည်သူတွေကအာဏာပေးထားတဲ့တရားဝင်အစိုးရကိုမတရားအာဏာသိမ်းတဲ့စစ်အစိုးရကိုကျွန်တော်တို့ရောကျွန်တော်တို့ရဲဘော်တွေရောရရာနည်းနဲ့တော်လှန်မယ်ဆိုတာသံဓိဌာန်ချပြီးသား"လို့သူ့ကိုဒီလိုလုပ်ခဲ့တဲ့ စစ်အစိုးရကိုကြောက်ရွံ့သွားမျာမဟုတ်ပဲဆက်လက်တော်လှန်မယ့်အကြောင်းMyanmar Labour News ကိုအားနဲ့မာန်နဲ့ပြောပါတယ်။
နိုဝင်ဘာ ၊ ၆ ရက်
#Interview
#Labour
#MyanmarLabour
#နိုင်ငံရေးအကျဥ်းသား
#MyanmarLabourNews
