ထိုင်းနိုင်ငံ ၊ စမူစာခွန်ခရိုင် ကထွန်းဘင်မြို့နယ် တွင် နေထိုင်ပြီး ပေါင်မုန့် စက်ရုံ တွင် အလုပ် လုပ်နေတဲ့ မြန်မာလုပ်သား ၂ဦး စီးလာတဲ့ ဆိုင်ကယ် ကို တစ်ဖက် လမ်းကြောင်း ကနေ လမ်းကြောင်းမှားဝင်လာတဲ့ကား မှ ဝင်တိုက်တာကြောင့် မြန်မာ လုပ်သား ၁ဦးသေဆုံးပြီး ၁ဦး ထိခိုက်ဒဏ်ရာ ရရှိခဲ့တယ်လို့ ၄အမှု့ကို ကူညီပေးနေတဲ့ WAGအလုပ်သမားမဟာမိတ်အဖွဲ့ထံမှ သိရပါတယ်။
၂၀၂၅ခုနှစ် ဒီဇင်ဘာ ၂၄ရက် ညပိုင်းမှာ မြန်မာလုပ်သား ၂ ဦးဟာ ဆိုင်ကယ်ဖြင့် ဈေးဝယ်ပြီး ပြန်လာရာ လမ်းတွင် တစ်ဖက်ယာဉ်ကြောမှ ကား က လမ်းကြောင်းမှား ပြီး အရှိန်ဖြင့် ဝင်တိုက်မိကာ မြန်မာလုပ်သား ဖြစ်သူအသက်၃၂နှစ်အရွယ် ကိုသန့်ဇင်ဖြိုးဟာ အခင်းဖြစ်ရာမှာပင် ပွဲချင်းပြီး သေဆုံးခဲ့တယ်လို့ သိရပါတယ်။
ဆိုင်ကယ်နောက်မှာလိုက်ပါလာတဲ့ မရွှေစင်ဝင်းဟာလည်း ယာဉ်တိုက်မိမှုကြောင့် ထိခိုက်ဒဏ်ရာအပြင်းအထန်ရရှိကာ ကထွန်းဘင်ဆေးရုံကြီးတွင်ဆေးကုသမှုခံယူနေရတယ်လို့ သိရပါတယ်။
သေဆုံးခဲ့တဲ့ ကိုသန့်ဇင်ဖြိုးဟာ ရန်ကုန်တိုင်းဒေသကြီး၊သင်္ဃန်းကျွန်းမြို့နယ်၊ငမိုးရိပ်ရပ်ကွက်၊ငမိုးရိပ် (၂)လမ်း ၊ အပိုင်း(၃)တွင်နေထိုင်ပြီး ဇနီးနှင့် ၇ နှစ်အရွယ် သမီးတစ်ယောက်ကျန်ခဲ့ကြောင်း လက်ရှိတွင် သေဆုံးသူရဲ့ ဇနီးမှာ မြန်မာနိုင်ငံမှာ နေထိုင်နေတာကြောင့် အမျိုးသား သေဆုံးမှုနဲ့ပက်သက်ပြီး တရားမျှတ မှု နဲ့နစ်နာကြေး ပြန်လည် ရရှိရန် အတွက် ကူညီပေးဖို့ WAG မဟာ မိတ်အဖွဲ့ထံ ဆက်သွယ် အကူညီတောင်းခံခဲ့တယ်လို့ သိရပါတယ်။
ဒါ့အပြင် ထိခိုက်ဒဏ်ရာ အပြင်းအထန်ရရှိပြီး ဆေးရုံ တတ် နေရတဲ့ မရွှေဇင်ဝင်း ရဲ့ မောင်ဖြစ်သူ ကလည်း အစ်မဖြစ်သူရဲ့ ထိခိုက်နစ်နာမှု အတွက် ရသင့်ရထိုက်တဲ့ နစ်နာကြေးရရှိဖို့ပါ WAGအဖွဲ့ ထံ အကူညီ တောင်းခံထားကြောင်း သိရပါတယ်။
၎င်းတို့ရဲ့ အကူညီတောင်းခံမှု အပေါ် WAG မဟာမိတ်အဖွဲ့ ထံမှ ၂၀၂၆ခုနှစ် ဇန်နဝါရီ ၄ရက်မှာ အမှုလက်ခံ ခဲ့တယ်လို့ သိရပါတယ်။
