ထိုင်းနိုင်ငံ ပါကျင်ဘူရီခရိုင်တွင် မြန်မာအလုပ်သမား အမျိုးသမီး တစ်ဦး ဟာ ဆိုင်ကယ်ဖြင့် အလုပ်သို့ လာစဉ် လမ်းတွင် ဆိုင်ကယ် ကို အနောက်မှ ကားဖြင့်အတိုက်ခံရပြီး သေဆုံးခဲ့တယ်လို့ ၎င်းအမှုကို ကူညီပေးနေတဲ့ MHACမဟာမိတ်အဖွဲ့ထံ မှ သိရပါတယ်။
ပြီးခဲ့တဲ့ ဖေဖော်ဝါရီလ ၁၆ ရက်နေ့ မနက် ၇ နာရီခွဲဝန်းကျင် ခန့် က အသက်၃၆နှစ်အရွယ် မသက်မြတ်စိုးအမည်ရှိ မြန်မာလုပ်သားအမျိုးသမီး ဟာ ဆိုင်ကယ်ဖြင့်အလုပ်သို့သွားစဥ် အနောက်မှကားဖြင့်အတိုက်ခံရကာ ၎င်းနေရာ၌ ပွဲချင်းပြီးဆုံးပါးခဲ့ပြီး ကားသမားမှာထွက်ပြေးတိမ်းရှောင်နေတယ်လို့ သေဆုံးသူရဲ့ မိသားစုဝင်တွေထံမှတစ်ဆင့်သိရပါတယ်။
၎င်းယာဉ်တိုက်မှု နဲ့ ပက်သက်ပြီး ဥပဒေနဲ့အညီနစ်နာမှု တွေရရှိဖို့ သေဆုံးသူရဲ့ ခင်ပွန်းဖြစ်သူက အေအေစီရဲမင်းဦးဆောင် တဲ့ 𝐌.𝐇.𝐀.𝐂မဟာမိတ်အဖွဲ့ထံ အကူညီတောင်းခံ ခဲ့တယ်လို့ သိရပါတယ်။
ဒါကြောင့် MHACမဟာမိတ်အဖွဲ့အနေနဲ့ ဖေဖေါ်ဝါရီ ၁၈ရက်က နာရေးကို သွားရောက် ပြီး အမှုနဲ့ပက်သက်တဲ့ မေးမြန်းခြင်းတွေ အပြင် လိုအပ်တာတွေကိုပါ ကျန်ရစ်သူမိသားစုတွေနဲ့ တွေ့ဆုံဆွေးနွေးခဲ့ ပြီး သေဆုံးသူအတွက် ဥပဒေနဲ့ အညီ နစ်နာမှု အတွက် ထိုက်သင့်တဲ့လျော်ကြေး ရရှိရေး ကူညီဆောင်ရွက်ပေးသွားမယ်လို့ သိရပါတယ်။
ထိုင်းနိုင်ငံအတွင်း ယာဉ်မတော်တဆ မှု ကြောင့် သေဆုံး ထိခိုက်ဒဏ်ရာရတဲ့ မြန်မာလုပ်သားတွေ မကြာခဏ ဖြစ်ပေါ်နေတဲ့ အတွက် ယာဉ်ဖြင့်သွားလာခြင်း လမ်းခရီးသွားခြင်းတို့တွင် သတိထား ဂရုစိုက် ကျဖို့ ထိုင်းရောက် မြန်မာအလုပ်သမားအရေးကူညီသူတွေက အသိပေးလျက်ရှိပါတယ်။
