NEWS

စာရွက်စာတမ်းအတုပြုလုပ်ပြီး OWIC ကတ် လျှောက်ထားမှုများရှိနေ

CoverLogo
274 Views

ပြည်ပအလုပ်အကိုင် သက်သေခံ (OWIC) ကတ် ကို လျှောက်ထားရာမှာ လိုအပ်တဲ့ စာရွက်စာတမ်း တွေကို အတုပြုလုပ်ပြီး အလုပ်သမားနဲ့ ပွဲစား တွေက လျှောက်ထားတာ တွေ ရှိနေတယ်လို့ သိရပါတယ်။ 

 

ယခင် က စာရွက်စာတမ်း အတုပြုလုပ် ပြီး ဦးစီးဌာန ကို တင်ပြခဲ့တာ မှာ စိစစ်တွေ့ ရှိတာကြောင့် Black List စာရင်းသွင်းခံရတဲ့ အလုပ်သမား ၂၂ ဦး ရှိခဲ့ပြီး ပြည်ပကိုထွက်ခွာခွင့် ပိတ်ခံရကာ ပါဝင်သူ အချို့ ကို လည်း အရေးယူမှု ပြုလုပ်ခဲ့တယ်လို့ သိရပါတယ်။

 

လက်ရှိမှာ မကာအိုဟုဆိုကာ OWIC ပြုလုပ်ခွင့်တင်ပြီး အခြားနိုင်ငံများကို တရားမဝင် သွားရောက်ခြင်းများကြားသိရတာကြောင့်စာရွက်စာတမ်းများ အတုအစစ်ကိုသေချာစိစစ်သွားမယ်လို့ဆိုပါတယ်။

 

ယခင် OWIC ကတ်လျှောက်ထားသူ အရမ်းများတဲ့အတွက် စာရွက်စာတမ်းကိုအတုအစစ်သေချာမစီစစ်နိုင်ခဲ့ဘဲ ဒါကိုအခွင့်ကောင်းယူပြီးပွဲစားနဲ့အလုပ်သမားတချို့က စာရွက်စာရွက်စာတမ်းအတုတွေနဲ့ ပြုလုပ်လာတာရှိတဲ့အတွက် အခုနောက်ပိုင်းစာရွက်စာတမ်းကအစသေချာစိစစ်ပြီးမှန်ကန်မှ OWIC ကတ် ရိုက်ခွင့်ပေးတော့မယ် လို့ စစ်ကောင်စီ အလုပ်သမားဝန်ကြီးဌာနက တာဝန်ရှိသူက ပြောဆို ထားပါတယ်။

 

လက်ရှိမှာတော့ OWIC ကတ် ကို နေပြည်တော်အလုပ်သမားဝန်ကြီးဌာနမှာ လိုအပ်တဲ့ စာရွက်စာတမ်း

တွေနဲ့ လျှောက်ထားရ တာဖြစ်ပြီး မြောက်ဒဂုံ အလုပ်သမား သင်တန်းကျောင်းနဲ့ မရမ်းကုန်း မြို့နယ် ၈မိုင် အလုပ်သမားရုံး တို့မှာ စီစစ်ထုတ်ပေးလျက်ရှိတယ်လို့ သိရပါတယ်။

 

၁၉၉၀ ပြည့်နှစ်မှ ၂၀၂၃ ခုနှစ်သြဂုတ် လ အထိ အေဂျင်စီ အစီအစဉ် နဲ့ လည်းကောင်း မိမိအစီစဉ် နဲ့လည်းကောင်း ခွင့်ပြန် PR ဖြင့် လည်းကောင်း ထိုင်း၊စင်္ကာပူ၊ကိုရီယား ၊ဂျပန် မလေးရှားအပါအဝင် ပြည်ပ နိုင်ငံ ၈၉ နိုင်ငံ ကို သွားရောက် အလုပ်လုပ်တဲ့ အလုပ်သမား ၁ဒသမ၆ သန်းကျော် ကို ပြည်ပအလုပ်အကိုင် သက်သေခံ (OWIC)ကတ် ထုတ်ပေးထားတယ်လို့ သိရပါတယ်။

#MyanmarLabourNews


Related posts

Cover
ထိုင်းနိုင်ငံအတွင်း ခွင့်ပြုချက်မရှိဘဲ အလုပ်လုပ်ကိုင်နေတဲ့ ရွှေ့ပြောင်းအလုပ်သမား ၃၀၀၀ ကျော် ဖမ်းဆီးခံရ
Sep 30, 2023
Cover
ထိုင်း MOU အလုပ်သမားများ အလုပ်ခန့်ထားမှုဆိုင်ရာသဘောတူစာချုပ်ကို ရန်ကုန်မြို့ မြောက်ဒဂုံအလုပ်သမားရုံးမှာသာ ချုပ်ဆိုရန်သတ်မှတ်ထား
Sep 18, 2023
Cover
ထိုင်းရောက် MoU လုပ်သားများ နိုင်ငံကူးလက်မှတ်သက်တမ်းတိုးဆောင်ရွက်မှု ရန်ကုန်ပြန်လာရန်မလိုအပ်တော့
Sep 14, 2023
Cover
ပြည်ပရောက်အလုပ်သမားများဘဏ်စနစ်မှငွေလွှဲ‌‌ရေးတိုက်တွန်းရန်အေဂျင်စီများကိုဝန်ကြီးဌာန အသိပေး
Sep 02, 2023
Cover
၄၈ ရက်အတွင်း ပြည်ပအလုပ်အကိုင်အေဂျင်စီ (၁၃)ခုတိုးလာ
Sep 02, 2023
Cover
ပြည်ပသွားရောက်လုပ်ကိုင်လိုသူများငွေကြေးလိမ်လည်ခံရမှုမြင့်တက်
Aug 28, 2023
Cover
ကိုရီးယားနိုင်ငံသို့ တားမြစ်ပစ္စည်းနှင့် အစားအသောက်များ ယူဆောင်သွားခြင်းမပြုရန် သတိပေး
Aug 25, 2023
Cover
ပြည်ပအလုပ်အကိုင်လမ်းညွှန်သင်တန်း တက်ခွင့်ရမယ်ဟုလိမ်လည်ငွေကြေးကောက်ခံလျှက်ရှိ
Aug 25, 2023