ပြီးခဲ့တဲ့ ဒီဇင်ဘာလ ၂၂ရက်နေ့က ဘားအံအကျဉ်း ထောင်အတွင်း တရားရုံကနေ ၂၀၂၀ ရွေးကောက်ပွဲမှာ အနိုင်ရထားတဲ့ ကရင်ပြည်နယ် ဝန်ကြီးချုပ်ဒေါ်နန်းခင်ထွေးမြင့်ကို အာဏာသိမ်း စစ်ကောင်စီက ရာဇသတ်ကြီး ပုဒ်မ ၁၃၀ ကနဲ့ အမြင့်ဆုံး အပြစ် ဒဏ် ၃နှစ် ထပ်မံ တိုးချလိုက်တယ်လို့ ဘားအံအကျဉ်းထောင်နဲ့ နီးစပ်သူ တဦးထံက သိရပါတယ်။
ပထမ အမှုတွေ ထောင်ဒဏ် ၇၇နှစ် ချမှတ်ထားပြီးနောက်ပုဒ်မနဲ့ ထပ်တိုးပြီး ယခုဒီဇင်ဘာလထဲမှာ စွဲ ချက် တင်ပြီး ချလိုက်တာကြောင့် ထောင်ဒဏ်နှစ် (၈၀) ဖြစ်သွားတာပါ။
ဒါအပြင် ယခုအမှုကို ရွေးကောက်ပွဲကာလ မဲမသမာမှုပြုလုပ်တယ်ဆိုတဲ့ အကြောင်းပြချက်နဲ့ ဖွဲ့စည်းပုံအခြေခံဥပဒေပါ ပြဌာန်းချက်တွေကို ဖောက်ဖျက်ကျူးလွန်ပါက ထောင်ဒဏ်သုံးနှစ်ထိဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်နိုင်တယ်လို့ ဖော်ပြထားချက်နဲ့ ချမှတ်လိုက်တာလို့ ရှေ့နေတဦးထံက သိရပါတယ်။
ဒီအပြင် ကရင်ပြည်နယ် ဝန်ကြီးချုပ် ဒေါ်နန်းခင်ထွေးမြင့်က အမျိုးသားဒီမိုကရေစီအဖွဲ့ချုပ် NLD ပါတီ ရဲ့ ထိပ်ပိုင်းခေါင်းဆောင်တစ်ဦးလည်း ဖြစ်သလို ၁၉၉၀မှာ တကြိမ်၊၂၀၁၅မှာ အနိုင်ရပြီး ပြည်နယ်ဝန်ကြီးချုပ်ဖြစ်လာပီနောက် ပြီခဲ့တဲ့ ၂၀၂၀ ရွေးကောက်ပွဲအထိ ၃ကြိမ်ဆက်တိုက် အနိုင်ရခဲ့သူဖြစ်ပါတယ်။
