စစ်အာဏာသိမ်းပြီးနောက်ပိုင်းမှာ ပြည်တွင်းကလူငယ် အများစု ပြည်ပနိုင်ငံတွေမှာသွားရောက်အလုပ်လုပ်ကိုင်နေကြတာဖြစ်ပါတယ်။
လက်ရှိမှာစစ်မှုထမ်းဥပဒေကြောင့်ပြည်ပထွက်မယ့်သူတွေကိုလေဆိပ်မှာပိတ်ပင်ခံရမှာ၊ ငွေကြေးခြိမ်းခြောက်တောင်းဆိုခံရတာတွေကိုဖြစ်လာနိုင်မယ်လို့ပြည်သူအချို့ကကထင်မြင် သုံးသပ် ကြပါတယ်။
စစ်ကောင်စီကပြည်သူ့စစ်မှုထမ်းဥပဒေကိုစတင်ကျင့်သုံးတော့မယ်လို့ နိုင်ငံပိုင်သတင်းဌာနကထုတ်ပြန်ကြေညာတာကြောင့်ပြည်ပမှာအလုပ်လုပ်ကိုင်ဖို့ပြင်ဆင်နေသူတွေ အထူးသဖြင့် လူငယ် အရွယ်တွေဟာ စိတ်ပူပန်နေရတယ်လို့ပြောပါတယ်။
စစ်ကောင်စီဟာ၂၀၁၀ခုနှစ်မှာပြဌာန်းခဲ့တဲ့ပြည်သူ့စစ်မှုထမ်းဥပဒေကို၂၀၂၄ ခုနှစ်ဖေဖော်ဝါရီလ(၁၀)ရက်မှာစတင်ကျင့်သုံးမယ်လို့နိုင်ငံပိုင်ရုပ်သံကတစ်ဆင့်ဖော်ပြခဲ့ပါတယ်။
ဒီအခြေအနေမှာစစ်မှုထမ်းဖို့အသက်ပြည့်မီတဲ့လူငယ် တွေကိုပြည်ပမှာသွားရောက်လုပ်ကိုင်ဖို့တားမြစ်တာတွေရှိလာမှာကိုစိုးရိမ်ကြတာလို့ဆိုပါတယ်။
"အခုကဂျပန်သွားဖို့စောင့်နေတာ။နောက်နှစ်လလလောက်ဆိုထွက်ရတော့မှာပါ။အခုကစစ်မှုထမ်းရမယ်ဆိုတော့စိတ်ပူနေတယ်။သတင်းလည်းတွေ့မိတယ်။သူတို့ကနောက်ကိုပြည်ပထွက်တာတွေကိုတားမြစ်မယ်ဆိုတော့ပိုဆိုးတာပေါ့။ဒီနိုင်ငံမှာရတဲ့ဝင်ငွေနဲ့ရေရှည်ရပ်တည်ဖို့လည်းမဖြစ်ဘူး။ပြည်ပထွက်လုပ်ဖို့ပါအပိတ်ခံရမယ်ဆိုရင်တကယ်ကိုအဆင်မပြေဘူး"လို့ဂျပန်နိုင်ငံမှာသွားရောက်လုပ်ကိုင်ဖို့စောင့်ဆိုင်းနေသူတစ်ဦးကပြောပါတယ်။
စစ်မှုထမ်း ဥပေဒအရ အမျိုးသား ရော အမျိုးသမီးပါစစ်မှုထမ်းဖို့သတ်မှတ်ထားပါတယ်။စစ်မှုထမ်းရမယ့်အသက်အရွယ်ကို တော့ အမျိုးသမီးတွေကိုအသက်(၁၈)နှစ်ကနေ(၂၇)နှစ်တွင်း၊ အမျိုးသားတွေကိုအသက်(၁၈)နှစ်ကနေ(၃၅)နှစ်တွင်းသတ်မှတ်ထားတာဖြစ်ပါတယ်။ဒါ့အပြင်ကျွမ်းကျင်သူအမျိုးသားဖြစ်ပါကအသက်(၄၅)နှစ်ထိ၊ အမျိုးသမီးဖြစ်ပါက(၃၅)နှစ်ထိစစ်မှုထမ်းရမှာဖြစ်ပါတယ်။
စစ်မှုထမ်းတာဝန်ကနေကင်းလွတ်ခွင့်မှာတော့သာသနာ့ဝန်ထမ်း၊ အိမ်ထောင်သည်အမျိုးသမီး၊အိမ်ထောင်ပျက်သော်လည်းကလေးရှိသူ၊ကိုယ်လက်အဂ်ါမသန်စွမ်းသူ၊တပ်မတော်ဆေးစစ်ရေးဘုတ်အဖွဲ့ကစစ်မှုထမ်းဖို့မသင့်လျော်သူဖြစ်တယ်လို့သတ်မှတ်ခံရသူနဲ့ပြည်သူ့စစ်မှုထမ်းဆင့်ခေါ်ရေးဗဟိုအဖွဲ့ကအမိန့်ထုတ်ပြန်ပြီးကင်းလွတ်ခွင့်ပြုထားသူတွေပါဝင်တာပဲဖြစ်ပါတယ်။
"စိတ်ပူတာ ပေါ့ ။ဒီအတိုင်းတောင်မနေချင်လို့ပြည်ပအထိအလုပ်သွားလုပ်ဖို့လုပ်နေတာအခုကျစစ်ထဲဝင်ရမယ်ဆိုတော့ပိုဆိုးတာပေါ့။ပြောမယ်ဆိုအရင်ကပြည်ပထွက်ဆိုတဲ့လွတ်လမ်းရှိတယ်။အခုကျအဲဒါကိုပါပိတ်ပင်ခံရတော့မလားတွေးပူတယ်"လို့ကိုရီးယားနိုင်ငံမှာသွားရောက်လုပ်ကိုင်ဖို့သင်တန်းတက်ရောက်နေသူတစ်ဦးကပြောပါတယ်။
NEWS
စစ်မှုထမ်းဥပဒေကြောင့် ပြည်ပထွက်ရန်ပြင်ဆင်နေသည့် လူငယ်များ စိတ်ပူပန်နေ
382 Views
Related posts
ထိုင်းနိုင်ငံ တောင်ပိုင်း တွင် အထောက်ထားမဲ့ မြန်မာအလုပ်သမား၁၀၀ နီးပါး ဖမ်းဆီးခံရ
Apr 27, 2024
တရုတ် သို့ မြန်မာအလုပ်သမားစေလွှတ် ဖို့ ဆွေးနွေး ညှိနှိုင်းနေ ဟုဆို
Apr 23, 2024
သင်္ကြန်ကာလပြီးနောက် လူငယ်များပြည်ပထွက်ခွာမှုပိုများလာ
Apr 23, 2024
ဘန်ကောက်တွင် သေဆုံးခဲ့သည့် မြန်မာလုပ်သားအတွက် ဘတ် နှစ်သိန်းနှင့် ညှိနှိုင်း
Apr 22, 2024
စစ်ကောင်စီတပ်သားအဖြစ် စစ်မှုထမ်းရန် လူငယ်များကို ဒုတိယအကြိမ်ထပ်မံမဲနှိုက်ခေါ်ယူနေ
Apr 22, 2024
ဧပြီလ ၂၉ရက် မှစပြီးထိုင်းနိုင်ငံသို့ MOU မြန်မာအလုပ်သမား များ ကို လေကြောင်း ဖြင့် စေလွှတ်မှု စတင်မည်
Apr 21, 2024
ဆူညံသည်ဆိုပြီး မြန်မာလူငယ်များအား ထိုင်းအာဏာပိုင်များက ပြည်တွင်းသို့ ပြန်ပို့ရန် စီစဥ်
Apr 13, 2024
အလုပ်သမားများ နစ်နာမှုများအား ပြည်ပအလုပ်လုပ်ကိုင်မှု ကြီးကြပ်ရေးကော်မတီ ဆွေးနွေးခြင်းမရှိ
Apr 13, 2024