ဂျပန် နိုင်ငံ မှာ အလုပ် လုပ်ကိုင်ဖို့ အတွက် ဂျပန် ကုမ္ပဏီ များ က မြန်မာလုပ်သား ၂၅၀ကျော် ကို ခေါ်ယူ ရန် အလုပ်ကမ်းလှမ်း ထားတယ်လို့ဂျပန် နိုင်ငံ တိုကျို မြို့ရှိ မြန်မာသံရုံးရဲ့ ထုတ်ပြန်ချက်အရ သိရပါတယ်။
၂၀၂၆ခုနှစ် မတ်လ ၁ရက်မှ မတ်လ ၁၅ရက်အထိ စိစစ်ပြီးတဲ့ အလုပ်ကမ်းလှမ်းစာ ၄၆ခု တွင် မြန်မာလုပ်သား ၂၅၆ဦး ကို ခေါ်ယူရန် ကမ်းလှမ်းထားတယ်လို့ သိရပါတယ်။
မြန်မာသံရုံး တိုကျိုမြို့ အနေဖြင့် အလုပ်သမားဝန်ကြီးဌာနက နိုင်ငံခြားရေးဝန်ကြီးဌာနမှတစ်ဆင့် ပေးပို့လာသည့် အလုပ်ကမ်းလှမ်းစာ(Demand Letter) များကို စစ်စစ် ဆောင်ရွက် ပေးလျက်ရှိတယ်လို့သိရပါတယ်။
ထိုသို့ စိစစ်ရာမှာ ဂျပန် နိုင်ငံရှိ အလုပ်သမားကြီးကြပ်ရေးကုမ္ပဏီနှင့်အလုပ်ခေါ်ယူသည့် စက်ရုံ/ကုမ္ပဏီများသည် ဂျပန်နိုင်ငံ တွင်တရားဝင်တည်ထောင်ခြင်း ရှိမရှိ စာရွက်စာတမ်း အထောက်အထားများ စိစစ်ပြီးစိစစ်တွေ့ရှိချက် များ သဘောထားမှတ်ချက် များ ကို နိုင်ငံခြားရေးဝန်ကြီးဌာနမှတစ်ဆင့် အလုပ်သမားဝန်ကြီးဌာနသို့ ပြန်လည်ပေးပို့ရတယ်လို့ သိရပါတယ်။
ယခု အလုပ်ကမ်းလှမ်းစာ ၄၆ခု မှာ စိစစ်ပြီး ဖြစ်လို့ ၎င်းနဲ့ ပက်သက်တဲ့ အချက်အလက် တွေကို အသိပေး ထုတ်ပြန်ထားခြင်း ဖြစ်ကြောင်းသိရပါတယ်။
