ထိုင်းနိုင်ငံ ချွန်ဘူရီပြည်နယ် သီရိရာချာမြို့နယ်အတွင်း စက်ရုံကြိုပို့ယာဉ်တစ်စီး တိမ်းမှောက် မှု ကြောင့် ကားပေါ်ပါလာတဲ့ လုပ်သားတွေထဲမှ မြန်မာလုပ်သား၁၅ဦး ခန့်ထိခိုက်ဒဏ်ရာရခဲ့တယ်လို့ ထိုင်းသတင်းတွေအရ သိရပါတယ်။

 

ဒီကနေ့ မနက် ၈နာရီခန့်မှာ အလုပ်သမားတွေကို တင်ဆောင်လာတဲ့ အမိုးတပ်ဆင်ထားတဲ့ ပစ်ကပ်ကားတစ်စီးဟာအရှိန်လွန်ပြီး လမ်းမပေါ်မှာ ဘေးတိုက်လဲလျက် တိမ်းမှောက် မှုဖြစ်ပွားခဲ့တယ်လို့ သိရပါတယ်။

 

၎င်းကားပေါ်တွင် မြန်မာအလုပ်သမား၂၀ဦးခန့် တင်ဆောင်လာပြီး အခြားယာဉ်တစ်စီးကို ရှောင်တိမ်းရာကနေ လမ်းဘေး သို့ ကျော်တတ် ကာ တိမ်းမှောက်ခဲ့ ပြီး မြန်မာအလုပ်သမား ၁၅ဦး ခန့် ဒဏ်ရာရရှိခဲ့တယ်လို့ သိရပါတယ်။

 

ထိခိုက်ဒဏ်ရာ ရသူ အများစုမှာ ဦးခေါင်း၊ လက်မောင်းနဲ့ ခြေထောက် တွေ မှာ ထိခိုက်ဒဏ်ရာ တွေ ရခဲ့တာကြောင့် ကယ်ဆယ်ရေး အဖွဲ့ တွေ က ရှေးဦးပြုစုခြင်းနဲ့ ဆောင်ရွက် ပြီးနောက် အနီးရှိSomdet Sriracha ဆေးရုံနဲ့ Laem Chabang ဆေးရုံတွေဆီ အရေးပေါ် ပို့ဆောင်ပေးခဲ့တယ်လို့ သိရပါတယ်။

 

လတ်တလောမှာတော့ ရဲတပ်ဖွဲ့က အမှုမှန်ပေါ်ပေါက်ဖို့နဲ့ တရားဥပဒေအရ အရေးယူနိုင်ဖို့အတွက် ဆက်လက်စစ်ဆေးနေတယ်လို့သတင်းမှာ ဖော်ပြပါတယ်။

 

Ref-Khaosod Thai