ထိုင်းနိုင်ငံ ချင်းမိုင် မြို့ ရှိ မြန်မာစားသောက်ဆိုင် ပိုင်ရှင်နဲ့ မြန်မာရွှေ့ပြောင်းလုပ်သား ၅ဦးတို့ကို အလုပ် ပါမစ်မရှိတဲ့ အတွက် ဖမ်းဆီးခဲ့တယ်လို့ ချင်းမိုင်လူဝင်မှုကြီးကြပ်ရေးဌာနက သတင်းထုတ်ပြန်ထားပါတယ်။

 

ချင်းမိုင်မြို့နယ် အတွင်း နိုင်ငံခြားသား များ တရားမဝင် ဝင်ရောက် အလုပ်လုပ်ကိုင်နေကြောင်း သတင်းရရှိပြီးနောက် မေလ ၂ရက်နေ့ က စစ်ဆေး ဖမ်းဆီးခဲ့တယ်လို့ ဆိုပါတယ်။

 

စစ်ဆေးမှုအရ မြန်မာနိုင်ငံသား အလုပ်ရှင်တစ်ဦးနဲ့ မြန်မာရွှေ့ပြောင်း အလုပ်သမား၅ ဦး တို့မှာ နိုင်ငံခြားသားများ အလုပ်လုပ်ခွင့်ပါမစ်မရှိဘဲ အလုပ်လုပ်ကိုင်တဲ့ အတွက် အခုလို ဖမ်းဆီးခဲ့တာလို့ သတင်းထုတ်ပြန်ထားပါတယ်။

အဖမ်းခံရတဲ့ မြန်မာ ရွှေ့ပြောင်း လုပ်သား၅ဦးထဲ မှ ၂ဦးမှာလည်း စားသောက်ဆိုင် တွင် စားပွဲထိုးနဲ့မီးဖိုချောင်တွင် အချက်အပြုတ် လုပ်တာမှာ တစ်နှစ်ခန့်ရှိပြီ ဖြစ်တယ်လို့ ဝန်ခံထွက်ဆိုခဲ့တယ်လို့ သိရပါတယ်။

 

ဒါ့အပြင် နိုင်ငံခြားသားအလုပ်သမားများ စီမံခန့်ခွဲရေးဆိုင်ရာ အရေးပေါ် အမိန့် B.E.2560 နဲ့ ၂၀၁၈ ခုနှစ် ပြင်ဆင်ချက် အပိုဒ် ၈ နှင့် ၉ တို့ကိုလည်း ချိုးဖောက်ခဲ့တယ်လို့ ဆိုပါတယ်။

 

ဖမ်းဆီးခံရတဲ့ မြန်မာဆိုင်ရှင်နဲ့ လုပ်သား ၅ဦးကို chaug Phueak ရဲစခန်း တွင် ခေါ်ဆောင်ထားပြီး ဥပဒေအရ အရေးယူဆောင်ရွက်ဖို့ လုပ်ဆောင်သွားမယ်လို့ သိရပါတယ်။

Photo - Chiang Mai Immigration