ခရီးဝေးသွားလာမည့် ကိုယ်ပိုင်ယာဉ် တွေအနေနဲ့ မိုင်၁၀၀ အထက် ရောက်ပါက စက်သုံးဆီ ထပ်ဖြည့် နိုင်တယ်လို့ မတ်လ၁၄ရက်မှာ စစ်ကော်မရှင် က ထုတ်ပြန်ကြေညာပါတယ်။
စက်သုံးဆီပြတ်လပ်မှုမရှိစေဖို့နဲ့ အမှန်တကယ်လိုအပ်သူ တွေ ဝယ်ယူရရှိနိုင် ဖို့ ဆိုကာ မတ်လ ၁၂ ရက်နေ့မှစတင်၍ နေပြည်တော်၊ရန်ကုန်မြို့၊ မန္တလေးမြို့နဲ့ တောင်ကြီးမြို့တို့ရှိ စက်သုံးဆီအရောင်းဆိုင်တွေမှာ မော်တော်ယာဉ်များအတွက် Wheel Tax တွင်ပါရှိသည့် Barcode နှင့် မော်တော်ဆိုင်ကယ်များအတွက် Wheel Tax ပါအချက်အလက်များကို အသုံးပြု၍ QR Code ထုတ်ပေးပြီး Application နဲ့ စစ်ဆေးတဲ့ နည်းလမ်း ဖြင့် တစ်ရက်တစ်ကြိမ်သာ စက်သုံးဆီဝယ်ခွင့်ပေးမယ် လို့ စစ်မကော်မရှင်က ထုတ်ပြန်ကြေညာခဲ့ပါတယ်။
ထပ်မံပြီး မတ်လ ၁၄ရက်မှာတော့ ခရီးဝေးသွားလာတဲ့ ကိုယ်ပိုင်ယာဉ်များ အဝေးပြေးလမ်းမကြီးများရှိ ဆီဆိုင်များနဲ့ အခြားခရီးဝေး (မိုင် ၁၀၀ အထက်) မြို့များရှိ ဆီဆိုင်များမှာ QR Scan ထပ်ဖတ်ရန်မလိုဘဲ ယင်းရက်အတွက် ဆီဝယ်ယူထားသည့် ငွေရှင်းပြေစာပြသ၍ ထပ်မံဝယ်ယူနိုင်တယ်လို့ အသိပေးထားပါတယ်။
QR Scan ဖတ် ရာမှာ Barcode ဖတ်မရသည့် ယာဉ်များအတွက် အရောင်းဆိုင်များ တွင် ယာဉ်ရဲ့ အချက်အလက်များကို ဖြည့်သွင်းစေပြီး စက်သုံးဆီဝယ်ယူ ဖို့ အတွက်သာ QR Code များ ထုတ်ပေးခြင်းစနစ်ကို မတ်လ ၁၅ ရက်မှစတင်၍ ဆောင်ရွက်နေတယ်လို့ သိရပါတယ်။
ယာဉ်ပိုင်ရှင်တွေ အနေဖြင့်လည်း Wheel Tax Barcode ဖတ်မရသည့်ကိစ္စနှင့် ပတ်သက်၍ ကုန်းလမ်းပို့ဆောင်ရေးညွှန်ကြားမှုဦးစီးဌာနသို့ အမြန်ဆုံးသွားရောက်ဆောင်ရွက်ရမယ်လို့ စစ်ကော်မရှင်က အသိပေး ထုတ်ပြန်ထားပါတယ်။
HTH
