NEWS

ကိုရီးယားနိုင်ငံသို့ တားမြစ်ပစ္စည်းနှင့် အစားအသောက်များ ယူဆောင်သွားခြင်းမပြုရန် သတိပေး

CoverLogo
142 Views
 
ကိုရီးယားနိုင်ငံမှာ သွားရောက်အလုပ်လုပ်ကိုင်မယ့် မြန်မာအလုပ်သမားတွေအနေနဲ့ တားမြစ်ပစ္စည်းတွေနဲ့ အစားအသောက်တွေကို မသယ်ဆောင်ဖို့ အစိုးရပြည်ပအလုပ်အကိုင်အေဂျင်စီက ဩဂုတ်လ (၂၄) ရက်မှာ အသိပေးစာ ထပ်မံထုတ်ပြန်ခဲ့ပါတယ်။
တားမြစ်ပစ္စည်းနဲ့ အစားအသောက်တွေ သယ်ဆောင်တာနဲ့ပတ်သက်ပြီး အရင်ကတည်းက သတိပေးစာတွေ ထုတ်ပြန်ထားပေမယ့် ဩဂုတ်လ (၂၄)ရက်မှာ ကိုရီးယားနိုင်ငံကို ပြန်လည်ဝင်ရောက်တဲ့ Re-entry အလုပ်သမားတွေက အသားခြောက်နဲ့ ကွမ်းရွက်တွေ သယ်ဆောင်သွားခဲ့တာကို အင်ချွန်းလေဆိပ်မှာ စစ်ဆေးတွေ့ရှိခဲ့တာပါ။
 
အဲဒီလို တားမြစ်ပစ္စည်းတွေသယ်ဆောင်သွားတဲ့အတွက် ပစ္စည်းတွေအသိမ်းခံရတာ၊ passport မှတ်တမ်းတင်ခံရတာ၊ ဒဏ်ငွေဆောင်ရတာ၊ ပြည်ဝင်ခွင့်တားမြစ်ခံရတာနဲ့ နောက်တကြိမ်ဝင်ရောက်ခွင့် ပိတ်ပင်ခံရတဲ့ အပြစ်ပေးတာတွေ ဖြစ်ပေါ်လာနိုင်တယ်လို့ အစိုးရအေဂျင်စီက ထုတ်ပြန်ပါတယ်။
 
မြန်မာလုပ်သားတွေရဲ့ ပုံရိပ်မကျဆင်းစေဖို့နဲ့ နောက်ထပ်ဝင်ရောက်မယ့် လုပ်သားတွေအတွက် အဟန့်အတားမဖြစ်ပေါ်စေဖို့ အထူးသတိပြုလိုက်နာဆောင်ရွက်ကြဖို့ကိုလည်း ထပ်ပြီးအသိပေးဖော်ပြထားပါတယ်။
 
“အခုချိန်က လစာကောင်းလို့ ကိုရီးယားသွားပြီး အလုပ်လုပ်ချင်တဲ့သူတွေများနေတာ။ အရှေ့ကလူတွေ အဆင်မပြေလို့ ဒီကလူတွေကိုမခေါ်တော့မှာ စိတ်ပူတယ်။ မြန်မာအလုပ်သမားတွေက အဆင်မပြေဘူးဆိုတာမျိုး မဖြစ်စေချင်ဘူး”လို့ ကိုရီးယားနိုင်ငံ ဘာသာစကားလေ့လာနေတဲ့ ကိုဟန်ထွန်းက ပြောပါတယ်။
 
ကိုရီးယားနိုင်ငံကို နှစ်နိုင်ငံ အစိုးရချင်းချိတ်ဆက်ပြီး ပြည်တွင်းလုပ်သားတွေ စေလွှတ်နေတာ ဖြစ်ပါတယ်။
လက်ရှိမှာတော့ ကုန်ထုတ်၊ ဆောက်လုပ်ရေးနဲ့ စိုက်ပျိုးရေးစတဲ့ လုပ်ငန်းအမျိုးအစားတွေအတွက် အမျိုးသားအလုပ်သမားတွေကို ခေါ်ယူနေတာဖြစ်ပါတယ်။

Related posts

Cover
ထိုင်းနိုင်ငံအတွင်း ခွင့်ပြုချက်မရှိဘဲ အလုပ်လုပ်ကိုင်နေတဲ့ ရွှေ့ပြောင်းအလုပ်သမား ၃၀၀၀ ကျော် ဖမ်းဆီးခံရ
Sep 30, 2023
Cover
ထိုင်း MOU အလုပ်သမားများ အလုပ်ခန့်ထားမှုဆိုင်ရာသဘောတူစာချုပ်ကို ရန်ကုန်မြို့ မြောက်ဒဂုံအလုပ်သမားရုံးမှာသာ ချုပ်ဆိုရန်သတ်မှတ်ထား
Sep 18, 2023
Cover
စာရွက်စာတမ်းအတုပြုလုပ်ပြီး OWIC ကတ် လျှောက်ထားမှုများရှိနေ
Sep 17, 2023
Cover
ထိုင်းရောက် MoU လုပ်သားများ နိုင်ငံကူးလက်မှတ်သက်တမ်းတိုးဆောင်ရွက်မှု ရန်ကုန်ပြန်လာရန်မလိုအပ်တော့
Sep 14, 2023
Cover
ပြည်ပရောက်အလုပ်သမားများဘဏ်စနစ်မှငွေလွှဲ‌‌ရေးတိုက်တွန်းရန်အေဂျင်စီများကိုဝန်ကြီးဌာန အသိပေး
Sep 02, 2023
Cover
၄၈ ရက်အတွင်း ပြည်ပအလုပ်အကိုင်အေဂျင်စီ (၁၃)ခုတိုးလာ
Sep 02, 2023
Cover
ပြည်ပသွားရောက်လုပ်ကိုင်လိုသူများငွေကြေးလိမ်လည်ခံရမှုမြင့်တက်
Aug 28, 2023
Cover
ပြည်ပအလုပ်အကိုင်လမ်းညွှန်သင်တန်း တက်ခွင့်ရမယ်ဟုလိမ်လည်ငွေကြေးကောက်ခံလျှက်ရှိ
Aug 25, 2023