တောင်ကိုရီးယားနိုင်ငံ ရှိ ကုန်ထုတ်လုပ်ငန်းအတွက် EPS စနစ်နဲ့ မြန်မာလုပ်သား ၄၂၀၀ ကျော် လျှောက်ထားခွင့်ရရှိတယ်လို့ အစိုးရပြည်ပအလုပ်အကိုင် အေဂျင်စီ (POEA) က အသိပေးထားပါတယ်။
EPS-TOPIK ကုန်ထုတ်လုပ်ငန်း ဒုတိယအသုတ် အပြီးသတ်အောင်စာရင်း ပါရှိသူတွေ အနေနဲ့ အလုပ်လျှောက်လွှာ လျှောက်ထားနိုင်တယ်လို့ POEA ကအသိပေးကြေညာထားပါတယ်။
ကိုရီးယား ရဲ့ EPS-TOPIK ကုန်ထုတ်လုပ်ငန်း ဒုတိယအသုတ် အတွက် အပြီးသတ်အောင်စာရင်းမှာပါရှိ သူ ၄၂၄၉ ဦး ရှိတယ်လို့သိရပါတယ်။
အောင်စာရင်းမှာပါရှိသူတွေ အတွက် အလုပ်လျှောက်လွှာတွေကို ခုံနံပတ်အလိုက် ထုတ်ပေးနေပြီးတော့ အလုပ်လျှောက်လွှာလက်ခံမှုကိုတော့ ခုံနံပတ်အလိုက် ဇူလိုင်၂၈ နေ့က နေ ဩဂုတ် ၁ ရက်အထိ လက်ခံပေးသွားမယ်လို့ကြေညာထားပါတယ်။
လျှောက်လွှာတင်သူတွေ အနေနဲ့ အစိုးရပြည်ပအလုပ်ကိုင်အေဂျင်စီက သတ်မှတ်ထားတဲ့ဆေးခန်းတွေမှာကျန်းမာရေးဆေးစစ်ခြင်း ဆောင်ရွက်ရမှာဖြစ်ပြီး ကျန်းမာရေးစစ်ဆေးမှုအောင်မြင်သူတွေကိုသာ အလုပ်လျှောက်လွှာ တင်သွင်းခွင့်ရမယ်လို့ဆိုပါတယ်။
သို့ပေမယ့် အလုပ်လျှောက်လွှာတင်သွင်းသူတိုင်း ကိုရီးယားသမ္မတနိုင်ငံ သို့ သွားရောက် အလုပ်လုပ်ကိုင်ခွင့်ရမည်ဟု အာမ မခံကြောင်းကိုလည်း POEA အသိပေးထားပါတယ်။
