၂၀၂၃ ခုနှစ်၊ ကိုရီးယားဘာသာအရည်အချင်းစစ် (EPS-TOPIK) စာမေးပွဲ (ကုန်ထုတ်လုပ်ငန်း (ဒုတိယအသုတ်)နဲ့ ဆောက်လုပ်ရေးလုပ်ငန်း) ဖြေဆိုအောင်မြင်ပြီး အလုပ်ရှင်ရွေးချယ်ခံရခြင်း မရှိသေးတဲ့ သူတွေ အတွက် သက်တမ်းတိုး အလုပ်လျှောက်လွှာ ထုတ်ပေး/လက်ခံခြင်း ဆောင်ရွက်ပေးသွားမယ်လို့အစိုးရပြည်ပအလုပ်အကိုင်အေဂျင်စီ (အလုပ်သမားညွှန်ကြားမှုဦးစီးဌာန)ကကြေညာထားပါတယ်။
အလုပ်လျှောက်လွှာထုတ်ပေးခြင်းကို သြဂုတ်လ ၁၂ ရက်နဲ့ ၁၃ ရက် တို့မှာ လုပ်ဆောင်ပေးမှာ ဖြစ်ပြီး အလုပ်လျှောက်လွှာလက်ခံခြင်းကို သြဂုတ်လ ၁၄ ရက်နဲ့ ၁၅ ရက်တို့မှာ လက်ခံဆောင်ရွက်ပေးမှာဖြစ်တယ်လို့
ဆိုပါတယ်။
လျှောက်လွှာတင်သွင်းလိုသူတွေ အနေနဲ့ မိမိတို့လက်ကိုင်ဖုန်း က တစ်ဆင့် ID/Password ဖြင့်ကြည့်ပြီး ၂၀၂၄ခုနှစ် စက်တင်ဘာ ၃၀ရက် အထိ သက်တမ်းကုန်ဆုံးသူတွေ သာအလုပ်လျှောက်လွှာ တင်သွင်းရမှာဖြစ်ပြီး ၎င်းနေ့ရက် နောက်ပိုင်း သက်တမ်းကုန်ဆုံး သူတွေ ကိုတော့ အလုပ်လျှောက်လွှာသက်တမ်းတိုးရမယ့် နေ့ရက်ကို ထပ်မံကြေညာပေးမယ်လို့ ကြေညာထားပါတယ်။
အလုပ်လျှောက်လွှာ တင်သွင်းလိုသူတွေအနေနဲ့ ကာယကံရှင်ကိုယ်တိုင် နိုင်ငံကူးလက်မှတ်စာမေးပွဲဖြေဆိုခွင့် ဖြတ်ပိုင်းနဲ့ အတူ ပြသထုတ်ယူရမှာ ဖြစ်ကာ အခြားသတ်မှတ်ထားတဲ့စည်းကမ်း ချက်တွေ ကိုလည်း POEA-EPS လူမှုကွန်ယက်စာမျက်နှာမှာ ကြေညာထားပါတယ်။
အလုပ်လျှောက်လွှာ တင်သွင်းလာသူအားလုံးကိုတော့ ကိုရီးယားသမ္မတနိုင်ငံမှာ သွားရောက်အလုပ် လုပ်ကိုင်ရမယ်ဆိုတာ အာမမခံဘူးလို့ အစိုးရပြည်ပအလုပ်အကိုင်အေဂျင်စီက ကြေညာချက်မှာ ရေးသားထားပါတယ်။
