ရန်ကုန်မြို့ ၊ လိူင်သာယာမြို့နယ်၊ နဝေဒး အိမ်ယာက Myanmar Yong Jia Garment Color Correction Co.,Ltd (ကာလာကွဲဆေးခြယ်) လုပ်ငန်းမှာ အမျိုးသမီးဝန်ထမ်း ၃ ဦးကို အလုပ်သမားအရာရှိတွေက ဖိအားပေးလက်မှတ် ထိုးခိုင်းခဲ့တယ်လို့ သိရပါတယ်။
တိုင်ကြားချက်တွေ မပြီးပြတ်သေးဘဲ မတ် ၁၃ ရက်မနက်ပိုင်းမှာ သက်ဆိုင်ရာ အလုပ်သမားဦးစီးဌာနတွေက ဦးစီးမှူးတွေ လုပ်ငန်းရှင်နေအိမ်ကို သွားရောက်ပြီး တိုင်းကြားထားတဲ့ ဝန်ထမ်းအမျိုးသမီးတွေကို ခေါ်ယူ တွေ့ဆုံ ပြီး လုပ်ငန်းရှင်အကြိုက် အတင်းအကျပ်ဖိအားပေး ခြိမ်းခြောက် လက်မှတ်ထိုးခိုင်းခဲ့တာလို့ သွေးစည်းညီညွတ်သောသမဂ္ဂများအဖွဲ့ချုပ် STUM က ထုတ်ပြန်ထားပါတယ်။
မမွန်မွန်စန်းပါ အမျိုးသမီး အလုပ်သမား ၄ ဦးကို လုပ်ငန်းရှင်ဘက်က EC စာချုပ် ချုပ်ဆိုထားတာ မရှိတာ ကြောင့် မြို့နယ်(အ.လ.ည) ရုံးကို မတ်လ ၆ ရက်မှာ နောက်ဆုံးတင်ပြထားပြီး ပြီးပြတ်မှုမရှိသေး တာ လို့လည်း သိရပါတယ်။
မမွန်မွန်စန်းပါ ၇ ဦးကို ညနက် ၈နာရီအထိ အချိန်ပိုမဆင်းလို့ဆိုပြီး အလုပ်ရှင်က အလုပ်ကနေ ပြီးခဲ့လထဲမှာ အလုပ်ထုတ်ခဲ့တာကြောင့် သက်ဆိုင်ရာ မြို့နယ်အလုပ်သမားရုံးတွေမှာ ဖြေရှင်းခဲ့ရာ အလုပ်ပြန်လည် ခန့်အပ်ခဲ့ တဲ့ အပြင် ကြားကာလ နစ်နာကြေးပေးချေဖိုနဲ့ လုပ်ငန်းခွင် ခွဲခြား မှုမပြုဘဲ လုပ်ကိုင်စေဖို့ လုပ်ငန်းရှင် ဘက်က သဘောတူခဲ့ပါတယ်။ ဒါ့ပေမဲ့ မတ် ၅ ရက်မှာ မမွန်မွန်စန်းကို လစာငွေ လုံး၀မပေးဘဲ ဖြတ်တောက်ခဲ့လို့ မတ်လ ၇မှာ ထပ်မံ ဖြေရှင်းခဲ့ရပြီး လစာပြန်လည်ရရှိခဲ့ပါတယ်။
ဖြေရှင်းဆောင်ရွက်နေဆဲ ကြားကာလအတွင်း လုပ်ငန်းရှင်ဘက်က မမွန်မွန်စန်း ပါ အလုပ်သမား ၄ ဦး ကို အခြားဝန်ထမ်းတွေနဲ့ တန်းတူညီမျှမှု မရှိဘဲ ခွဲခြားဆက်ဆံကာ၊ စံချိန် (Hourly) တိုးမြှင့်တောင်းခံတာတွေ အပြင် တခြားဝန်ထမ်းများရှေ့မှာ ဆဲဆိုကြိမ်းမောင်း ပြောဆိုခဲ့တယ်လို့ သိရပါတယ်။