Myanmar Gigi စက်ရုံမှာ နေ့စား တနှစ်နီးပါး လုပ်ကိုင်ပေမဲ့ အမြဲတမ်းလုပ်သား ခန့်ထားခြင်းမရှိ

cover
profile
Mar 21, 2023

Myanmar Gigi Leather Goods Manifactroy Co.;Ltd ပိုင် စက်ရုံ က နေ့စားအလုပ်သမားတွေ လုပ်သက် တစ်နှစ်နီးပါးရှိပေမဲ့ အမြဲတမ်းလုပ်သားအဖြစ်ခန့်အပ်တာ မရှိဘူးလို့ လုပ်သားတွေက ပြောပါတယ်။

နေ့စားအလုပ်သမားတွေကို EC စာချုပ် ချုပ်ဆိုတာ မရှိသလို ဥပဒေပါ အခွင့်အရေးတွေလည်း မရဘူးလို့ အလုပ်သမားတွေက ပြောပါတယ်။

“နေ့စား အလုပ်သမားကို တစ်နှစ်ဝန်းကျင် လုပ်နေတာ အခုထိ အမြဲတမ်းအလုပ်သမား လခစားအနေနဲ့ မခန့် ပေးဘူး။ စာရွက်စာတန်း တော့ အကုန်တောင်းထားတယ်၊ အလုပ်သမား ဥပဒေပါ အခွင့်အရေးဆို မရပါဘူး  ” လို့  Myanmar Gigi စက်ရုံ အလုပ်သမား အမျိုးသမီးက ပြောပါတယ်။

အဲဒီစက်ရုံက နေ့စားအလုပ်သမားက အမြဲတမ်းအလုပ်သမားအဖြစ် မခန့်ထားတာကြောင့် အလုပ်သမား အခွင့်အရေး အားလုံးလည်း ဆုံးရှုံးနေရတယ်လို့ လည်း ပြောပါတယ်။

ဒီကာလထဲမှာ အလုပ်သမားတွေ စားဝတ် နေရေး ကျပ်တည်းနေတာကို အခွင့်ကောင်းယူပြီး အလုပ်ရှင်တွေက နေ့စားလို့ပဲ ခေါ်ခန့်နေတာ ဖြစ်တယ်လို့ အလုပ်သမားရေးလှုပ်ရှားသူ အမျိုးသမီးတစ်ဦးက ပြောပါတယ်။ 

“နောက် လုပ်အားကို ညှစ်ထုတ်ချင်တာမျိုးပေါ့ ။ နေ့စားမို့ အလုပ်ရှိရင်ခေါ်မယ်၊ မရှိဘူးဆို နားပေါ့ ။ နောက်သူတို့ ခိုင်းလို့ အဆင်မပြေရင်လည်း မခေါ် တော့ဘူး ။ နေမကောင်းလို့ အလုပ်ပျက်ရင် နောက်ရက်  မလာတော့နဲ့ပေါ့။ သူတို့ ဘယ်အချိန်မှာ လခစား ဖြစ်မယ် မဖြစ်ဘူး မသေချာဘူး။ အလုပ်လုပ်ရင် ပိုက်ဆံ ရမယ်၊ မလုပ်တဲ့နေ့ ပိုက်ဆံမရဘူး။ နေ့စားခန့်တာက ဥပဒေပါ အခွင့်အရေးတွေကို မပေးချင်တာပါ “ လို့  ဆက်ပြော ပါတယ်။

Myanmar Gigi Leather Goods Manifactroy Co.;Ltd ပိုင် စက်ရုံကတော့  ပုလဲလမ်း၊ သာဓုကန် စက်မှုဇုန်၊ ရွှေပြည်သာမြို့နယ်မှာရှိပြီး လုပ်သားအင်အား ၂၀၀၀ လောက်နဲ့ သားရေ ပိုက်ဆံအိပ်တွေ ချုပ်လုပ်နေ တယ်လို့ သိရပါတယ်။

မြန်မာနိုင်ငံရင်းနှီးမြှုပ်နှံမှုကော်မရှင် အချက်အလက်တွေအရ စက်ရုံကို နိုင်ငံခြားရင်းနှီး မြှုပ်နှံမှုနဲ့ တည်ထောင်ထားပြီး ထုတ်ကုန််တွေကို အမေရိကန်နိုင်ငံကို အဓိက တင်ပို့ထားပါတယ်။

စက်ရုံတွေနဲ့ နေ့စားခန့်တာဟာ အလုပ်သမားတွေကို တခြားလုပ်ပိုင်ခွင့်တွေကို မပေးလိုတာကြောင့်လို့ အလုပ်သမာရေး ဆောင်ရွက်နေသူတစ်ဦးက ပြောပါတယ်။

“နေ့စားပဲခန့်ခန့်၊ လခစားနဲ့ ပုတ်ပြတ်ပဲခန့်ခန့် ဥပဒေနဲ့တော့ ညီပါတယ်။ အခု ၄၈၀၀ ဆိုတာ လခစား သဘောပါပဲ။ နေ့စားဆိုတာက စက်ရုံဘက်ကနေ တစ်ရက်ကို  ၇၀၀၀၊ ၈၀၀၀ ပေးတာမျိုးပါ။ နေ့စားဆိုပြီး ခန့်တာက စက်ရုံကနေ ရက်မှန်ကြေးလို၊ ဘောနပ် လိုဟာတွေကို မပေးချင်လို့ပါ” လို့ ပြောပါတယ်။

Myanmar Gigi စက်ရုံဟာ ပြီးခဲ့တဲ့ရက်ပိုင်းက အလုပ်သမား ၆၀၀ ခေါ်ယူနေပြီး အသစ်ခန့်မယ့် အလုပ်သမားတွေ ကိုလည်း နေ့စားအနေနဲ့ လူတွေ့စစ်ဆေးနေတယ်လို့ သိရပါတယ်။

#MyanmarLabourNews

561 Views

Related News

cover
Myanmar Jiale Fashion စက်ရုံတွင် လ ၂၀ စာဖြတ်တောက်ထားတဲ့ လစာ ၁၅ ရာခိုင်နှုန်းကို ပြန်လည်ရရှိလိုဟု အလုပ်သမားတွေတောင်းဆို
Jun 9, 2023
cover
ဒေးကြေး တိုးပေးရန် တောင်းဆိုမှုအား စက်ရုံဘက်မှ တုန့်ပြန်မှု မရှိ၍ Gainway International (Myanmar) Garment လုပ်သားများ ဆန္ဒပြ
Jun 9, 2023
cover
အချိန်ပိုကြေးများ ဥပဒေနှင့်အညီမရရှိတဲ့ အပြင် အချိန်ပိုမဆင်းပါက ဂရိတ်ကြေးအဆင့်ချခြင်းနှင့် ဖိအားပေးပြောဆိုမှုများရှိကြောင်း Universal Apparel Co,Ltd အထည်ချုပ်အလုပ်သမားများပြောကြား
Jun 8, 2023
cover
ဒေးကြေး ၅၆၀၀ ကျပ်မရရှိဘဲ ကျွမ်းကျင်ကြေးဖြင့်သာ အလုပ်သမားတောင်းဆိုမှုရပ်ဆိုင်းခဲ့ရ
Jun 7, 2023
cover
Myanmar Knitting အထည်ချုပ်စက်ရုံတွင် အလုပ်သမားသမဂ္ဂအားဖြိုခွင်းပြီး လုပ်ငန်းခွင်ချိုးဖောက်မှုများပြုလုပ်နေ
Jun 7, 2023
cover
နေ့စားအလုပ်သမားတွေ ၁ ရက် ၃၆၀၀ ကျပ်ဖြင့်လုပ်ကိုင်နေရ၊ ခွင့်ယူပါက တစ်ခါတည်း အလုပ်ထုတ်ခံရ ပြီး အလုပ်သမားအခွင့်အရေးများ ဆုံးရှုံးမှုများဖြစ်ပေါ်နေတယ်လို့ HEN BO Myanmar အထည်ချုပ်အလုပ်သမားတွေပြော
Jun 6, 2023
cover
မြန်မာပေါင်ချိန်ဖိနပ်စက်ရုံက အလုပ်သမားများလုပ်ခလစာတိုးပေးဖို့တောင်းဆိုမည်
Jun 6, 2023
cover
အလုပ်သမားတစ်ထောင်ကျော်ရှိတဲ့ ကျင့်ကျန့်ထုန်လီ အထည်ချုပ်စက်ရုံလုပ်သားများ တစ်နေ့လုပ်ခ ၅၆၀၀ ကျပ်ရရှိသည်အထိတောင်းဆိုမယ်ဟုဆို
Jun 6, 2023
cover
Yuan Hong Garment စက်ရုံမှာ အလုပ်သမားအခွင့်အ​ရေးချိုးဖောက်မှုရှိများရှိနေဟုဆို
Jun 6, 2023
cover
အနည်းဆုံးလုပ်ခ ၅၆၀၀ ကျပ်ပေးဖို့ Honor Apparel စက်ရုံအလုပ်သမား ၁၀၀၀ ကျော်လုပ်ငန်းခွင်အတွင်းငြိမ်းချမ်းစွာ ဆန္ဒဖော်ထုတ်
Jun 6, 2023



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle