သင်္ကြန်အလုပ်ပိတ်ရက် လုပ်ခလစာမပေးလိုတာကြောင့် အလုပ်သမား(၄၀၀)ကျော်အား အလုပ်မှရပ်ဆိုင်းခဲ့ဟုဆို

cover
profile
Mar 14, 2023

တရုတ်နိုင်ငံသားပိုင်ဆိုင်တဲ့ လှိုင်သာယာမြို့နယ် ရွှေလင်ဗန်း စက်မှုဇုန် ဦးအောင်သူလမ်း Fitex (Myanmar) Garment Manufacturing Co.,Ltd အထည်ချုပ်စက်ရုံဟာ  သင်္ကြန်ပိတ်ရက်အတွက် လုပ်ခလစာမပေးလိုတာကြောင့် အလုပ်သမား ၇၀၀ ကျော်အနက်မှ  အလုပ်သမား၄၀၀ကျော်ကို  အလုပ်ကနေရပ်ဆိုင်းလိုက်တယ်လို့ သိရပါတယ်။

"၁၃ရက်နေ့လည်၂နာရီ လောက်က လုပ်သက် ၃လ၊၆လ၊ မပြည့်သေးတဲ့ အလုပ်သမားများကို ပိတ်ပြီဆိုတဲ့အကြောင်း စူပါ လီတာတွေကတစ်ဆင့် ပြောပါတယ်။ ကျွန်မတို့ကို ၃လပိုင်း ၁၃ရက်မှ ၄လပိုင်း ၁၂ထိဆင်း ရမယ်ပြောပါတယ် စက်ရုံမှနို့တစ်စာလည်းမကပ် အလုပ်သမားတွေကို ပွင့်လင်းမြင်သာမှုမရှိဘဲ အလုပ်ရှင်မှ အလုပ်သမားတွေကို သင်္ကြန်
ပိတ်ရက်ခ ပေးရမှာစိုးတဲ့အတွက် အလုပ်သမား (၄၀၀)ကျော်ကို အလုပ်ဖြုတ်ပစ်ခဲ့ပါတယ်” လို့ အဲ့ဒီစက်ရုံကအလုပ်သမားတစ်ဦးက ပြောပါတယ်။  

အဆိုပါစက်ရုံက AMISU ကုန်အမှတ်တံဆိပ်ကို  အဓိကထားချုပ်လုပ်နေတဲ့စက်ရုံဖြစ်ပြီး  စက်ရုံကိုလူဦးရေ ၇၀၀ကျော်နှင့် စက်လိုင်း ၁၀လိုင်းဖြင့်လည်ပတ်လုပ်ကိုင်နေတာဖြစ်ပြီး ပြီးခဲ့တဲ့၂၀၂၂ နှစ်တုန်းကလည်း သက်င်္ကြန်ပိတ်ရက်ခမပေးချင်တဲ့အတွက် အခုပုံစံအတိုင်း စက်ရုံပိတ်ခဲ့သေးတယ်လို့လည်း သိရပါတယ်။  

“နှစ်လပိုင်းတုန်းကဆိုရင် စနေ့ ၊တနဂ်နွေ အလုပ်ပိတ်ပေးပြီး လုပ်သက် ၂လမပြည့်သေးတဲ့ အလုပ်သမားတွေကို ဒေးကြေး ၄၈၀၀မပေးပဲဖြတ်တောက်ပါတယ် အထည်ကြေးတွေကိုလည်း ရာခိုင်းနှုန်း မပြည့်ဘူးဆိုပြီး စက်ရုံမှူးနဲ့စကားပြန် မအေးနွယ်မှ ဖြတ်တောက်ပါတယ် ကျွန်မတို့အလုပ်သမားတွေ အလုပ်လက်မဲ့ဖြစ်ပင်မဲ့ အလုပ်ရှင်တွေရဲ့လူပါးဝမှုတွေကို ပြည်သူတွေသိစေချင်ပါတယ်ရှင်” လို့  ၎င်းကဆိုပါတယ်။  
အဆိုပါစက်ရုံဟာ အလုပ်သမားဆန္ဒမပါဘဲ အချိန်ပိုအတင်းအကြပ်ခေါ်တာရှိသလို ကျန်းမာရေး မကောင်းလိုပြန်မယ်ဆိုရင်လည်း ဂိတ်ပတ်မပေးခြင်း၊ အလုပ်တစ်ရက်ပျက်ပါက  အလုပ်ဖြုတ်ပစ်ခြင်းများ၊ အလုပ်သမားများကို ရိုင်းပျစွာပြောဆိုခြင်းများရှိနေတာကြောင့်  အလုပ်သမားများအနေဖြင့်မိမိတို့ထုတ်လုပ်နေတဲ့နိုင်ငံတကာကုန်အမှတ်တံဆိပ်တွေနဲ့ တာဝန်ရှိသူများကအမြန်ဆုံးကူညီပေးပါရန်  မြန်မာနိုင်ငံအထွေထွေအလုပ်သမား သမဂ္ဂများအဖွဲ့ချုပ်FGWM Page ကိုအကူအညီတောင်းထားခြင်းဖြစ်တယ်လို့ သိရပါတယ်။

#MyanmarLabourNews 
#FGWM

218 Views

Related News

cover
Myanmar Gigi စက်ရုံမှာ နေ့စား တနှစ်နီးပါး လုပ်ကိုင်ပေမဲ့ အမြဲတမ်းလုပ်သား ခန့်ထားခြင်းမရှိ
Mar 21, 2023
cover
ပဲခူး ကောင်းဝိတ်ဆဲလ်ကုမ္ပဏီပိုင် စက်ရုံက သင်္ကြန် အလုပ်ပိတ်ရက်များအား အစားထိုးဆင်းခိုင်း
Mar 19, 2023
cover
လုပ်ငန်းခွင်နဲ့မသက်ဆိုင်တဲ့ အလုပ်တွေ ခိုင်းစေခြင်းမပြုလုပ်ဖို့ အလုပ်သမားတွေတောင်းဆို
Mar 18, 2023
cover
၂၀၂၂ ခုနှစ်အတွက် အလုပ်သမားအရေး အနှစ်ချုပ် (Myanmar Labour News)
Mar 18, 2023
cover
ရွှေပြည်သာက GY Sen(Primseng GUO) စက်ရုံပိတ်သိမ်းပြီးတစ်လမပြည့်မီပြန်လည်လုပ်သားခေါ်ယူနေ
Mar 18, 2023
cover
တရားစွဲခံ ရိမ်းဘိုးဆပ်ပြာစက်ရုံသမဂ္ဂခေါင်းဆောင်များအား နုတ်ထွက်ရန် ညှိနှိုင်း
Mar 17, 2023
cover
H&M အမှတ်တံဆိပ်ချုပ်တဲ့ Suzhou Silk Fashion (Myanmar) အထည်ချုပ်စက်ရုံပိတ်ရက်တွေအတွက် ဒေးကြေးပေးဖို့အလုပ်သမားတွေတောင်းဆို
Mar 16, 2023
cover
အလုပ်သမားအခွင့်အရေးများ လစ်လျူရှု့ခံနေရတယ်လို့ အလုပ်သမားတွေပြော
Mar 14, 2023
cover
W&F GROUP CO.,LTD အထည်ချုပ်စက်ရုံမန်နေဂျာ မှ အလုပ်သမားများအား မိုက်ရိုင်းစွာပြောဆိုအလုပ်ထုတ်
Mar 14, 2023
cover
အထည်ချုပ်လုပ်ငန်းခွင်အတွင်း လုံခြုံရေးဝန်ထမ်းများမှ ဗီဒီယိုမှတ်တမ်းတင်နေမှုအပါအဝင် အလုပ်သမားအခွင့်အရေးချိုးဖောက်ခံရတာတွေရှိနေတယ်လို့ အလုပ်သမားတွေပြော
Mar 13, 2023



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle