ရန်ကုန်မြို့ရွှေပြည်သာ စက်မှုဇုန် (၃)မှာ ဖွင့်လှစ် ထားတဲ့ Textile အထည်ချုပ်စက်ရုံရှိ အလုပ်သမားတစ်ထောင်ကျော်ဟာ ကျွမ်းကျင်ကြေးတွေကို ဖြတ်တောက်ခံထားရတာကြောင့် ပြန်လည်ရရှိဖို့ စုပေါင်းတောင်းဆိုခဲ့ကြတယ်လို့ သိရပါတယ်။
''၂၀၂၂ ခုနှစ်၊ နိုဝင်ဘာလ၊ ၅ ရက်နေ့ အောက်တိုဘာလ လုပ်ခလစာ ပေးချေရာ၌ လုပ်ငန်းရှင်က အလုပ်သမားများ၏ ကျွမ်းကျင်ကြေးများကို တစ်ဝက်နီးပါးဖြတ်တောက်ထားတဲ့အတွက်အလုပ်သမားများမှ ကျွမ်းကျင်ကြေးများကို အပြည့်ပြန်လည်ပေးချေရန်တောင်းဆိုခဲ့တယ်'' လို့ STUM မှဆိုပါတယ်။
အဆိုပါစက်ရုံဟာ Cotton Textile Garment (Myanmar) အထည်ချုပ်စက်ရုံဖြစ်ပြီး အလုပ်သမား (၁၀၀၀) ကျော်ခန့်အလုပ်လုပ်ကိုင်နေရာမှ ဒီကနေ့နိုဝင်ဘာ၅ရက်နေ့ လစာထုတ်ချိန်မှာ အောက်တိုဘာလတစ်လရဲ့ ပိတ်ရက်၈ရက်စာ ကျွမ်းကျင် ကြေးတွေကို ဖြတ်တောက်ခံရတာဖြစ်တာကြောင့် အခုလိုစုပေါင်းတောင်းဆိုခဲ့တာဖြစ်တယ်လို့ သိရပါတယ်။
'' ညှိနှိုင်းလိုက်တာတော့မဟုတ်ဘူး။ မန်နေဂျာလားတာ၀န်ခံလားတစ်ယောက်က ညှိနေတာပေါ့နော်။ ဒီငွေတွေဖြတ်ရတဲ့အကြောင်းရင်းကိုရှင်းပြမယ်ဆိုပြီးတော့ လိုက်သွားတာဆိုတော့ ထမင်းစားခန်းရှေ့မှာဆိုတော့ လူထောင်ကျော်ဆိုတော့လူပြွတ်သိပ်သွားပြီးတော့ ဆန္ဒပြသလိုဖြစ်သွားတာ။ အကုန်လုံးကမရဘူးဆိုပြီးတော့ တောင်းဆိုကြတာဆိုတော့ သူတို့ကဘယ်လိုလဲဆို စူပါတွေအောစူပါတွေကိုချုပ်ထားတာ။ အဲ့ဒီလူတွေကိုဒီလိုဖြတ်တယ်ပေါ့နော်။ အလုပ်သမားတွေကိုပြောလိုက်ဆိုတာမျိုးလုပ်ထားတာ။ သူတို့ကလစာပေးတဲ့နေ့မှာ။ သုံးသောင်းလေးသောင်းပေါ့။ သူတို့ စခေါ်ကတည်းက ဒီလိုတွေမဖြတ်ပါဘူးဆိုပြီးကတိပေးထားတာ။ အလုပ်သမားတွေကမရတော့ဘူး မေးမယ်ဆိုတော့ သူတို့ကတစ်ယောက်ချင်းမေးရှင်းပြမယ်ဆိုရင်းကနေ လူများကြီးဖြစ်သွားတော့ အလုပ်သမားတစ်ယောက်ကလည်း ပုံတင်လိုက်တော့ ခုလိုဖေ့ဘွတ်မှာပြန့်သွားပြီ ဆိုတော့ ၈ရက်နေ့မှာပေးမယ်ဆိုပြီးဖြစ်သွားတာ'' လို့ STUM မှတာ၀န်ရှိသူကဆိုပါတယ်။
အခုလို အလုပ်သမားတစ်ထောင် နီးပါးက ဖြတ်တောက်ထားတဲ့ကျွမ်းကျင်ကြေးတွေ ကိုပြန်လည်ထုတ်ပေးရန် စုပေါင်းတောင်းဆိုမှု
ပြုလုပ်ခဲ့ကြတာကြောင့် လာမဲ့နိုဝင်ဘာ၈ရက်နေ့မှာစက်ရုံက ပြန်ပေးမယ် လို့ နှုတ်ကပေးထားတယ်လို့လည်း သိရပါတယ်။
#MyanmarLabourNews
Photo-STUM
NEWS
ကျွမ်းကျင်ကြေးတွေဖြတ်ခံရလို့ Textile စက်ရုံလုပ်သားတွေ စုပေါင်း တောင်းဆို
748 Views
Related posts
အလုပ်ထွက်တဲ့အလုပ်သမားတွေ ဒေးကြေး ရက်မှန်ကြေး အချိန်ပိုကြေးနှင့် ကျွမ်းကျင်ကြေးတွေ ဖြတ်တောက်ခံနေရ
Apr 23, 2024
လုပ်ငန်းခွင်အတွင်းက အခွင့်အရေးချိုးဖောက်မှုတွေဖြေရှင်းပေးရန် တိုင်ကြားထားဟုဆို
Apr 22, 2024
လုပ်ခ မလုံလောက်မှုကြောင့် အလုပ်သမားများ စားဝတ်နေရေး ပိုမိုခက်ခဲလာ
Apr 22, 2024
အမျိုးသမီးများပါသွားရောက်လုပ်ကိုင်နိုင်မည့် ကိုရီးယား EPS-TOPIK စာမေးပွဲဧပြီ ၃၀ ရက် နေ့ဖြေဆိုရမည်
Apr 20, 2024
HOPE ONE CO,LTD စက်ရုံလုပ်ငန်းခွင်အတွင်း ကိုယ်ထိလက်ရောက်အပါအဝင် အခွင့်အရေးချိုးဖောက်မှုများကျူးလွန်နေဟုဆို
Apr 19, 2024
လုပ်သားအင်အားရှားပါးမှုကြောင့် ကလေးလုပ်သား အသုံးပြုမှုပိုများလာ
Apr 15, 2024
ဒေါ်ခိုင်ဇာအောင်အား Arthur Svensson Prize ချီးမြှင့်
Apr 15, 2024
Myanmar Dongxin စက်ရုံတွင် လိင်ပိုင်းဆိုင် ထိခိုက်စော်ကားမှုတွေ ဖြစ်ပွားနေ
Apr 13, 2024