ဧရာဝတီတိုင်းက အထည်ချုပ်လုပ်ငန်းတွေမှာ ၁၉၅၁ခု နှစ်၊ ခွင့်ရက်နဲ့အလုပ်ပိတ်ရက် ဥပဒေပါအခွင့်အရေးများမရရှိတော့

cover
profile
Sep 20, 2022

၁၉၅၁ ခုနှစ် ခွင့်ရက်နှင့် အလုပ်ပိတ်ရက် နည်းပဒေအရ အလုပ်သမားတစ်ယောက်သည် တပတ်အလုပ်လုပ်ကိုင်ပြီးပါက အနည်းဆုံး တစ်ရက်ကို အခကြေးငွေ သို့မဟုတ် အခြေခံလစာဖြင့်ခွင့်ခံစားခွင့်၊ အလုပ်စတင် ဝင်ရောက်သည်မှ နှစ်လပြည့်တိုင်း ရှောင်တခင်ခွင့်ရက် ၁ ရက်နှုန်း ၊ အများပြည်သူအလုပ်ပိတ်ရက်များ၊  လုပ်သက် ၁ နှစ်ပြည့်ပြီးပါက လုပ်သက်ခွင့် ၁၀ ရက်ခံစားခွင့် ၊ လူမှု ဖူလုံရေးကြေးထည့်ဝင်ထားပါက အကျိုးခံစားခွင့် စတာတွေရရှိရမှာဖြစ်ပါတယ်။

ဒါ့အပြင် အလုပ်သမားတစ်ယောက်ကို အလုပ်ပိတ်ရက် တရက်မရဘဲ ၁၀ ရက်အဆက်မပြတ်ခိုင်းစေနိုင်မည့် ရက်စားပေးခြင်းကိုလည်း ပြုလုပ်ခွင့်မရှိဘူးလို့ ဥပဒေမှာဖော်ပြထားပါတယ်။ အလုပ်သင်ကာလ အစမ်းခန့်ကာလတို့မှာလည်း ရှောင်တခင်ခွင့် ဆေးလက်မှတ်ခွင့်နဲ့မီးဖွားခွင့်တွေခံစားခွင့်ရရှိရမှာဖြစ်တယ်လို့ သိရပါတယ်။

“၂ လမပြည့်ဘဲ ရှောင်တခင် ခွင့်ယူရင် ဝမ်တိမ်ထိုးရမယ်လို့ အလုပ်သမားတွေကို ကြိုပြောထားတာမရှိဘဲ အလုပ်သမားက ရက်ပျက်တယ်ဆိုရင် အလုပ်ပြန်ဆင်းတဲ့အခါ ဝမ်တိမ်ထိုးရတာတွေရှိတယ် အလုပ်သမားဒါကို ဝမ်တိမ်ထိုးရမယ်ဆိုတာသိထားရင် မပျက်ချင်မပျက်ဘူး အလုပ်သမားက ဥပဒေကိုမသိတဲ့အခါမှာ ဝမ်တိမ်ထိုးရမှာကိုမသိ လိုက်တာတွေမျိုးတွေရှိတယ်”လို့ ခွင့်ရက်နှင့် အလုပ်ပိတ်ရက် မရရှိတာတွေအပေါ်  အလုပ်သမားတစ်ဦးကပြောဆိုပါတယ်။

လုပ်သက် နှစ်လမပြည့်ဘဲ ရှောင်တခင်ခွင့်မရကြောင်းအလုပ်စတင် ဝင်ရောက်သည့် အချိန် တွင် အလုပ်ရှင်မှ အလုပ်သမားကို ရှင်းပြတာမျိုးမရှိသည့်အတွက် ဥပဒေမသိဘဲ ရှောင်တခင်ခွင့်ယူမိသည့်အလုပ်သမားကို အလုပ်ရှင်က ဝမ်တိမ်ထိုးခိုင်းတာတွေလည်း ရှိနေတယ်လို့ အလုပ်သမားတွေကပြောဆိုပါတယ်။

ဧရာဝတီတိုင်း ဒေသကြီး ပုသိမ်မြို့ရှိ အထည်ချုပ်စက်ရုံတွေမှာ လုပ်ကိုင်နေတဲ့ အလုပ်သမားတွေဟာ  ၁၉၅၁ခု နှစ်၊ ခွင့်ရက်နဲ့အလုပ်ပိတ်ရက် ဥပဒေပါ ရှောင်တခင်ခွင့်ရက်များကို  နှစ်လတစ်ရက် ခံစားခွင့်ပေးပြီး  နှစ်လမပြည့်ဘဲ ရှောင်တခင်ခွင့်ယူပါက ကြိုတင်အသိပေးတာမရှိဘဲ ဝမ်တိန်ထိုးရတာတွေရှိနေတယ်ပြီး လို့ အလုပ်သမားတွေက ပြောပါတယ်။

"ဆေးလက်မှတ်ခွင့်တွေကိုလဲ သက်ဆိုင်ရာ ဆမ ရပြီးသားဆရာဝန်တစ်ယောက်ရဲ့လက်မှတ်ပါနေတာတောင်မှခွင့်မပေးဘဲ လစာငွေတွေဖြတ်တောက်တယ် အလုပ်တွေထုတ်လာတွေတွေရှိနေပါတယ်။လုပ်သက်ခွင့်တွေကိုလည်း အလုပ်သမား တွေနဲ့မညှိ့နှိုင်းဘဲနဲ့ အလုပ်သမားတွေရဲ့သဘောဆန္ဒမပါပဲ ခွင့်ပေးချင်တဲ့သူတွေကိုပေးတယ်၊ လစာငွေပဲပေးချင်တဲ့သူတွေကိုပေးတာတွေရှိနေပါတယ်"လို့ ပုသိမ်စက်မှုဇုန်ရှိ စက်ရုံတစ်ရုံမှာလုပ်ကိုင်နေတဲ့ အထည်ချုပ်လုပ်သားတစ်ဦးကပြောပါတယ်။

"အလုပ်သမား ဥပဒေနားမလည်တဲ့အပေါ် အခွင့်ကောင်းယူတာ နိုင်ငံရေးအခြေအနေကြောင့် ဥပဒေစိုးမိုးမှု မရှိဘူး ဒါကြောင့် အလုပ်သမားတွေက ခံစားပိုင်ခွင့်အမျိုးမျိုး ချိုးဖောက်ခံနေရတာ"လို့ အလုပ်သမားအရေး လှုပ်ရှားသူတစ်ဦးက ခွင့်ခံစားခွင့်တွေနဲ့ပတ်သက်လို့ သုံးသပ်ပြောဆိုပါတယ်။  

အာဏာသိမ်း ကာလ တနှစ်ကျော် နှစ်နှစ် နီးပါး ကြာမြင့်လာသလို ကြားကာလအတွင်းမှာ ဧရာဝတီတိုင်းက စက်မှု့ဇုန်အတွင်းမှာ   စက်ရုံနှင့် အလုပ်သမားများကြား  ညှိနှိုင်းဖြေရှင်းရေးယန္တရား တွင် ဖြေရှင်းဆောင်ရွက်ပေးနေသော ဌာနဆိုင်ရာများလည်း အဆိုပါ အလုပ်သမားအခွင့်အရေးတွေအတွက် ညှိနှိုင်းပေးနိုင်ခြင်းမရှိတော့ဘူးလို့ဆိုပါတယ်။

အလုပ်ရှင်နဲ့ အလုပ်သမားကြား အခွင့်အရေးချိုးဖောက်မှုတွေ မတရားမှုတွေ ကျူးလွန်တဲ့အခါ ဉပဒေမှာပါရှိတဲ့ အတိုင်း အရေးယူရမယ့် ကိစ္စရပ်မျိုးတွေမှာ ဖွင့်လှစ်ထားတဲ့ ဌာနဆိုင်ရာတွေက ခေါင်းရှောင်တာတွေပြုလုပ်တာကြောင့် အလုပ်သမားတွေအနေနဲ့ ယင်းဌာနတွေအပေါ်မှာလည်း အယုံအကြည်ကင်းမဲ့လာတယ်လို့ အလုပ်သမားတွေကပြောပါတယ်။

ပုသိမ်မြို့ ကင်မလင်းကျွန်းစက်မှုဇုံတွင်စက်ရုံ (၈)ရုံ   ၊  ပုသိမ်မြို့ တဲကြီးကုန်းတွင် စက်ရုံ(၁)ရုံ ၊ ပုသိမ် စက်မှုမြို့တော်တွင် စက်ရုံ (၂)ရုံ စုစုပေါင်း( ၁၁)ရုံရှိပြီး ၄င်းစက်ရုံများရှိအလုပ်သမားများသည် ၁၉၅၁ခု နှစ်၊ ခွင့်ရက်နဲ့အလုပ်ပိတ်ရက် ဥပဒေပါ အခွင့်အရေးများကို ဆုံရှုံးနေရတာဖြစ်တယ်လို့ ဆိုပါတယ်။

 

MyanmarLabourNews

 

268 Views

Related News

cover
ပြည်ပရောက်မြန်မာလုပ်သားတွေ လစဥ်ပို့ရမယ့် ငွေပမာဏသတ်မှတ်ချက်ကြောင့် အေဂျင်စီတွေနဲ့သွားလာမှု လျှော့ကျနိုင်
Oct 4, 2022
cover
စားအုံးဆီပြင်ပဈေးနှုန်းတစ်ပိဿာကျပ် ၇၀၀၀ အောက်သို့ကျဆင်းလာ
Oct 4, 2022
cover
ဒူဘိုင်းမှာရောက်ရှိနေတဲ့ မြန်မာအိမ်အကူလုပ်သားနေရပ်ပြန်လိုသူ ၅၀ ခန့်ရှိနေ
Oct 3, 2022
cover
ကျူပင်ခုတ် ကျူငုတ်မကျန် ရှင်းလင်းခံနေရဆဲ အလုပ်သမားသမဂ္ဂများ။
Sep 30, 2022
cover
ကုမ္ပဏီလက်အောက်ခံ နေ့စားအလုပ်သမားတွေလည်း စားဝတ်နေရေးပိုမိုခက်ခဲလာ
Sep 29, 2022
cover
Myanmar Knitting သိုးမွှေး အထည်ချုပ်စက်ရုံတွင် အထည်စံချိန်များ အလွန်အကျူးတောင်းခံမှုများရှိနေ
Sep 29, 2022
cover
မြန်မာ့အခေါက်ရွှေစျေး တစ်ရက်အတွင်း ကျပ်တသိန်းကျော် ထပ်မံကျဆင်းခဲ့ပြီး ရွှေကိုလေလံဖြင့်ရောင်းချ
Sep 28, 2022
cover
ယာယီပိတ်သိမ်းလိုက်တဲ့ Yi Cai အထည်ချုပ်စက်ရုံ အလုပ်သမားဥပဒေနှင့်အညီ ဆောင်ရွက်ခြင်းမရှိဟုဆို
Sep 28, 2022
cover
သမဂ္ဂခေါင်းဆောင်လုပ်ခဲ့ဘူးတဲ့အကြောင်းပြချက်နဲ့ လုပ်ငန်းခွင်အသစ်မှာ ၃ ရက်အတွင်းအလုပ်ထုတ်၊ အလုပ်သမား သမဂ္ဂလုပ်ခဲ့တဲ့ အမဲစက်က ဘယ်စက်ရုံမှ အလုပ်မရစေရကြောင်းခြိမ်းခြောက်
Sep 27, 2022
cover
မလေးရှားတွင် အလုပ်လုပ်ရင်း ခါးရိုးကျိုး ဒဏ်ရာရရှိခဲ့သည့် မြန်မာအလုပ်သမားအား လေယာဉ်လက်မှတ်နှင့် မုန့်ဖိုးပေးကာ ပြန်ပို့
Sep 27, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle