စက်သုံးဆီဈေးမြင့်တက်မှုနဲ့ လျှပ်စစ်မီးမမှန်တာကြောင့် SME လုပ်ငန်းတွေ စတင် ရပ်နားလာ

cover
profile
Sep 6, 2022

SME အေသးစားနှင့် အလတ်စား SME စီးပွားရေးလုပ်ငန်းတွေဟာ လျှပ်စစ်မီး မမှန်တာနဲ့ စက်သုံးဆီ ဈေးနှုန်း အဆမတန် မြင့်တက်လာပြီး ရံ့ဖန်ရံခါ၀ယ်ယူရခက်ခဲလာတာတွေကြောင့်  လုပ်ငန်းအချို့ ရပ်နားရတာတွေရှိတယ်လို့  လုပ်ငန်းရှင်တွေက Myanmar Labour News ကို ပြောပါတယ်။

စစ်ကောင်စီအနေနဲ့ လျှပ်စစ်မီးပုံမှန်မပေးဘဲ ဖြတ်တောက်မှုတွေအပေါ်  အသေးစားစက်မှုလက်မှုလုပ်ငန်း လည်ပတ်လုပ်ကိုင်နေသူတွေအတွက်  ပိုခက်ခဲစေလာတာကြောင့် မီးပျက်ချိန်အတိအကျဖော်ပြပေးတာမျိုးနဲ့ စက်ရုံဧ၇ိယာတွေမှာ လျှပ်စစ်မီးပုံမှန်ရရှိအောင် ဆောင်ရွက်ပေးမှသာ  လုပ်ငန်းတစ်ချို့အဆင်ပြေလာနိုင်မယ်လို့ SME လုပ်ငန်းရှင်တွေက ဆိုပါတယ်။

''မီးကမလာ ဆီကဈေးတက် ဆိုတော့ အကုန်လုံး ဒုက္ခရောက်တာပေါ့၊ အကုန်လုံးအဆင်မပြေဘူး၊ အမှန်တကယ် တခြားဘက်မှာ ပျက်ရင်တောင် စက်မှုဇုန်ဘက်တွေတော့ မှန်သင့်ပါတယ်။  အသေးစားလုပ်ငန်းတွေအနေနဲ့ကတော့  စားသောက်ကုန်နဲ့ကုန်စုံဆိုင်တွေလောက်ပဲ  ကျန်တဲ့လုပ်ငန်းတွေအားလုံး  မပြေကြတော့ဘူး။ ကျွန်တော့်မိတ်ဆွေတစ်ယောက်ဆိုရင် လုပ်ငန်းတစ်ခုလုံးကိုပါ ရပ်ပစ်လိုက်ရတယ်။  ကျွန်တော်တို့လုပ်ငန်းတွေဆိုရင်လည်း မီးမလာရင်ရပ်ထားရတယ်။ စက်သုံးဆီဈေးတက်လို့ မီးစက်လည်းမသုံးနိုင်တော့ဘူး။ မဟုတ်ရင်  ကျွန်တော်တို့ အရှုံးတွေချည်းပဲဆိုရင်  လုပ်ငန်းတွေအားလုံးရပ်သွားနိုင်တယ်လို့  ဒဂုံမြို့သစ်တောင်ပိုင်း စက်မှုဇုန်၂မှ  လုပ်ငန်းရှင်တစ်ဦးက ဆိုပါတယ်။

လက်ရှိအခြေအနေအရ  အသေးစားအလတ်စားလုပ်ငန်းရှင်အချို့ဟာ  လုပ်ငန်းရပ်ဆိုင်းဖို့အထိ ဆိုးဆိုးရွားရွား ဖြစ်ကုန်ကာ  အများစုမှာတော့စက်သုံးဆီ အခက်အခဲကြောင့် အသေးစားနှင့်အလတ်စား SME လုပ်ငန်း ထက်ဝက်နီးပါးက လုပ်ငန်းတွေကို ပုံမှန်ထက်လျော့ချလုပ်ကိုင်လာရတယ်လို့ သိရပါတယ်။

အခုလိုရေရှည် ကြုံတွေ့ လာပါက လုပ်ငန်း အားလုံးနီးပါး ရပ်တန့် သွားနိုင်တယ်လို့ SME လုပ်ငန်းရှင်တွေအပေါ် မီခိုလုပ်ကိုင်နေတဲ့ အလုပ်သမားတွေဟာလည်း  လခစားမဟုတ်တော့ဘဲ နေ့စားအဖြစ်သာခန့်အပ်နိုင်တာကြောင့် လုပ်ငန်းရပ်နားရပါက အလုပ်သမားများစား၀တ်နေရေး အခက်အခဲပါ  ရင်ဆိုင်နေရတာဖြစ်တယ်လို့ ဆိုပါတယ်။

''မီးကပျက် ဆီဈေး ဆက်တက်.ရှားပါး နေမယ် ဆိုရင်ရပ်သွားမှာ ကြောက်လို့ မရှိ ရှိတာလေးနဲ့ တောင့်ခံထားရင်း နဲ့ပဲ ကျားကန်ထားရင်း နဲ့ပဲ တောင့်ခံ ကျားကန် လို့ မနိုင်တော့တဲ့ အခြေအနေ တစ်ခု ကို ရောက်ရှိသွားပြီး  မရပ်ချင်ပေမယ့်လည်း ရပ်ပစ်ရမယ့် အနေအထား တစ်ခုသို့ ရောက်သွားမယ် လို့ ထင်မိတယ်'' လို့ အသေးစား , အလတ်စား စီးပွားရေး လုပ်ငန်းလုပ်ကိုင်သူ  လုပ်ငန်းရှင်တစ်ဦးကပြောပါတယ်။

SME သမားတွေရဲ့ ကုန်ကြမ်းစျေးနှူန်းမြင့်တက်လာမှုဟာ ရှေ့လျှောက်ရပ်တည်နိူင်ဖို့အလွန်ခက်ခဲလာကာ  ရောင်းလိုအားနဲ့ဝယ်လိုအား မှာလည်း ဝယ်လိုအားဘက်က မိမိထုတ်ကုန်အမှာကျဆင်းလာမူ့ဟာပိုပြီးသိသာလာတာမို့ရှေ့မတိုးနောက်မဆုတ်ဘဲ မယိုင်လဲအောင်ရပ်နေရတဲ့ဘဝမျိုးဖြစ်တာကြောင့် SME ချေးငွေဖြင့်လည်ပတ်နေသူအချို့ဆိုရင် ဘဏ်တိုးကိုပင်အခက်ခဲဆုံးဖြေရှင်းနေရပြီလို့ဆိုပါတယ်။

MyanmarLabourNews
 

282 Views

Related News

cover
တရားမ၀င်ဒေါ်လာအရောင်းအ၀ယ် ဂရုများကိုတရားစွဲဆိုမည်ဟု စစ်ကောင်စီဆို
Oct 18, 2022
cover
စားအုံးဆီပြင်ပဈေးနှုန်းတစ်ပိဿာကျပ် ၇၀၀၀ အောက်သို့ကျဆင်းလာ
Oct 4, 2022
cover
စစ်ကောင်စီက ဈေးပြိုင်တင်ဒါနဲ့ရောင်းချပေးတဲ့ ရွှေစင်တုံးနဲ့ရွှေစင်ခဲများ လေလံဆွဲ၊ ဝယ်ယူသူမရှိလို့လေလံပွဲပိတ်သိမ်းခဲ့ရ
Sep 29, 2022
cover
ကုမ္ပဏီလက်အောက်ခံ နေ့စားအလုပ်သမားတွေလည်း စားဝတ်နေရေးပိုမိုခက်ခဲလာ
Sep 29, 2022
cover
မြန်မာ့အခေါက်ရွှေစျေး တစ်ရက်အတွင်း ကျပ်တသိန်းကျော် ထပ်မံကျဆင်းခဲ့ပြီး ရွှေကိုလေလံဖြင့်ရောင်းချ
Sep 28, 2022
cover
ရန်ကုန်တိုင်းတွင် ဓာတ်ဆီတစ်လီတာကျပ် ၂၁၅ဝနှင့် ငြိမ်သက်ခဲ့ပြီး ဆက်လက်ကျဆင်း
Sep 27, 2022
cover
အင်းစိန်ထောင်အတွင်းရှိ အကျဉ်းသားများကိုဗစ်ကူးစက်မှုများပြားနေပြီး ထောင်ပြောင်းမှုတွေရှိနေ
Sep 27, 2022
cover
အိုတီကြေးမပေး၍ တောင်းဆိုသည့် အလုပ်သမား ၃၀ ကျော် ဖူဂျီဆပ်ပြာစက်ရုံအတွင်းက နှင်ထုတ်ခံရ
Sep 24, 2022
cover
ဒေါ်လာနဲ့ ရွှေဈေးအနည်းငယ်ပြန်ကျ အခြေခံစားသောက်ကုန် ဈေးနှုန်းတွေထပ်မံတက်လာနေ
Sep 22, 2022
cover
ပြည်တွင်းရွှေဈေးနှုန်း တစ်ကျပ်သားလျှင် ကျပ် ၂၆၂၈၀၀၀ အထိ စံချိန်တင်ကျဆင်းလာ
Sep 20, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle