အော်ဒါနည်းသည့်အကြောင်းပြချက်ဖြင့် ကြိုတင်အသိပေးခြင်းမရှိဘဲ လိုင်းဖျက်သည့်ကိစ္စ ကျေနပ်မှုမရှိဟု အလုပ်သမားများပြော

cover
profile
Aug 3, 2022

စက်ရုံတွင်း အော်ဒါနည်းသည်ဟုဆိုတာ ၆ နှစ်ခန့် လုပ်ကိုင်ခဲ့သည့် စက်လိုင်း ၅ လိုင်း ကို အလုပ်သမားများအားကြိုတင်အသိပေးခြင်းမရှိဘဲ လိုင်းဖျက်ကာ အခြားလိုင်းများတွင် သွားရောက်လုပ်ကိုင်ရန် အတင်းအကြပ်စီမံနေတာကြောင့် အခက်အခဲဖြစ်နေတယ်လို့ Trinity Apparel စက်ရုံအလုပ်သမားတွေကပြောဆိုပါတယ်။

လှိုင်သာယာ စက်မှုဇုန် ၄ ဦးတရုတ်ကြီးလမ်းမှာဖွင့်လှစ်ထားတဲ့ ဘင်္ဂလားဒေ့ရှ်နိုင်ငံသားပိုင် အဆိုပါစက်ရုံမှာ 7J1 ကိုယ်ပိုင်အမှတ်တံဆိပ်ချုပ်လုပ်တာဖြစ်ပြီး လုပ်သားအင်အား ၅၀၀ ဝန်းကျင်ခန့်နဲ့ အလုပ်လုပ်ကိုင်နေတာဖြစ်တယ်လို့ အလုပ်သမားတွေကပြောပါတယ်။

လုပ်ငန်းခွင်အတွင်းမှာ WCC နှင့် အလုပ်သမားသမဂ္ဂအဖွဲ့ရှိပြီး ဇူလိုင် ၃၁ ရက်က စက်ရုံဘက်ကနေ အော်ဒါအပြည့်အဝမရရှိဟု ဆိုကာလုပ်သက် ၆ နှစ်နီးပါးရှိ  စက်လိုင်း ၁၊ ၂၊ ၃၊ ၄၊ ၅ တို့ကို ကြိုတင်အသိပေးခြင်းမရှိဘဲ လိုင်းဖျက်ကာ အခြားလိုင်းများသို့ သွားရောက် လုပ်ကိုင်စေ ခဲ့တဲ့အတွက် အခက်အခဲတွေဖြစ်ပေါ်ခဲ့တယ်လို့ ယင်းစက်ရုံအလုပ်သမားတွေက ပြောပါတယ်။

စက်ရုံဘက်မှ(WCC)ကိုကြိုတင်ဆွေးနွေးခြင်းမရှိ၊အလုပ်သမားများလည်းကြိုတင်ပြောကြားခြင်းမရှိဘဲ စက်လိုင်းထဲသို့နိုင်ငံခြားသား production မန်နေဂျာနှင့်စက်ရုံမန်နေဂျာဒေါ်ဆွမ်ဆန်ညောင်တို့မှစက်လိုင်းထဲ၀င်လာပြီး operator နှင့် Helper တို့ကိုသူကဘယ်လိုင်းသွားသူကဘယ်လိုင်းသွားဟုရုတ်တရက်လူခွဲပြီး လိုင်းများကိုဖျက် ကာ ၎င်းဖျက်ခံရသောလိုင်းကအလုပ်သမားများသည်သမဂ္ဂအဖွဲ့ဝင်များလိုင်းများ ဖြစ်သည့်အတွက်အလုပ်ရှင်မှရည်ရွယ်ချက်ရှိရှိဖြစ်လုပ်သည်ဟုယုံကြည်ရတယ် လို့ အလုပ်သမားတစ်ဦးကပြောဆိုပါတယ်။

“လိုအပ်ချက်အရ လိုင်းချိန်းတယ်ဆိုရင် ကြိုတင်ဆွေးနွေးညှိနှိုင်းပြီး အလုပ်သမားတွေရဲ့ သဘောဆန္ဒ ကို ခံယူပြီးမှ လိုင်းချိန်းလို့သိထားတာ။  ခုက သမဂ္ဂရော WCC ရော ရှိရဲ့သားရဲ့ လိုင်းတွေကို အော်ဒါနည်းတဲ့အကြောင်းပြချက်နဲ့ ဖျက်ပစ်လိုက်တာ အပေါ်ထပ်မှာရှိတဲ့လိုင်းတွေနဲ့ လည်းပေါင်းပြီးလုပ်ခိုင်းတာက WCC ရော သမဂ္ဂရောကို အသိအမှတ် မပြုတာ ဒါက ရည်ရွယ်ချက်ရှိရှိနဲ့လုပ်တယ်လို့ ယူဆရတယ်” လို့ စက်ရုံလုပ်သားတစ်ဦးကပြောပါတယ်။

"လုပ်ငန်းလိုအပ်ရင်နှစ်လိုင်းတစ်လိုင်းပေါင်းချုပ်ပါ၊ အပေါ်ထပ် လိုင်းက၀န်ထမ်းတွေကိုသူလိုင်းနဲ့သူမဖျက်ပဲအောက်လိုင်းလိုအပ်တာနဲ့ပေါင်းပါ စူပါတွေကိုလည်သူလိုင်း နဲ့သူအတူပေါင်းပြီးအုပ်ချုပ်ခိုင်းလည်းအဆင်ပြေပါတယ်၊ လိုင်း2လိုင်း1လိုင်းပေါင်ချုပ်ခိုင်းရင်အဆင်ပြေ အောင်ဆွေးနွေးလည်း လုပ်ငန်းရှင်က လက်မခံဘဲ သက်မှတ်သွားခိုင်းထားတဲ့ လိုင်းကိုသွားပါ စက်ရုံမှပို့သည့်လိုင်းကိုသွား(1)နာရီမသွားရင်(1)နာရီစာဖြတ်မယ်လို့ ပြောတယ်" လို့ ယင်းစက်ရုံမှာ အလုပ်လုပ်ကိုင်နေတဲ့ အလုပ်သမားတစ်ဦးကပြောဆိုပါတယ်။

ယင်းကဲ့သို့ စက်လိုင်းဖျက်သည့် ကိစ္စရပ်နှင့်ပတ်သက်ပြီး WCC မှ ညှိနှိုင်းသော်လည်း အလုပ်ရှင်ဘက်မှ  ချထားပေးသည့် လုပ်ငန်းကို မလုပ်ဆောင်လို့ မရဘူး အလုပ်သမားရုံးသို့လဲ အကြောင်းကြားထားတယ်လို့ဆိုပါတယ်။

Myanmar Labour News

480 Views

Related News

cover
ပြည်ပရောက်မြန်မာလုပ်သားတွေ လစဥ်ပို့ရမယ့် ငွေပမာဏသတ်မှတ်ချက်ကြောင့် အေဂျင်စီတွေနဲ့သွားလာမှု လျှော့ကျနိုင်
Oct 4, 2022
cover
စားအုံးဆီပြင်ပဈေးနှုန်းတစ်ပိဿာကျပ် ၇၀၀၀ အောက်သို့ကျဆင်းလာ
Oct 4, 2022
cover
ဒူဘိုင်းမှာရောက်ရှိနေတဲ့ မြန်မာအိမ်အကူလုပ်သားနေရပ်ပြန်လိုသူ ၅၀ ခန့်ရှိနေ
Oct 3, 2022
cover
ကျူပင်ခုတ် ကျူငုတ်မကျန် ရှင်းလင်းခံနေရဆဲ အလုပ်သမားသမဂ္ဂများ။
Sep 30, 2022
cover
ကုမ္ပဏီလက်အောက်ခံ နေ့စားအလုပ်သမားတွေလည်း စားဝတ်နေရေးပိုမိုခက်ခဲလာ
Sep 29, 2022
cover
Myanmar Knitting သိုးမွှေး အထည်ချုပ်စက်ရုံတွင် အထည်စံချိန်များ အလွန်အကျူးတောင်းခံမှုများရှိနေ
Sep 29, 2022
cover
မြန်မာ့အခေါက်ရွှေစျေး တစ်ရက်အတွင်း ကျပ်တသိန်းကျော် ထပ်မံကျဆင်းခဲ့ပြီး ရွှေကိုလေလံဖြင့်ရောင်းချ
Sep 28, 2022
cover
ယာယီပိတ်သိမ်းလိုက်တဲ့ Yi Cai အထည်ချုပ်စက်ရုံ အလုပ်သမားဥပဒေနှင့်အညီ ဆောင်ရွက်ခြင်းမရှိဟုဆို
Sep 28, 2022
cover
သမဂ္ဂခေါင်းဆောင်လုပ်ခဲ့ဘူးတဲ့အကြောင်းပြချက်နဲ့ လုပ်ငန်းခွင်အသစ်မှာ ၃ ရက်အတွင်းအလုပ်ထုတ်၊ အလုပ်သမား သမဂ္ဂလုပ်ခဲ့တဲ့ အမဲစက်က ဘယ်စက်ရုံမှ အလုပ်မရစေရကြောင်းခြိမ်းခြောက်
Sep 27, 2022
cover
မလေးရှားတွင် အလုပ်လုပ်ရင်း ခါးရိုးကျိုး ဒဏ်ရာရရှိခဲ့သည့် မြန်မာအလုပ်သမားအား လေယာဉ်လက်မှတ်နှင့် မုန့်ဖိုးပေးကာ ပြန်ပို့
Sep 27, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle