မလေးရှားတွင်ယခုနှစ်အော်ပရာစီ စီမံချက်ဖြင့် ဖမ်းဆီးမှုစတင်နေ၊ ယခုနှစ်တွင် မလေးရှားသို့ မြန်မာလုပ်သား တရားမဝင် ဝင်ရောက်မှုပိုများလာ

cover
profile
Aug 3, 2022

မလေးရှားနိူင်ငံရှိ JIMWPKL ထိန်းသိမ်းရေးဌာနခွဲက  တရားမဝင်နိုင်ငံခြားသား လိုက်လံရှာဖွေဖမ်းဆီးခြင်း အော်ပရာစီ စီမံချက်ကို စတင်ဆောင်ရွက်နေပြီလို့  မလေးရှားနိုင်ငံရောက်  မြန်မာအလုပ်သမားအရေးကူညီ ဆောင်ရွက်သူများထံမှ  သိရပါတယ်။  

"အော်ပရာစီဖမ်းနေတာကကြာပါပြီ။ ဇူလိုင်၃၀ရက်ကစပြီး  စီမံချက်နဲ့ဖမ်းနေတယ်ဆိုတာဟုတ်တယ်။ ခုရက်ပိုင်း မှာ  မြန်မာတွေတရားမ၀င်၀င်တာလည်း ပိုများလာတယ်။ ဟုတ်တယ်။ ထိုင်းဘက်ကနေ၀င်လာတာတွေလည်းဖမ်းနေတယ်။ ဒီမှာနေနေတဲ့လူလည်းဖမ်းတယ်။ စီမံချက်ကတော့ခုနှစ်ကုန်အထိ။ ဖမ်းတာကလည်း နေရာစုံကို ဖမ်းတယ်"လို့ မလေးရှားရောက်မြန်မာအလုပ်သမားရေးကူညီဆောင်ရွက်နေသူတစ်ဦးက Myanmar Labour News သို့ပြောပါတယ်။

မလေးရှားနိုင်ငံအအတွင်းသို့ မြန်မာလုပ်သားများနေရာစုံမှာနေထိုင်နေကြသော်လည်း  ဂျိုဟိုးနဲ့ပီနန်းကတော့ မြန်မာလုပ်သားအများဆုံးနေရာဖြစ်တယ်လို့ဆိုပါတယ်။   အဆိုပါအော်ပရာစီစီမံချက်က်ို ဇူလိုင် ၃၀ ရက်က  စတင်ခဲ့တာဖြစ်ပြီး စစ်ဆင်ရေး ရလဒ်အရ မလေးရှားနိုင်ငံသားအပါအဝင် နိုင်ငံခြားသားတွေကို  စစ်ဆေးမှုတွေပြုလုပ်ကာ ပြစ်မှုကျူးလွန်သူများကို  လူဝင်မှုကြီးကြပ်ရေးအက်ဥပဒေ နဲ့ အရေးယူဆောင်ရွက်နေတယ်လို့ သိရပါတယ်။

အဲဒီလိုဖမ်းဆီးမှုစစ်ဆင်ရေးကို ပတ်ဝန်းကျင်ကအသိပေးတိုင်ကြားမှုတွေကြောင့် ဇူလိုင်၃၀ရက်ကစတင် လုပ်ဆောင်တာဖြစ်ပြီး ယခုနှစ်ကုန်အထိဆောင်ရွက်မှာ ဖြစ်တယ်လို့ ရွှေ့ပြောင်းအလုပ်သမားအရေးတက်ကြွလှုပ်ရှားသူတွေက ပြောပါတယ်။

မလေးရှားနိုင်ငံအတွင်းကို တရားမဝင်ဝင်ရောက်လာတဲ့မြန်မာအလုပ်သမားများဟာယခုနှစ်မှာပိုမိုများပြားလာပြီး ဖမ်းဆီးခံသူသုံးထောင်ကျော်လေးထောင်ခန့်ရှိတယ်လို့လည်း သိရပါတယ်။

မလေးရှားအစိုးရအနေဖြင့်လည်း ဖမ်းဆီးခံရသူများကို ထောင်ဒဏ်သုံးလမှခြောက်လအထိ ပြစ်မှုကျူးလွန်ခြင်းအလိုက် ချမှတ်ကာ ပစ်ဒဏ်ချ ပြီး လွတ်မြောက်ပါက မလေးရှားကမ့်များ၌ နေစေပြီး ​မြန်မာနိုင်ငံသို့ ပြန်လည်စေလွှတ်ပေးနေ​တယ်လို့ သိရပါတယ်။MyanmarLabourNews
 

383 Views

Related News

cover
ဒူဘိုင်းမှာအခက်အခဲဖြစ်နေသည့်မြန်မာအိမ်အကူလုပ်သား ၁၁ဦးကိုပြန်ခေါ်ဆောင်နိုင်ခဲ့
Dec 3, 2022
cover
မြဝတီ-ကော့ကရိတ် အာရှလမ်းမကြီးပိုင်းမှာ တိုက်ပွဲပြင်းထန်ခြင်းကြောင့် MoU လုပ်သား၁၅၀၀ ခန့်ပိတ်မိနေ
Oct 21, 2022
cover
ယခုလအတွင်း ထိုင်းနိုင်ငံမှာ တရားမဝင်မြန်မာလုပ်သားဖမ်းဆီးခံရမှု နှစ်ဆခန့်မြင့်တက်လာ
Oct 18, 2022
cover
ထိုင်းရောက်လုပ်သားများပန်းရောင်ကတ်စာရင်းတင်သွင်းချိန် ၁၅ရက်သာခွင့်ပြုပေးခဲ့
Oct 16, 2022
cover
ထိုင်းရောက် MOU လုပ်သား ၃၀၀ ကျော် အလုပ်မရသေးဘဲ စား၀တ်နေရေးအခက်အခဲတွေ့နေ
Oct 14, 2022
cover
ပြည်ပရောက်မြန်မာလုပ်သားတွေ လစဥ်ပို့ရမယ့် ငွေပမာဏသတ်မှတ်ချက်ကြောင့် အေဂျင်စီတွေနဲ့သွားလာမှု လျှော့ကျနိုင်
Oct 4, 2022
cover
ဒူဘိုင်းမှာရောက်ရှိနေတဲ့ မြန်မာအိမ်အကူလုပ်သားနေရပ်ပြန်လိုသူ ၅၀ ခန့်ရှိနေ
Oct 3, 2022
cover
ပြည်ပရောက်မြန်မာလုပ်သားတွေ မိသားစုဆီ လစဥ်ပို့ရမယ့် ငွေပမာဏ အနည်းဆုံး ၃၅ ရာခိုင်နှုန်းသတ်မှတ်ရန် စီစဉ်နေ
Sep 24, 2022
cover
တောင်ကိုရီးယားအလုပ်အကိုင်အရည်ချင်းစစ်စာမေးပွဲယခုလ၂၉ရက်စတင်မည်
Sep 24, 2022
cover
တောင်ကိုရီးယားအစိုးရက မြန်မာအပါအဝင် နိုင်ငံခြားသားလုပ်သားသစ် ၁၀,၀၀၀ ခန့်ထပ်တိုးခေါ်ဖို့ စတင်လက်ခံ
Sep 20, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle