ဆောက်လုပ်ရေးလုပ်ငန်းကျဆင်းမှုကြောင့် အလုပ်သမားငါးဆယ်ရာခိုင်နှုန်းအလုပ်လက်မဲ့ဖြစ်လာ

cover
profile
Aug 1, 2022

စစ်အာဏာသိမ်းပြီးနောက်ဆက်တွဲဖြစ်ပွားလာတဲ့ စီးပွားရေးကျဆင်းလာမှုတွေကြောင့်  မြန်မာနိုင်ငံမှာရှိတဲ့ ဆောက်လုပ်ရေးအလုပ်သမားတွေရဲ့  ငါးဆယ်ရာခိုင်နှုန်းဟာ  အလုပ်လက်မဲ့တွေဖြစ်လာတယ်လို့ အလုပ်သမားအရေး စဉ်ဆက်မပြတ်ကူညီဆောင်ရွက်ပေးနေသူတွေကဆိုပါတယ်။

"ကျွန်တော်တို့တိုင်းပြည်မှာ  ဆောက်လုပ်ရေးအလုပ်သမားက အလုပ်သမားတစ်သန်းခွဲလောက်ရှိတယ်။  ခုဟာက အလုပ်လက်မဲ့ကရှစ်သိန်းလောက်ဖြစ်လာတယ်လို့  လုပ်ငန်းရှင်အသင်းကနေ ကျွန်တော်တို့ကြားသိရတယ်။ အရင်ကတည်းကို ဆောက်လုပ်ရေးအလုပ်သမားက အမြဲတမ်းအလုပ်မရှိဘူး။  အလုပ်ရတဲ့အခါလည်းရတယ်. မရတဲ့အခါလည်းမရဘူး။ ရလိုက်မရလိုက်ဆိုတော့ အရင်ကတည်းကအဆင်မပြေဘူ။ ခုကျတော့ရပ်သွားတော့ ပိုဆိုးလာတာပြသနာအကြီးကြီးဖြစ်တာပေါ့။ အကြီးကြီးဆိုတာက ကြုံရာကျပန်းလုပ်ရတယ်။ ကိုယ့်အရည်အချင်းနဲ့မကိုက်တာတွေလုပ်ရတယ်။ လုပ်ခပေးသလောက်ပဲရတယ်။ ဘယ်လိုလုပ်ငန်းခွင်ဖြစ်ဖြစ် လုပ်ငန်းခွင်ထိခိုက်ဒဏ်ရာရမှုတွေဖြစ်ရင်လည်း ခံရတာပေါ့၊ နဂိုကတည်းကိုက ဥပဒေစည်းမျဉ်းစည်းကမ်းတွေရဲ့  အကာအကွယ်ပေးမှုအောက်မှာ ဆောက်လုပ်ရေးအလုပ်သမားကရှိမနေဘူး။  ခုကတော့ပိုဆိုးလာတာပေါ့လို့"  အလုပ်သမားတွေကို ကူညီဆောင်ရွက်ပေးနေတဲ့ ဦးရဲနိုင်ဝင်းကဆိုပါတယ်။

ဆောက်လုပ်ရေးအလုပ်သမား တွေဟာ  ခေတ်အဆက်ဆက်အပယ်ခံတွေဖြစ်နေရကာ တရားဝင်အလုပ်ခန့်ထားတာတွေမရှိတော့ဘဲ ပုတ်ပြတ်ပေးတာ၊ ကွက်စားပေးတာလောက်ပဲရှိနေပြီး  လုပ်ငန်းခွင်ထိခိုက်ဒဏ်ရာရမှုတွေဖြစ်ရင်လည်း အာမခံချက်မရှိဘူးလို့ သိရပါတယ်။

မြန်မာနိုင်ငံမှာ ဆောက်လုပ်ရေးအလုပ်သမားတစ်သန်းခွဲလောက်မှာ ဆောက်လုပ်ရေးလုပ်ငန်းကျဆင်းလာမှုကြောင့် အလုပ်သမားရှစ်သိန်း ရာခိုင်နှုန်းအားဖြင့်  ငါးဆယ်ရာခိုင်နှုန်းလောက်အလုပ်လက်မဲ့ဖြစ်တာကြောင့်  ဆောက်လုပ်ရေးလုပ်ငန်းကလည်း ထက်ဝက်လောက်ကျဆင်းလာတယ်လို့  ဆောက်လုပ်ရေးလုပ်ငန်းရှင်များအသင်းမှသိရတယ်လို့ဆိုပါတယ်။

ကုမ္ပဏီကြီးတွေကလည်း ဒေါ်လာဈေးအကြပ်တည်းကြောင့် ဝယ်လိုအားမရှိတာ စီမံကိန်းလုပ်ငန်းတွေရပ်ဆိုင်းသွားတာ တစ်နိူင်တစ်ပိုင်တည်ဆောက်မဲ့သူခက်ခဲသွားတာတွေကြောင့်  ဆောက်လုပ်ရေးလုပ်ငန်းတွေ အများကြီးထိခိုက်လာကာ  အလုပ်သမားတွေက အများကြီးအလုပ်လက်မဲ့ဖြစ်သွားရတာလို့ သိရပါတယ်။

'' ဆောက်လုပ်ရေးအလုပ်တွေက ခုနောက်ပိုင်းပိုပိုခက်လာတယ်။ ကျွန်တော်တို့ဆိုလည်း နားနေရတာကများတယ်။ ရလို့လုပ်လည်း မကိုက်တော့ဘူး။  ကုန်ဈေးနှူန်းတွေတက် အိမ်ဆောက်ပစ္စည်းတွေကတက်ဆိုတော့ တော်ရုံဆောက်ချင်တဲ့သူတွေကလည်း မနည်းရုန်းကန်ပြီး ဆောက်ကြရတာဆိုတော့ ပုတ်ပြတ်ဈေးလည်းမနည်းညှိယူနေရတာ။ သိပ်မကိုက်တော့ အရနည်းတယ်။ အလုပ်ပုံမှန်မရတေ့ အလုပ်သမားတွေလည်း မိသားစုတွေစားဝတ်နေရေအကြပ်တည်းဖြစ်တော့  သားသမီးတွေ ကြုံရာကကျပန်းလုပ်ရတာ ဇနီးမယားဈေးရောင်းရတာတို့အများကြီး။ ခုကကူရာကယ်ရာမဲ့တဲ့အခြအနေပဲ။   ဆောက်လုပ်ရေးကအဆိုးဆုံးကို ရင်ဆိုင်ရတာပေါ့" လို့  အသေးစားဆောက်လုပ်ရေးလုပ်ငန်းရှင်တစ်ဦးက ဆိုပါတယ်။

မြန်မာနိုင်ငံမှာလုပ်တဲ့ဆောက်လုပ်ရေးလုပ်ငန်းတွေက  အုတ်သဲကျောက် ဘိလပ်မြေတို့ကလွဲရင် နိုင်ငံခြားကနေသွင်းရတာဖြစ်တာကြောင့် ဈေးတွေတက်ကာ မြန်မာငွေတန်ဖိုးကျလာခြင်းကြောင့် ဆောက်လုပ်ရေးပစ္စည်းတွေဈေးတက်လာတာပါ။

လတ်တလောကာလမှာ တိုင်းပြည်ရဲ့နိုင်ငံရေးနောက်ဆက်တွဲပြသနာတွေကြောင့်  လုပ်ငန်းတွေပျက်ပြီး စီးပွားရေးလုပ်ငန်းတွေကျလာတဲ့အထဲမှာ  ဆောက်လုပ်ရေးလုပ်ငန်းကျဆင်းလာမှုက သိသိသာသာဖြစ်လာတာကြောင့်  အလုပ်လက်မဲ့တွေပိုများလာရတာလို့လည်းဆိုပါတယ်။ အခြားလုပ်ငန်းတွေအလုပ်လက်မဲ့ပြသနာတွေကို  ဘက်ပေါင်းစုံကနေ မီးနေမာင်းထိုးပြနေပေမဲ့ ဆောက်လုပ်ရေးအလုပ်သမားများရဲ့ အလုပ်လက်မဲ့ဖြစ်ပေါ်လာခြင်းမြင့်တက်လာမှုအပေါ် စိတ်ဝင်စားမှုနည်းပါးနေတယ်လို့လည်းဆိုပါတယ်။

 

 

305 Views

Related News

cover
ဒီတကြိမ်မှာငြိမ်ခံနေလိုက်ရင် ဘယ်တော့မှရမှာမဟုတ်တော့ဘူးလေ။
Aug 15, 2022
cover
ပိတ်ရက်မှာ အနားယူခွင့်မရှိဘဲ အလုပ်လုပ်ကိုင်နေရတယ်လို့ TRISTATE MYANMAR စက်ရုံလုပ်သားတွေပြော
Aug 14, 2022
cover
အမေရိကန်တစ်ဒေါ်လာလျှင် မြန်မာကျပ်ငွေ ၃၀၀၀ ကျော်အထိစျေးပေါက်နေ
Aug 13, 2022
cover
အလုပ် ၁ ရက်ပျက်ပါက အလုပ်မှထုတ်ပယ်သည်အထိ လုပ်ငန်းခွင်အတွင်း လုပ်သားအခွင့်အရေးချိုးဖောက်ခံရခြင်းများဖြစ်ပေါ်နေဟုဆို
Aug 13, 2022
cover
စက်သုံးဆီစျေးထပ်မံမြင့်တက်လာ သုံးဘီးဆိုင်ကယ်ကယ်ရီများဆီမရောင်းတော့၍ အခက်အခဲကြုံ
Aug 13, 2022
cover
အချိန်ပို အတင်းအကြပ်ခိုင်းစေမှု၊ လုပ်အားခဖြတ်တောက်မှုနဲ့ အလကားနီးပါး ခိုင်းစေမှုတွေဖြစ်ပေါ်နေပြီး နိုင်ငံရေးအခြေအနေအရ တောင်းဆိုရန်ခက်ခဲနေဟုဆို
Aug 12, 2022
cover
ရေနံနဲ့ရေနံထွက်ပစ္စည်းတင်သွင်းမှုလျှော့ချရန် စစ် ကောင်စီပြောဆိုပြီးနောက် စက်သုံးဆီကျပ်နှစ်ထောင်ကျော်အထိ တစ်ရှိန်ထိုးမြင့်တက်လာ
Aug 12, 2022
cover
PMG အမျိုးသမီးအလုပ်သမားများသပိတ် ၅ရက်မြောက်နေ့ ဆက်လက်သပိတ်မှောက်တောင်းဆို
Aug 12, 2022
cover
လုပ်ငန်းခွင်အတွင်း ခွင့်ခံစားခွင့်မရတာ၊ အချိန်ပိုအတင်းအကြပ် ခိုင်းစေတာတွေရှိနေတယ်လို့ဆို
Aug 11, 2022
cover
အလုပ်သမားရေးရာပေးစာ
Aug 11, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle