မလေးရှားသို့အလုပ်သမားများစေလွှတ်ဖို့ ပွဲစားများ၀န်ဆောင်ခ ဒေါ်လာတစ်ထောင်ထိ အဆမတန်တိုးမြှင့်တောင်းယူနေ

cover
profile
Jul 30, 2022

မလေးရှားသို့ မြန်မာအလုပ်သမားများစေလွှတ်ရန် ပွဲစားများမှ၀န်ဆောင်ခများ တိုးမြှင့်တောင်းယူနေတာတွေကြောင့်  အေဂျင်စီများအခက်တွေ့နေရတယ်လို့  ပြည်ပသို့အလုပ်သမား ပို့ဆောင်နေတဲ့ အေဂျင်စီတွေက ဆိုပါတယ်။  

"ဂျပန်ကိုသွားဖို့ပြင်ဆင်နေတဲ့ကလေးကလည်း အနည်းဆုံး တစ်သိန်းလောက်တော့ရှိတယ် ခုမလေးရှားအလုပ်တွေပြန်ပေါ်လာပြီ မလေးရှားကိုသွားမဲ့ကလေးတွေကလည်း အများကြီးရှိနေတယ်။ ပြသနာကဘာလဲဆိုရင် ပွဲစားတွေက ဝန်ဆောင်ခတွေမတရားတောင်းနေကြတာ အစိုးရသတ်မှတ်တဲ့ ပေါက်ဈေးနဲ့မဟုတ်တော့ဘူး တောင်းချင်သလိုတောင်းနေကြတာ။ အစိုးရသတ်မှတ်ထားတဲ့ ဒေါ်လာ ၁၈၅၀ ဆိုတာ ပေါက်ဈေးနဲ့မဟုတ်တော့ဘူး။ အေဂျင်စီကလည်းလုပ်ဖို့အဆင်မပြေဘူးဖြစ်နေတာ"လို့ ပြည်ပသို့ အလုပ်သမားပို့ဆောင်နေသူ တစ်ဦးက   Myanmar Labour News သို့ပြောပါတယ်။

မလေးရှားသို့မြန်မာအလုပ်သမားစေလွှတ်ခွင့်တွေကို April လကစ၍ အေဂျင်စီများက ပြန်လည်စေလွှတ်နေကြပြီဖြစ်သော်လည်း ပွဲစားများက   ပေါက်ဈေးနဲ့မဟုတ်တော့ဘဲ  ဒေါ်လာတစ်ထောင်လောက်တောင်းနေကြတယ်လို့လည်း ဆိုပါတယ်။

အခုလိုအဆမတန်တောင်းယူမှုကြောင့် ပြသနာဖြစ်မည်ဆိုးတာကြောင့်   အေဂျင်စီအများစုက  ဒမန်းတွေမယူရဲဘူးဖြစ်နေတာ လို့လည်းဆိုပါတယ်။ ဒါအပြင် ကိုဗစ်မတိုင်ခင်က ရရှိရထားတဲ့ခေါ်ယူခွင့်တွေကိုသာ  သက်တမ်းတိုးကာပြန်လည်ခေါ်လာခြင်းကိုပို့ဆောင်ပေးနေခြင်းဖြစ်ပြီး  လုပ်သားသစ်ခေါ်ယူခွင့်အသစ်ချထားပေးခြင်းလည်းမရှိသေးဘူးလို့ သိရပါတယ်။

လတ်တလောကာလမှာ ဒေါ်လာဈေးအဆမတန်မြင့်တက်လာတာကြောင့် ၀န်ဆောင်ခနှုန်းထားဟာလည်း အလုပ်သမားတွေက  ယခင်ကတစ်ဒေါ်လာကို ၁၃၀၀ နှုန်းနဲ့ပေးပြီးသွားရာမှာ ယခုအချိန်မှာတစ်ဒေါ်လာကို ၂၃၀၀ကျော်နှုန်းနဲ့သွားနေရတာကြောင့် ၀န်ဆောင်ခနှစ်ဆလောက်ပိုပေးနေရတာပါ။

ပြည်တွင်းစီးပွားရေး ကျဆင်းလာမှုတွေကြောင့်  ပြည်ပသို့သွားရောက်လုပ်ကိုင်ရန် ပိုမိုစိတ်၀င်စားနေကြခြင်းဖြစ်ပြီး  ၀န်ဆောင်ခ ပေးချေနိုင်ရန်လည်း ချေးငွေ အတိုးဖြင့်ရယူထားတာတွေကြောင့် အမြန်ရောက်ရှိ စေမဲ့ တရားမ၀င်နည်းလမ်းဖြင့် သွားရောက်နေကြတာဖြစ်တယ်လို့ လည်း မလေးရှားရောက်မြန်မာအလုပ်သမားတစ်ဦးက ဆိုပါတယ်။

"သူတို့လစာကလည်းအရင်က၁၂၀၀ကနေ ခု၁၅၀၀ ဖြစ်နေပြီ အချိန်ပိုနဲ့ဆို ရင်းဂစ်၂၀၀၀လောက်ရမယ်။ တစ်လ၁၀သိန်းကျော်ပေါ့။ ခုချိန်မလေးသွားရင် မြန်မာငွေသိန်းနှစ်ဆယ်ကျော်ကုန်မယ်။ တစ်လဆယ်သိန်းကျော်ရတယ်။ ဒါကြောင့် မလေးသွားချင်ကြတာ။ တရား၀င်သွားသူ တရားမ၀င်သွားသူက အမြဲရှိနေတယ်။ တရား၀င်သွားဖို့ခွင့်ပြုချက်က နေပြည်တော်ကတစ်လ ဗီဇာကနှစ်ပတ် မလေးဘက်က သုံးလကြာတာကပုံမှန်  အဲ့ထက်ပိုကြာနေတော့ မသွားကြတာလို့"  မလေးရှားသို့အလုပ်သမားပို့ဆောင်နေသူတစ်ဦးက ဆိုပါတယ်။

ယခုနှစ်မလေးရှားသို့အလုပ်သမားစေလွှတ်မှုဟာ  လတ်တလောကာလအတွင်း  အထွက်နည်းနေတာလည်းဖြစ်ပါတယ်။  ဒါဟာနေပြည်တော်သို့ တရား၀င်ခွင့်ပြုချက်တင်မထားရာမှ  မကျလာသေးတာကြောင့် အထွက်နည်းနေခြင်းဖြစ်တာကြောင့်  နောက်ပိုင်းမှာတော့ တရား၀င်ထွက်သူရော တရားမ၀င်ထွက်သူရော ပိုမိုများလာနိုင်တယ်လို့လည်းဆိုပါတယ်။

MyanmarLabourNews
 

381 Views

Related News

cover
ဒီတကြိမ်မှာငြိမ်ခံနေလိုက်ရင် ဘယ်တော့မှရမှာမဟုတ်တော့ဘူးလေ။
Aug 15, 2022
cover
ပိတ်ရက်မှာ အနားယူခွင့်မရှိဘဲ အလုပ်လုပ်ကိုင်နေရတယ်လို့ TRISTATE MYANMAR စက်ရုံလုပ်သားတွေပြော
Aug 14, 2022
cover
အမေရိကန်တစ်ဒေါ်လာလျှင် မြန်မာကျပ်ငွေ ၃၀၀၀ ကျော်အထိစျေးပေါက်နေ
Aug 13, 2022
cover
အလုပ် ၁ ရက်ပျက်ပါက အလုပ်မှထုတ်ပယ်သည်အထိ လုပ်ငန်းခွင်အတွင်း လုပ်သားအခွင့်အရေးချိုးဖောက်ခံရခြင်းများဖြစ်ပေါ်နေဟုဆို
Aug 13, 2022
cover
စက်သုံးဆီစျေးထပ်မံမြင့်တက်လာ သုံးဘီးဆိုင်ကယ်ကယ်ရီများဆီမရောင်းတော့၍ အခက်အခဲကြုံ
Aug 13, 2022
cover
အိုးဘိုထောင်တွင်းအစာငတ်ခံဆန္ဒပြသူတစ်ဦး အသက်အန္တရာယ်စိုးရိမ်နေရ
Aug 12, 2022
cover
မလေးရှားနိုင်ငံသို့တရား၀င်သွားရောက်လုပ်ကိုင်လိုတဲ့ အလုပ်သမားဦးရေ မြင့်တက်လာ
Aug 12, 2022
cover
ထိုင်းနိုင်ငံကို ကယ်ရီပွဲစားနှင့် ချိတ်ဆက်ပြီး သွားရောက်တဲ့ အလုပ်သမား ၂၀၀ ကျော်ပိတ်မိပြီး အခက်အခဲဖြစ်နေ
Aug 11, 2022
cover
ပြည်ပအလုပ်အကိုင်အကျိုးဆောင်ကုမ္ပဏီ ၄၀၀ နီးပါးရှိ၊ လိုင်စင်အသစ်လျှောက်ထားလိုသူတွေရှိနေ
Aug 10, 2022
cover
မလေးရှားတွင် အော်ပရာစီစီမံချက်ဖြင့် နေအိမ်တိုက်ခန်းများအတွင်းထိလိုက်လံဖမ်းဆီးနေ
Aug 10, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle