အချိန်ပို အခမဲ့ဆင်းခိုင်းတာ၊ လုပ်အားခရှင်းမပေးတာနဲ့ ဥပဒေမဲ့ အလုပ်ထုတ်တာတွေ ရှိနေတယ်လို့ ဆို

cover
profile
Jul 29, 2022

ရန်ကုန်တိုင်း ထန်းတပင်မြို့နယ် အစုကြီးကျေးရွာ မှာ ဝန်ထမ်းအင်အား ၆၀၀ ကျော်နဲ့ လည်ပတ်နေတဲ့ တရုတ်နိုင်ငံသားပိုင် Myanmar Sinyoung အထည်ချုပ်စက်ရုံမှာ အကြောင်းပြချက်မရှိဘဲ အလုပ်ထုတ်တာ  ဖိအားပေးကာ အချိန်ပိုဆင်းခိုင်းပြီး လုပ်အားခရှင်းမပေးတာနဲ့ ရိုင်းစိုင်းစွာအော်ဟစ်ဆဲဆိုတာတွေ ပြုလုပ်လျှက်ရှိနေတယ်လို့ အလုပ်သမားတွေကပြောပါတယ်။

လုပ်ငန်းခွင်အတွင်း သမဂ္ဂဖွဲ့စည်း ထားခြင်းမရှိသလို လုပ်ငန်းခွင်ဆိုင်ရာချိုးဖောက်ခံရမှုတွေကို ဖြေရှင်းပေးမှုမရှိလို့ အခက်အခဲကြုံနေရတယ်လို့ ယင်းစက်ရုံမှာလုပ်ကိုင်နေတဲ့ အလုပ်သမားတွေကပြောပါတယ်။

“အဓိကကတော့ စက်ရုံထဲမှာအလုပ်ကိုထုတ်ချင်တိုင်းကိုထုတ်နေတာ အကြောင်းပြချက်မရှိဘဲနဲ့ ဘာလျော်ကြေးမှလည်း မပေးပါဘူး နင့်ကိုအလုပ်ထုတ်လိုက်ပြီဆိုရင်ပြီးပြီ” လို့ အဆိုပါစက်ရုံမှ လုပ်သားတစ်ဦးကပြောပါတယ်။

ဒါ့အပြင် အလုပ်ထုတ်ပြီးပါက အလုပ်ဆင်းခဲ့ ရတဲ့ ရက်များအတွက်လုပ်အားခကို နောက်လ ၁၁ ရက်နေ့မှ ပေးမည်ဟုပြောဆိုမှုတွေ ရှိနေပြီး စက်ရုံစဖွင့်သည့်အချိန်တွင်အလုပ်သမားများအားအောနိုက်၊အောလင်းများခေါ်ယူပြီး၊အချိန်ပိုအိုတီ‌ ကြေးများကိုအလုပ်ရှင်ဘက်မှလုံး၀မပေးမရှင်းပေးပဲအလကားစေခိုင်းခဲ့တယ်လို့ အလုပ်သမားတွေကပြောပါတယ်။

ဒါ့အပြင် လုပ်ငန်းခွင်ထဲမှာ ဖိအားပေးခြိမ်းခြောက်စေခိုင်းတာ ဂိတ်ပတ်( အပြင်ထွက်ခွင့်) ယူပါက အလုပ်မှ ထွက်ခိုင်းတာ စနေနေ့ အပြည့်ဆင်းခိုင်းပြီး ၄၈၀၀ ကျပ်သာပေးချေနေတာတွေ လည်း ပြုလုပ်နေတယ်လို့ ဆိုပါတယ်။

ဒါ့အပြင် လူမှုဖူလုံရေး ခံစားခွင့်များမရှိဘဲ ခွင့်ခံစားခွင့်များလည်း မရရှိဘူးလို့ အလုပ်သမား တွေက ပြောဆိုပါတယ်။

“ခွင့်မပေးဘူး တရက်ပျက်ရင်တော့ ၁၅၀၀၀ ကျော်လောက်ဖြတ်ခံရတယ် လုပ်ငန်းခွင်ထဲမှာလည်း စံချိန်တွေ မတရားတိုးတောင်းတာတွေလုပ်တယ် မရရင် ရိုင်းရိုင်းစိုင်းစိုင်းကို အပြောခံရတာ ငရဲလိုပဲ လို့ အဆိုပါ စက်ရုံမှ အလုပ်သမားတစ်ဦးကပြောဆိုပါတယ်။

လုပ်ငန်းခွင်အတွင်းမှာ အသက် ၁၄ နှစ်မှ ၁၆ နှစ်ထိ လူငယ်လုပ်သားများလည်းရှိပြီး နိုင်ငံခြားသားအမျိုးသမီးမှ တိုက်ရိုက်ကွပ်ကဲတာတွေ ပြုလုပ်နေတယ်လို့ ဆိုပါတယ်။

လုပ်သားတွေအနေနဲ့ လုပ်ငန်းခွင်ထဲမှာ ဥပဒေမဲ့ အလုပ်ထုတ်တာတွေ မပြုလုပ်ဖို့ အချိန်ပိုကို အလုပ်သမားတွေသဘောဆန္ဒအရသာခိုင်းစေဖို့နဲ့ ဥပဒေပါခွင့်ခံစားခွင့်တွေရရှိဖို့ လိုလားနေတယ်လို့ဆိုပါတယ်။

©MyanmarLabourNews

 

330 Views

Related News

cover
ဒီတကြိမ်မှာငြိမ်ခံနေလိုက်ရင် ဘယ်တော့မှရမှာမဟုတ်တော့ဘူးလေ။
Aug 15, 2022
cover
ပိတ်ရက်မှာ အနားယူခွင့်မရှိဘဲ အလုပ်လုပ်ကိုင်နေရတယ်လို့ TRISTATE MYANMAR စက်ရုံလုပ်သားတွေပြော
Aug 14, 2022
cover
အလုပ် ၁ ရက်ပျက်ပါက အလုပ်မှထုတ်ပယ်သည်အထိ လုပ်ငန်းခွင်အတွင်း လုပ်သားအခွင့်အရေးချိုးဖောက်ခံရခြင်းများဖြစ်ပေါ်နေဟုဆို
Aug 13, 2022
cover
အချိန်ပို အတင်းအကြပ်ခိုင်းစေမှု၊ လုပ်အားခဖြတ်တောက်မှုနဲ့ အလကားနီးပါး ခိုင်းစေမှုတွေဖြစ်ပေါ်နေပြီး နိုင်ငံရေးအခြေအနေအရ တောင်းဆိုရန်ခက်ခဲနေဟုဆို
Aug 12, 2022
cover
PMG အမျိုးသမီးအလုပ်သမားများသပိတ် ၅ရက်မြောက်နေ့ ဆက်လက်သပိတ်မှောက်တောင်းဆို
Aug 12, 2022
cover
လုပ်ငန်းခွင်အတွင်း ခွင့်ခံစားခွင့်မရတာ၊ အချိန်ပိုအတင်းအကြပ် ခိုင်းစေတာတွေရှိနေတယ်လို့ဆို
Aug 11, 2022
cover
အလုပ်သမားရေးရာပေးစာ
Aug 11, 2022
cover
ပြည်ပအလုပ်အကိုင်အကျိုးဆောင်ကုမ္ပဏီ ၄၀၀ နီးပါးရှိ၊ လိုင်စင်အသစ်လျှောက်ထားလိုသူတွေရှိနေ
Aug 10, 2022
cover
မလေးရှားတွင် အော်ပရာစီစီမံချက်ဖြင့် နေအိမ်တိုက်ခန်းများအတွင်းထိလိုက်လံဖမ်းဆီးနေ
Aug 10, 2022
cover
နိုင်ငံသားစီစစ်ရေးကတ် ၅ / နှင့် ၈ / ကိုင်ဆောင်သည့် အလုပ်သမားများ အပါအဝင် ၄၀ ကျော် နစ်နာကြေးမပေးဘဲ အလုပ်ထုတ်ခံရ အလုပ်ပြန်မခန့်ပါက ရသင့်ရထိုက်သည့် လျော်ကြေးများရလိုဟုဆို
Aug 9, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle