အင်းစိန်အကျဥ်းထောင်မှာ သေဒဏ်ချမှတ်ခံရသူစာရင်းတစ်ရာကျော်ရှိနေပြီး သေဒဏ်အပေါ်ထပ်မံစီရင်မှုတွေရှိနေ

cover
profile
Jul 27, 2022

အင်းစိန်အကျဥ်းထောင်မှာ အင်းစိန်အကျဥ်းထောင်မှာ သေဒဏ်ချမှတ်ခံရသူစာရင်းတစ်ရာကျော်ရှိနေပြီး ဇူလိုင်၂၅ရက်နောက်ပိုင်း  သေဒဏ်စီရင်မှုတွေ ထပ်မံစီရင်မှုတွေရှိနေတယ်လို့ နိုင်ငံရေးအကျဥ်းသားဟောင်းအဖွဲ့မှ သိရပါတယ်။

"အခုက သေဒဏ်ချမှတ်ခံထားရတဲ့ နိုင်ငံရေးအကျဥ်းသားက ရာနဲ့ချီပြီးရှိတယ်။ မျက်ကွယ်ရောမျက်မြင်ရောပေါ့။ ဇူလိုင်၂၅ရက်နောက်မှာတင်ကိုပဲ သေဒဏ်စီရင်မှုတွေရှိနေတယ်ဆိုတာ ထောင်နဲ့နီးစပ်သူတွေဆီကနေ သိရတယ်။ ဘယ်နှစ်ယောက်ကိုစီရင်လိုက်ပြီလဲဆိုတာတော့ အတိအကျမသိရသေးတာပဲရှိတယ်"လို့ နိုင်ငံရေးအကျဥ်းသားဟောင်း ဦးထွန်းကြည်က ပြောပါတယ်။

ဇူလိုင် ၂၃ရက်က အင်းစိန်အကျဥ်းထောင်မှာ ကိုဂျင်မီ၊ ကိုဖြိုးဇေယျာသော်၊ ကိုလှမျိုးအောင်၊ ကိုအောင်သူရဇော်တို့ကို အကျဥ်းထောင်အာဏာပိုင်တွေက စီရင်ခဲ့ပြီးနောက်မှာ ထပ်မံ၍ စီရင်ခဲ့တာဖြစ်ပြီး ဇူလိုင် ၂၅ရက်နောက်ပိုင်းမှာ သေဒဏ်စီရင်ခံရတာ ၁၀ယောက်ကျော်ရှိနေတယ်လို့ သတင်းထွက်ပေါ်နေတာလည်းဖြစ်ပါတယ်။

အခုလို နိုင်ငံရေးအကျဥ်းသားတွေအပေါ် သေဒဏ် ချမှတ်စီရင်ခဲ့တဲ့အတွက် ဇူလိုင် ၂၅ရက်မှာအကျဥ်းထောင်အသီးသီးမှာရှိတဲ့ အကျဥ်းသားတွေက ဆန္ဒပြမှုတွေ ဆူပူမှုတွေ လုပ်ဆောင်ခဲ့တာကြောင့်  ထောင်အာဏာပိုင်တွေက ပစ်ခတ်နှိမ်နှင်းတာ၊  ဝိုင်းရိုက်နှက်တာတွေ လုပ်ဆောင်ခဲ့တာ ကြောင့်  အကျဥ်းသားအချို့အပြင်းထန်ဒဏ်ရာရရှိမှုတွေရှိတယ်လို့လည်း ၎င်းပြောဆိုချက်အရ သိရပါတယ်။

''လက်ရှိအချိန်အထိ ဖမ်းဆီးခံထားရတဲ့ နိုင်ငံရေးအကျဉ်းသားတွေ  တစ်သောင်းကျော်ပါပြီ။ ဒါကလက်လှမ်းမီသလောက်ပါပဲ။ လက်လှမ်းမမီတဲ့ ဖမ်းဆီးသတ်ဖြတ်ညှင်းပန်းနှိပ်စက် အလောင်းဖျောက်ဖျက်လိုက်တာကရော ဘယ်လောက်အထိရှိနေမလဲဆိုတာ သူတို့ကိုယ်တိုင်ပဲသိပါလိမ့်မယ်''လို့ဆိုပါတယ်။

လက်ရှိမှာ တရား၀င်အချက်အလက်တွေစုစောင်းထားချက်အရလက်ရှိ AAPP ရဲ့ စာရင်းတွေအရ သေဒဏ်ချမှတ်ခံထားရသူဦးရေဟာ ၇၂ဦးရှိပြီး  မျက်ကွယ်သေဒဏ်ချမှတ်ခံထားရသူ ၄၁ဦး၊စုစုပေါင်းသေဒဏ် ၁၁၃ ဦးချမှတ်ခံထားရတာပဲဖြစ်ပါတယ်။

အကျဥ်းထောင်အသီးသီးမှာ ဖမ််းဆီးခံရတဲ့သူများ တစ်သောင်းကျော်ရှိပြီး   အဲ့ဒီဖမ်းဆီးခံထားရတဲ့သူထဲမှာမှ ပုဒ်မအမျိုးမျိုးနဲ့ ဆွဲချက်တင်ဖမ်းဆီး ထောင်ချထားခံရသူက  ထောင်ချီရှိနေပါတယ်။

ယခုလို  လူဖမ်းပွဲတွေ  ကမ္ဘာကျော်လူသတ်ပွဲတွေဆက်လုပ်နေတာဟာ လူ့အခွင့်အရေးကို အဆိုးရွားဆုံးနဲ့ အရက်စက်ဆုံး ချိုးဖောက်နေခြင်းဖြစ်တဲ့အပြင်   ထောင်အသီးသီးမှာလည်း နိုင်ငံရေးအကျဉ်းသားတွေအပေါ်မှာ ခေါင်းမထောင်နိုင်အောင်ရက်ရက်စက်စက်ညှင်းပန်းနှိပ်စက်နေတဲ့ ဦးချိုးနေတဲ့ ယန္တယားသည်လည်း မြန်မာနိုင်ငံမှာရှိတဲ့ထောင်အသီးသီးမှာပဲဖြစ်တယ်လို့ဆိုပါတယ်။


 

455 Views

Related News

cover
ဒီတကြိမ်မှာငြိမ်ခံနေလိုက်ရင် ဘယ်တော့မှရမှာမဟုတ်တော့ဘူးလေ။
Aug 15, 2022
cover
ပိတ်ရက်မှာ အနားယူခွင့်မရှိဘဲ အလုပ်လုပ်ကိုင်နေရတယ်လို့ TRISTATE MYANMAR စက်ရုံလုပ်သားတွေပြော
Aug 14, 2022
cover
အမေရိကန်တစ်ဒေါ်လာလျှင် မြန်မာကျပ်ငွေ ၃၀၀၀ ကျော်အထိစျေးပေါက်နေ
Aug 13, 2022
cover
အလုပ် ၁ ရက်ပျက်ပါက အလုပ်မှထုတ်ပယ်သည်အထိ လုပ်ငန်းခွင်အတွင်း လုပ်သားအခွင့်အရေးချိုးဖောက်ခံရခြင်းများဖြစ်ပေါ်နေဟုဆို
Aug 13, 2022
cover
စက်သုံးဆီစျေးထပ်မံမြင့်တက်လာ သုံးဘီးဆိုင်ကယ်ကယ်ရီများဆီမရောင်းတော့၍ အခက်အခဲကြုံ
Aug 13, 2022
cover
အိုးဘိုထောင်တွင်းအစာငတ်ခံဆန္ဒပြသူတစ်ဦး အသက်အန္တရာယ်စိုးရိမ်နေရ
Aug 12, 2022
cover
ရေနံနဲ့ရေနံထွက်ပစ္စည်းတင်သွင်းမှုလျှော့ချရန် စစ် ကောင်စီပြောဆိုပြီးနောက် စက်သုံးဆီကျပ်နှစ်ထောင်ကျော်အထိ တစ်ရှိန်ထိုးမြင့်တက်လာ
Aug 12, 2022
cover
ကုန်ဈးနှုန်းမြင့်တက်လာမှုနှင့်အတူ အခြေခံပြည်သူတွေ ကျပ်တည်းလာ ၊ ပြည်တွင်းစားဆီတစ်ပိဿာ ၃၇၀၀ ကျပ်ဖြင့်ရောင်းချပေးနေဟုဆို
Aug 10, 2022
cover
အလုပ်သမားခေါင်းဆောင် ကိုသက်နှင်းအောင်ကို ပုဒ်မ ၁၇(၁)နဲ့ စတင်ရုံးထုတ်
Aug 8, 2022
cover
စက်ရုံအလုပ်ရုံတွေမှာ အလုပ်သမားတွေကို အကြောင်းမဲ့အလုပ်ထုတ်ခြင်းများရှိနေပြီး စီစစ်ရွေးချယ်ပြီးမှထုတ်ခံနေရ
Aug 8, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle