Food Panda ကုမ္ပဏီကိုရန်ကုန်က Rider သမားတွေအလုပ်မဆင်းဘဲ သပိတ်မှောက်

cover
profile
Mar 16, 2022

ဒီကနေ့မနက်ပိုင်းလောက်ကစပြီး Food Panda  ကုမ္ပဏီကRiderတွေကိုအကြောင်းမကြားဘဲ Rider ကြေးတွေအဆမတန်လျော့ချဖြတ်တောက်လိုက်တဲ့အပေါ်ရန်ကုန်က riderတွေက အလုပ်မဆင်းဘဲ ကန်ရိပ်သာလမ်းပေါ်မှာရှိတဲ့ရုံးချုပ်ရှေ့မှာစုရုံးဆန္ဒပြဖို့ပြင်ဆင်နေကြတယ်လို့သိရပါတယ်။

"rider တွေအပေါ်မအလဆန်ဆန်လုပ်နေပါတယ် ခါတိုင်းက မော်တင်ကနေ ဆူးလေကို တစ်ထောင်ကျော်ရပါတယ် ယခုအချိန်မှာ ၅၀၀ကျော် ၆၀၀ကျော်လေးတွေသာရပါတော့တယ် ရုံးဘက်ကိုပြောတဲ့အခါမှာဆိုရင် တစ်ဌာနနဲ့တစ်ဌာလွှဲလွှဲချတာမျိုးလုပ်ပါတယ်  စကားပြောအဆင်မပြေဖြစ်လာတဲ့အခါမျိုးမှာဆိုရင်တိုင်ချင်တဲ့နေရာတိုင် လို့ပြောလာပါတယ် အခုလိုချိန်မျိုးမှာကျွန်တော်တို့ rider တွေကဘယ်သူ့ကိုသွားပြီးတိုင်ရမှာလဲ"လို့လက်ရှိလုပ်ကိုင်နေတဲ့ Rider တဦးက MLNကိုပြောပါတယ်။

ဒါ့အပြင် Food Panda ရုံးဖက်မှ ယခုလိုအာဏာသိမ်းကာလကိုအခွင့်ကောင်းယူ၍ customer ဘက်မှပို့ဆောင်ခ free ဟုပြောဆိုကာ  ပို့ဆောင်ခတွေယူပြီး system error ဖြစ်လို့ပါဆိုတဲ့အကြောင်းပြချက်နဲ့ customer တွေဆီကနေလဲ ပိုက်ဆံတွေ တောင်းယူတာတွေရှိနေတဲ့အပြင် rider တွေဆီကလဲ ၁၀၀၀ တန်ပေးရမဲ့နေရာတွေကို ၈၀၀ ၇၀၀ကျော်သာပေးနေတယ်လို့Riderတွေရဲ့ပြောကြားချက်အရသိရပါတယ်။

"Rider ကြေးကိုပြောင်းလဲသတ်မှတ်မယ်ဆိုရင် rider တွေကိုအရင်ဆုံးအကြောင်းကြားရမယ်ဆိုတာကိုစာချုပ်မှာပါပေမယ့်တစ်ခါမှကြိုတင်အကြောင်းကြားခြင်းမျိုးမရှိပါဘူး စာချုပ်ဆိုတာကလဲ 2008 ဖွဲ့စည်းပုံနဲ့မည်သို့မျှမကွာပါဘူး သူတို့ဘက်ကိုဘဲအပိုင်ရေးထားတာပါ Foodpanda ရုံးကအရင်ကအခုလိုမျိုးမဟုတ်ပါဘူး door to door မှရောက်လာတဲ့လူတစ်ချို့နဲ့ အာဏာသိမ်းထားသောယခုကာလမှအခုလိုတွေဖြစ်နေတာပါ"လို့ ရန်ကုန်ကRiderသမားတဦးကဆက်ပြောပါတယ်။

Food panda မှ Riderသမားတဦးလျှင်တနေ့ကို ၃၀၀ ကနေ ၄၀၀ကျပ်ကြားဖြတ်တောက်ခံနေရပြီးသတ်မှတ်ဇုန်တခုလျင် Rider သမား ၄၀၀ လောက်ရှိနေတဲ့အတွက် အော်ဒါရဖို့ကြပ်ကြပ်တည်းတည်းလုပ်ကိုင်နေရတယ်လို့လည်းသိရပါတယ်။

" အခုလိုကုန်စျေးနှုန်းတွေတက် အဆင်မပြေအလုပ်ကိုင်ရှားပါးနေချိန်မှာ အခုလိုလုပ်နေတာတွေဟာလူမဆန်သလိုပါဘဲ ကျွန်တော်တို့အခုလုပ်ကိုင်နေတဲ့ account တွေကလဲ ရုံးကို ၈၅၀၀၀ သွင်းထားပြီး လုပ်ကိုင်ရတာပါ ရုံးဘက်မှအကောင့်များပိတ်ချလိုက်ပါက ကျွန်တော်တို့ပေးထားတဲ့ ၈၅၀၀၀ကလဲပြန်မရတော့ပါဘူး လူဟောင်းတွေမှယခုလိုကိစ္စများကိုရုံးကိုပြောရင် orderမချပေးတာမျိုးအကောင့်ပိတ်ပစ်တာမျိုးတွေလုပ်ပါတယ် " လို့ အလုပ်သမားတဦးကထပ်ပြောပါတယ်။

လက်ရှိမှာကုမ္ပဏီဖက်က rider လူဟောင်း တွေကို အော်ဒါတွေ ပြည့်ဝစွာမချပေးနိုင်ဘဲ rider အသစ်တွေခေါ်ယူနေတာမျိုးလုပ်နေပြီးတော့ လူသစ်ကြေး၈၅၀၀၀ ရရှိရေးသာလုပ်ဆောင်နေတဲ့အတွက် Riderသမားတဦးမှာတနေ့လျင်အော်ဒါ ၆ ကြောင်းလောက်သာပို့ဆောင်နေရတယ်လို့သိရပါတယ်။

အခုလိုRiderကြေးတွေအဆမတန်ဖြတ်တောက်နေတဲ့အပေါ်Riderတွေက မကျေနပ်တဲ့အတွက် Riderတွေအတွက်ထားပေးထားတဲ့ App ကို Log out လုပ်ပြီးအလုပ်မဆင်းပဲ ရုံးချုပ်မှာသွားရောက်ညှိနှိုင်းဖို့ပြင်ဆင်နေကြပေမယ့်ရုံးဖက်ကတော့အခုအထိဖြေရှင်းချက်မပေးသေးဘူးလို့သိရပါတယ်။

ယမန်နေ့ကလဲမန္တလေးကFood Panda Rider တွေဟာလဲအခုလိုRiderကြေးအဆမတန်ဖြတ်တောက်ခံရတဲ့အတွက်အော်ဒါမပို့ဆောင်တော့ပဲသပိတ်မှောက်နေကြပါတယ်။

Food Pand အစားအသောက်ပို့ဆောင်ရေးကုမ္ပဏီဟာ ၂၀၁၇ ခုနှစ်ဝန်းပျင်လောက်ကမှမြန်မာပြည်ကိုရောက်ရှိလာတဲ့ဂျာမဏီအခြေစိုက်အစားအသောက်ပို့ဆောင်ရေးကုမ္ပဏီတခုဖြစ်ပြီးအာဏာသိမ်းစစ်တပ်ရဲ့စစ်ခေါင်းဆောင်တွေပိုင်ဆိုင်တဲ့စားသောက်ကုန်လုပ်ငန်းများနဲ့လဲချိတ်ဆက်ဆောင်ရွက်မှု့တွေရှိနေပါတယ်။

1.5K Views

Related News

cover
တနင်္ဂနွေနားရက်မရတာ၊ လူမှုဖူလုံရေး အကျိုးခံစားခွင့်တွေမရရှိတာအပါအဝင် လုပ်ငန်းခွင်အတွင်း ဖိနှိပ်ခိုင်းစေခံနေရတယ်လို့ NEX STAR GARMENT အထည်ချုပ်စက်ရုံလုပ်သားတွေပြော
May 24, 2022
cover
နွေဦးတော်လှန်ရေးမှာ ထိုင်းရောက်မြန်မာလုပ်သားတွေအင်တိုက်အားတိုက်ပါဝင်
May 24, 2022
cover
လုပ်ငန်းခွင်ဆိုင်ရာ ချိုးဖောက်ခံရမှုနဲ့ အခက်အခဲတွေရှိနေတယ်လို့ Honor Apparel garment Factory အလုပ်သမားတွေပြော
May 21, 2022
cover
အလုပ်သမားအခွင့်အရေးချိုးဖောက်မှု့များကိုတိုင်ကြားပါက ရဲနှင့်စစ်တပ်ခေါ်ပြီးဖမ်းခိုင်းမည်ဟု Full Way garment Factory အထည်ချုပ်စက်ရုံမှအလုပ်သမားများခြိမ်းခြောက်ခံထားရ
May 20, 2022
cover
ည ၁၀ နာရီအထိ အချိန်ပိုဆင်းနေရတာတွေအပါအဝင် အလုပ် ၁ရက်ပျက်လျှင် ၃၀၀၀၀ ကျပ် ထိဖြတ်တောက်နေပြီး အလုပ်သမား ဥပဒေပါအခွင့်အရေးများပါချိုးဖောက်ခံနေရတယ်လို့ Dishang Kenny garment စက်ရုံကအထည်ချုပ်အလုပ်သမားတွေပြော
May 19, 2022
cover
လူမှု့ဖူလုံရေးအကျိုးခံစားခွင့်၊ ဥပဒေပါအလုပ်သမားရပိုင်ခွင့် တွေတခုမှမရတဲ့အပြင် အထည်စံချိန်တိုး တောင်းနေလို့ အထည်ချုပ်စက်ရုံလုပ်သားများအခက်တွေ့နေရဟုဆို
May 15, 2022
cover
ဥပဒေကို ကျော်လွန်ပြီး စာချုပ် ချုပ်ဆိုခိုင်းစေ နေတဲ့ အစားအသောက်သယ်ယူပို့ဆောင်ရေး ကုမ္ပဏီကြီးများအောက်မှာ riders များရဲ့ အလုပ်သမားအခွင့်အရေး ကြီးမားစွာ ချိုးဖောက်ခံနေရ
May 15, 2022
cover
ချေးငွေနောက်ကျမှု့ ကုမ္ပဏီကိုယ်စားသွားရောက်ညှိနှိုင်းပေးတဲ့ ဝန်ထမ်းအသတ်ခံရ
May 14, 2022
cover
စက်ရုံတွင်းကိုယ်ထိလက်ရောက်ကျူးလွန်ခံနေရတဲ့အပြင် ကာအိ‌န္ဒြေ ပျက်ပြားသည် အထိရိုင်းပြစွာဆဲဆိုခိုင်းစေနေတာတွေရပ်တန့်ပေးဖို့ Nadia Pacific Apparel စက်ရုံမှအလုပ်သမားများလိုလားနေ
May 13, 2022
cover
အလုပ်သမားတွေ နှစ်ချီ အလုပ်လုပ်ပေးဖို့ စာချုပ်ချုပ်ဆိုခိုင်းပြီး အလုပ်ထွက်ပါက လုပ်အားနှစ်ဆ ပေးလျော်ခိုင်းနေသဖြင့် အလုပ်သမားများအခက်အခဲ ဖြစ်နေတယ်လို့ ဆို
May 13, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle