စစ်ကောင်စီကြောင့်အလှမ်းဝေးခဲ့တဲ့ပြည်တော်ပြန်အိပ်မက်

cover
profile
Dec 24, 2021

စစ်တပ်အာဏာသိမ်းပြီးချိန်ကစလို့မြန်မာနိုင်ငံသားလုပ်သားတွေအများစုရှိနေတဲ့အိမ်နီးချင်းထိုင်းနိုင်ငံကမြန်မာရွှေ့ပြောင်းလုပ်သားတွေဟာသူတို့ရဲ့အနာဂတ်ကိုရိုက်ချိုးခဲ့တဲ့စစ်အာဏာရှင်ကိုမရ ရတဲ့နည်းနဲ့ဖြုတ်ချဖို့နည်းလမ်းမျိုးစုံကပါဝင်လာကြပါတယ်။

ဒီအထဲမှာနယ်စပ်တိုင်းရင်သားလက်နက်ကိုင်တွေဆီမှာစစ်သင်တန်းတက်ပြီး စစ်အာဏာရှင်တသိုက်ကိုလက်နက်ကိုင်တိုက်ပွဲဝင်ဖို့ပြင်ဆင်ကြသလိုပြည်တွင်းက ပြည်သူ့ကာကွယ်ရေးတပ်တွေနယ်စပ်ကစစ်တပ်ဒုက္ခပေးလို့ထွက်ပြေးလာရတဲ့စစ်ရှောင်ပြည်သူတွေကိုကူညီပေးတာတွေစသဖြင့်ရရာနည်းလမ်းကပါဝင်ကြပါတယ်။

"လူငယ်တွေကတအားဒေါသထွက်ကြတယ်သူတို့ဒီမှာအလုပ်လုပ်ပြီးပြန်အခြေချမယ်လုပ်ကြမှဒီလိုတွေဖြစ်လာတာဆိုတော့"လို့ ထိုင်းရောက်မြန် မာရွှေ့ပြောင်းလုပ်သားအရေးဆောင်ရွက်နေတဲ့ဦးအောင်ကျော်က MLN ကိုပြောပါတယ်။

ပြည်သူကတခဲနက်ရွေးကောက်တင်မြှောက်လိုက်တဲ့ပြည်သူ့အစိုးရရဲ့ပြုပြင်ပြောင်းလဲရေးကာလမှာပဲလူငယ်တွေရဲ့အနာဂတ်ဟာအနည်းနဲ့အများမျှော်လင့်ချက်တွေရွေးချယ်ခွင့်တွေအများအပြားနဲ့အတော့်ကိုအဆင်ပြေလာခဲ့တယ်ဆိုရမှာပါ။

"ဒါကိုသူတို့ရိုက်ချိုးပစ်လိုက်တာပဲပြည်တွင်းလဲလူတွေလိုက်သတ်နေသလိုပြည်ပကလူတွေအတွက်လဲအဆင်မပြေဘူးသူတို့ကအောက်ဆုံးအထိကျတော်တို့ကိုဆွဲချပစ်တာခုအာဆီယံမှာလဲအောက်ဆုံးကျနေပြီ"လို့ထိုင်းနိုင်ငံမှာဆယ်စုနှစ်တခုနီးပါးအလုပ်လုပ်ကိုင်နေတဲ့ကိုဝေက MLN ကိုပြောပါတယ်။

စစ်တပ်အာဏာသိမ်းပြီးချိန်ကစလို့ပြည်တွင်းအလုပ်အကိုင်ရှားပါးမှု့တွေကုန်စျေးနှုန်းကြီးမြင့်မှု့တွေကြောင့်အိမ်နီးချင်းနိုင်ငံတွေကိုရွှေ့ပြောင်းလုပ်ကိုင်လိုတဲ့မြန်မာလုပ်သားသောင်းနဲ့ချီပြီးနယ်စပ်ကိုထွက်ခွာခဲ့ပါတယ်။

ဒါပေမယ့်စစ်တပ်ကပိတ်ဆို့တာကြောင့်ရော ကိုရိုနာကပ်ဘေးကြောင့်ရောထိုင်းဖက်ကပိတ်ဆို့တာကြောင့်ပါအလုပ်လုပ်ကိုင်လိုတဲ့မြန်မာလုပ်သားတွေဟာလုပ်ငန်းခွင်ထဲမရောက်ပဲထိုင်းစစ်တပ်ရဲ့ဖမ်းဆီးခြင်းသာခံခဲ့ရပါတယ်။

"လာမယ်ဆိုလဲတရားဝင်လာတာတော့အကောင်းဆုံးပေါ့ဒါပေမယ့်ဒီလိုကာလမှာစစ်တပ်ကသတ်ဟယ်ဖြတ်ဟယ်ဆိုတော့လူငယ်တွေကသေမထူးနေမထူးထွက်လာကြရတာသူတို့အတွက်ကဒီမှာပိုလုံခြုံတယ်လေဗျာ"လို့ရွှေ့ပြောင်းလုပ်သားအရေးဆောင်ရွက်သူတဦးကဆိုပါတယ်။

ပြည်တွင်းကလုပ်သားတွေအနေနဲ့တနေ့လုပ်ခလစာ ၄၈၀၀ ဝန်းကျင်ရရှိဖို့တိုက်ပွဲဝင်နေရတဲ့အချိန်မှာထိုင်းနိုင်ငံမှာလုပ်သားတဦးရဲ့လုပ်ခလစာဟာတရက်ကို ၁၂၀၀၀ ဝန်းကျင်ရရှိနေတာဟာပြည်တွင်းလုပ်သားတွေအတွက်တော့တကယ့်ကိုမျက်စိကျစရာပါ။

ဒါပေမယ့်ပြည်ပထွက်ခွာရေးကိုစစ်တပ်ကပိတ်ဆို့ထားသလို တဖက်နိုင်ငံတွေကလဲကျန်းမာရေးအခြေအနေတွေကြောင့်နယ်စပ်တွေမှာပါတင်းကြပ်စွာကိုင်တွယ်နေလို့မိသားစုဆီပြန်လာချင်တဲ့သူလည်းအဆင်မပြေသလိုပြည်တွင်းကနေထွက်ခွာချင်တဲ့သူတွေအတွက်လဲအဆင်မပြေသေးဘူးလို့ဆိုရမှာပါ။

"ကျွန်တော်ဆိုမြန်မာပြည်ပြန်ရောက်ရင်ကုန်ရောင်းကုန်ဝယ်လေးလုပ်ဖို့စိတ်ကူးထားတာခုတော့ဒီကောင်တွေအာဏာရူးတာနဲ့ပြီးပြီပေါ့ဗျာ"လို့ထိုင်းရောက်ပြန်မာရွှေ့ပြောင်းလုပ်သားတဦးကဆိုပါတယ်။

၂၀၁၅ခုနှစ်အရပ်သားအစိုရတက်လာပြီးကတည်းကကထိုင်းရောက်လုပ်သားတွေမြန်မာပြည်မှာအခြေချပြီး ပြန်လည်လုပ်ကိုင်စားသောက်ဖို့ အလုပ်သမားရေးဆောင်ရွက်သူတွေနဲ့ NLD အစိုးရအကြားဆွေးနွေးတာတွေရှိခဲ့သလိုလက်ရှိစစ်တပ်ကအဓမ္မဖမ်းဆီးထားတဲ့ဒေါ်အောင်ဆန်းစုကြည်ကိုယ်တိုင်လဲထိုင်းရောက်မြန်မာရွှေ့ပြောင်းလုပ်သားတွေနဲ့သွားရောက်တွေ့ဆုံခဲ့တာတွေရှိခဲ့ပါတယ်။

"အရင်သိန်းစိန်လက်ထက်ထဲကဆွေးနွေးတာပဲခုစစ်တပ်ကအာဏာသိမ်းတဲ့အချိန်အထိအဆင်မပြေခဲ့ဘူးဆိုရမှာပေါ့ခုဒီကောင်တွေအာဏာသိမ်းလိုက်တော့ဒီကအလုပ်သမားတွေရဲ့အိမ်မက်ကအလကားဖြစ်သွားပြီဒါကြောင့်လဲဒီကလုပ်သားတွေကပိုဒေါသထွက်ကြတာ"လို့ထိုင်းရောက်ရွှေ့ပြောင်းရေးလုပ်ကိုင်သူတဦးက MLN ကိုပြောပါတယ်။

စစ်ကောင်စီကနိုင်ငံပြင်ပမှာလုပ်ကိုင်နေတဲ့သူတွေကိုဒုက္ခရောက်နေတယ်ဆိုပြီးပြန်လည်ခေါ်နေတာတွေရှိပေမယ့်ဒါတွေကစစ်ကောင်စီရဲ့အဓမ္မအာဏာသိမ်းတာတွေပြည်သူတွေ၊ သတ်ဖြတ်နေတာတွေကိုဖုံးကွယ်ဖို့ဟန်ပြလုပ်ဆောင်နေတာတွေသာဖြစ်တယ်လို့ပြည်ပရောက်မြန်မာလုပ်သားတွေကသုံးသပ်ပါတယ်။

"ဒီမှာဆိုလုပ်ငန်းရှင်ကလဲတာဝန်ယူတယ်ကိုယ်ကလဲကိုယ့်အလုပ်မထိခိုက်အောင်တာ၀န်ယူရတယ်ကျွန်တော်တို့မြန်မာပြည်အတွက်အလှူခံထွက်ပြီဆိုကိုရိုနာရှိ၊ မရှိရပ်ကွက်ရုံးမှာအသွားရောအပြန်ရောစစ်ပေးတယ်သူတို့အစိုးရကလဲတာဝန်ယူပေးတယ်"လို့တောင်ကိုရီးယားနိုင်ငံမှာအလုပ်လုပ်ကိုင်ရင်းမြန်မာ့အရေးဆောင်ရွက်နေသူတဦးကပြောပါတယ်။


မြန်မာနိုင်ံငံတွင်းကလုပ်သားတွေကတော့စစ်တပ်နဲ့အလုပ်ရှင်ပေါင်းပြီး ယခုထက်ထိသေသေကြေကြေသူတို့လုပ်ငန်းအမြတ်ရရေးနဲ့စစ်ကောင်စီအတွက်အခွန်အခရရှိရေးအတွက်လုပ်သားတွေကိုကျွန်သဘောက်သဖွယ်ခိုင်းနေဆဲပါ။

လုပ်သားအခွင့်အရေးချိုးဖောက်တာတွေနဲ့ပတ်သက်ပြီးအမျိုးသားညီညွတ်ရေးအစိုးရကထိထိရောက့ရောင်အရေးယူမယ်လို့ဆိုထားပေမယ့်ဒီကအလုပ်ရှင်တွေကတော့ခေတ်ပျက်မှာသူဌေးဖြစ်ချင်နေသလိုအလုပ်သမားအခွင့်အရေးဆိုတာကိုနဲနဲလေးမှမငဲ့ ကွက်တော့တဲ့အပြင်တိုင်စရာနေရာမရှိတော့တဲ့လုပ်သားတွေဘဝကို ပိုပြီးနစ်နာအောင်ဆောင်ရွက်ကြပါတယ်။

"ပြည်တွင်းလုပ်သားတွေလဲဒုက္ခရောက်တယ် ကျွန်တော်တို့လဲဒုက္ခရောက်ရတယ် ဒီကောင်တွေပြည်သူ့အစိုးရကိုအာဏာမြန်မြန်အပ်ဖို့ကျတော်တို့ကရတဲ့နည်းနဲ့လုပ်မှာပဲ"လို့မြန်မာထိုင်းနယ်စပ်မဲဆောက်မြို့ကလုပ်သားတဦးကပြောပါတယ်။


စစ်တပ်အာဏာသိမ်းပြီးနောက်ပြည်တွင်းအလုပ်အကိုင်ရှားပါးမှု့တွေကြောင့်အိမ်နီးချင်းထိုင်းနိုင်ငံအပါအဝင်တခြားနိုင်ငံတွေကိုဝင်ရောက်ရွှေ့ပြောင်းအလုပ်ရှာဖွေသူတွေအနက်ထောင်ဂဏန်းနီးပါးကိုထိုင်းနယ်ခြားစောင့်တပ်တွေကထိန်းသိမ်းထားပြီးစစ်တပ်ရဲ့အရပ်သားတွေအပေါ်ထိုးစစ်ဆင်တိုက်ခိုက်မှု့တွေကြောင့်အိမ်နီးချင်းနိုင်ငံတွေထဲမှာစစ်ဘေးရှောင်ပြည်သူသောင်းဂဏန်းနီးပါးရှိနေပြီလို့သိရပါတယ်။

565 Views

Related News

cover
ဒီတကြိမ်မှာငြိမ်ခံနေလိုက်ရင် ဘယ်တော့မှရမှာမဟုတ်တော့ဘူးလေ။
Aug 15, 2022
cover
ပိတ်ရက်မှာ အနားယူခွင့်မရှိဘဲ အလုပ်လုပ်ကိုင်နေရတယ်လို့ TRISTATE MYANMAR စက်ရုံလုပ်သားတွေပြော
Aug 14, 2022
cover
အလုပ် ၁ ရက်ပျက်ပါက အလုပ်မှထုတ်ပယ်သည်အထိ လုပ်ငန်းခွင်အတွင်း လုပ်သားအခွင့်အရေးချိုးဖောက်ခံရခြင်းများဖြစ်ပေါ်နေဟုဆို
Aug 13, 2022
cover
အချိန်ပို အတင်းအကြပ်ခိုင်းစေမှု၊ လုပ်အားခဖြတ်တောက်မှုနဲ့ အလကားနီးပါး ခိုင်းစေမှုတွေဖြစ်ပေါ်နေပြီး နိုင်ငံရေးအခြေအနေအရ တောင်းဆိုရန်ခက်ခဲနေဟုဆို
Aug 12, 2022
cover
PMG အမျိုးသမီးအလုပ်သမားများသပိတ် ၅ရက်မြောက်နေ့ ဆက်လက်သပိတ်မှောက်တောင်းဆို
Aug 12, 2022
cover
လုပ်ငန်းခွင်အတွင်း ခွင့်ခံစားခွင့်မရတာ၊ အချိန်ပိုအတင်းအကြပ် ခိုင်းစေတာတွေရှိနေတယ်လို့ဆို
Aug 11, 2022
cover
အလုပ်သမားရေးရာပေးစာ
Aug 11, 2022
cover
ပြည်ပအလုပ်အကိုင်အကျိုးဆောင်ကုမ္ပဏီ ၄၀၀ နီးပါးရှိ၊ လိုင်စင်အသစ်လျှောက်ထားလိုသူတွေရှိနေ
Aug 10, 2022
cover
မလေးရှားတွင် အော်ပရာစီစီမံချက်ဖြင့် နေအိမ်တိုက်ခန်းများအတွင်းထိလိုက်လံဖမ်းဆီးနေ
Aug 10, 2022
cover
နိုင်ငံသားစီစစ်ရေးကတ် ၅ / နှင့် ၈ / ကိုင်ဆောင်သည့် အလုပ်သမားများ အပါအဝင် ၄၀ ကျော် နစ်နာကြေးမပေးဘဲ အလုပ်ထုတ်ခံရ အလုပ်ပြန်မခန့်ပါက ရသင့်ရထိုက်သည့် လျော်ကြေးများရလိုဟုဆို
Aug 9, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle