အထည်ချုပ် Brands တွေထွက်ခွာမှုအပေါ် IWFM ရဲ့ ဥက္ကဌ ဒေါ်ခိုင်ဇာအောင်၏ပြောကြားချက်
Editor
"Brand ထုတ်လုပ်တဲ့ စက်ရုံတွေက နေ အာဏာရှင်စနစ်ကိုထောက်ပံ့နေတာတွေ Brand တွေရဲ့မူဝါဒစံနှုန်းတွေ ဖြစ်တဲ့ လူ့အခွင့်အရေးဆိုင်ရာ လိုက်နာရမယ့် စံနှုန်းတွေ ကို ချိုးဖောက်နေတာဖြစ်တယ်။ တနည်းအားဖြင့် ပြည်သူလူထုတွေကို စစ်အာဏာရှင်လက်အောက်မှာ နှစ်ပေါင်းများစွာပိုပြီးနေရအောင် လုပ်ငန်းတခုချင်းစီက ပံ့ပိုးနေတာဖြစ်တယ် ဒါကြောင့် ဒီအနေအထားတွေကို ကျမတို့က လက်ခံလို့မရပါဘူး" လက်ရှိဖြစ်ပွားနေတဲ့ နိုင်ငံရေးအခြေအနေတွေကြောင့် မြန်မာနိုင်ငံမှာရှိတဲ့ လုပ်ငန်းတွေကို ရပ်နားတော့မှာဖြစ်တယ်လို့ Action Collaboration Transformation (ACT) အဖွဲ့ကဒီဇင်ဘာ ၁၅ ရက်နေ့က ကြေညာလိုက်ပါတယ်၊ စစ်ကောင်စီ အာဏာသိမ်းတဲ့ ဖေဖော်ဝါရီလကစပြီး နိုင်ငံအတွင်းရှိ အလုပ်သမားတွေ ကိုယ်စား ဆောင်ရွက်တဲ့နေရာမှာ အလုပ်သမားသမဂ္ဂအဖွဲ့တွေအနေနဲ့ အခက်အခဲတွေ ကြုံတွေ့နေရတာကြောင့် အခုလို ရပ်နားဖို့ ဆုံးဖြတ်လိုက်တာဖြစ်တယ်လို့ ထုတ်ပြန်လိုက်တာပါ၊ " Brand တွေကနေ ပစ္စည်းအပ်ထားတဲ့ စက်ရုံတွေဟာ အလုပ်သမားအခွင့်အရေးတွေကို ချိုးဖောက်နေပြီးတော့မှ ဆောင်ရွက်နေပေမယ့် ဘယ်အလုပ်ရှင်က မှ အရေးယူတာမခံရဘူ ဘာလို့လဲဆိုရင် စက်ရုံတရုံချင်းစီက အလုပ်သမားဦးစီးတွေ ယန္တယားမှာရှိတဲ့ အာဏာပိုင်အဆင့်ဆင့်ကစစ်တပ်ကို ငွေကြေးဆိုင်ရာပံ့ပိုးမှုတွေလုပ်တယ် ။ အလှူငွေဆိုတဲ့ ခေါင်းစဉ် ဖြစ်စေ အမျိုးမျိုးသော ခေါင်းစဉ်တွေနဲ့ သူတို့ပံ့ပိုးမှုတွေ တောက်လျှောက်လုပ်နေတာကိုတွေ့ရတယ် "လို့ မြန်မာနိုင်ငံ ကုန်ထုတ်နဲ့ စက်မှုလက်မှုအလုပ်သမားများအဖွဲ့ချုပ် IWFM ရဲ့ ဥက္ကဌ ဒေါ်ခိုင်ဇာအောင်က ပြောပါတယ်။ #MyanmarLabourNews #IWFM #ACT
Related News
