အနည်းဆုံးလုပ်ခလစာကျပ် ၄၈၀၀ မှ ၃၆၀၀ သို့လျော့ချမယ်လို့ စစ်ကောင်စီနဲ့ အလုပ်ရှင်တွေဖက်ကသတင်းလွှင့်နေ

cover
profile
Dec 19, 2021

ယခု ရက်ပိုင်းအတွင်းမှာပဲ စစ်ကောင်စီဖက် ကနေအလုပ်သမားတွေရဲ့တစ်နေ့အလုပ်ချိန်  ၈ နာရီအတွက် အခြေခံလုပ်ခလစာ ၃၆၀၀ ကျပ်ပြန်လည်ထားရှိမယ် ဆိုတဲ့သတင်းတွေကျယ်ကျယ်ပြန့်ပြန့်ထွက်ပေါ်လာပါတယ်။

လက်ရှိအနေနဲ့ အနည်းဆုံးအခကြေးငွေက တစ်နေ့တာ အလုပ်ချိန် ၈ နာရီအတွက် ၄၈၀၀ ကျပ်သတ်မှတ်ထားတာဖြစ်ပြီး တစ်နာရီ ကို မြန်မာငွေ ကျပ် ၆၀၀ သာရရှိတဲ့ ဒီပမာဏကလည်း စက်ရုံ၊ အလုပ်ရုံက အခြေခံလုပ်သားတွေအနေနဲ့ လောက်ငှခြင်းမရှိဘူးလို့ သိရပါတယ်။

ဒီလိုသတင်းတွေထွက်ပေါ်လာတဲ့ ကိစ္စကို Myanmar Labour News အနေနဲ့အတည်ပြုနိုင်ခြင်းမရှိသေးသလို လက်ရှိ စက်ရုံအလုပ်ရုံတွေမှာလုပ်ကိုင်နေတဲ့အလုပ်သမားတွေက လဲဒီကိစ္စနဲ့ပတ်သက်ပြီးစက်ရုံတွေဖက်က အတိအလင်းကြေညာထားတာမျိုးမရှိသေးဘူးလို့ဆိုပါတယ်။

"စူပါတယောက်ကလာတော့ပြောတယ်သူတို့ကြားတယ်ပေါ့ ဒီလိုပြောင်းမယ်ဆိုတာဒါပေမယ့်စက်ရုံဖက်ကအတိအလင်းကြေငြာထားတာမျိုးတော့မရှိသေးဘူး ဖေ့ဘုတ်ဂရုတွေထဲမှာတော့ဒီကိစ္စကပြန့်နေပြီဘယ်လိုလာမယ်မသိသေးဘူးတကယ်ဆိုရင်တော့အတော်ဒုက္ခရောက်ပြီ"လို့ လှည်းကူးစက်မှု့ဇုန်ထဲကလုပ်သားတဦးကပြောပါတယ်။

၂၀၂၁ ခုနှစ်အစောပိုင်းကာလ အာဏာသိမ်းပြီးနောက်ပိုင်းမှာ စက်ရုံ၊ အလုပ်ရုံတွေမှာ လခစားတွေကနေ နေ့စားတွေအဖြစ် ပြောင်းလဲ ခိုင်းစေနေတာကိုလဲ အလုပ်သမားတွေရင်ဆိုင်နေရတယ်လို့ ဆိုပါတယ်။လက်ရှိလုပ်ခလစာမှာ အိုတီကြေးအပါအဝင် တစ်လကို တစ်သိန်းခြောက်သောင်းဝန်းကျင်လောက်နဲ့ရပ်တည်နေရတဲ့ စက်ရုံအလုပ်သမားတွေဟာဒီသတင်းအပေါ်စိုးရိမ်တကြီးရှိနေပါတယ်။

"နဂိုကတည်းကမှအိုတီကြေးတောင်မှန်မှန်မပေးတာ ဒီလိုသာပြောင်းလိုက်လို့ကတော့ဘာမှတောင်စားရမှာမဟုတ်ဖူး"လို့အထည်ချုပ်စက်ရုံလုပ်သားတဦးက ပြောဆိုပါတယ်၊

အလုပ်သမားရေးလေ့လာသူတချို့ကတော့ဒီကိစ္စဟာသွေးရိုးသားရိုးမဟုတ်ဘဲ စစ်ကောင်စီနဲ့အလုပ်ရှင်တွေဖက်ကနှပ်ကြောင်းပေးသတင်းလွှင့်လာတာမျိုးဖြစ်နိုင်တယ်လို့သုံးသပ်နေကြပါတယ်။

"ဒါကစစ်ကောင်စီဖက်ကနှပ်ကြောင်းပေးလာလို့သာအလုပ်ရှင်တွေဖက်ကဒီအသံတွေထွက်လာတာ သွေးတိုးစမ်းတဲ့သဘောစလာတာ အလုပ်သမားဖက်ကဘယ်လိုတုန့်ပြန်မလဲဆိုတဲ့သဘော ဒီဖက်ကငြိမ်နေရင်ဖြစ်ကိုဖြစ်သွားမှာလို့ပြောလို့ရတယ်"လို့သွေးစည်းညီညွတ်သောအလုပ်သမားသမဂ္ဂများအဖွဲ့ချုပ်( မြန်မာ )မှဒေါ်မျိုးအေးက MLN ကိုပြောပါတယ်။

ယခုရက်ပိုင်းအတွင်းစစ်ကောင်စီဖက်ကလုပ်တဲ့အစည်းအဝေးကိုအလုပ်ရှင်တွေတက်ရောက်ပြီးမှဒီသတင်းတွေထွက်ပေါ်လာတာလို့အလုပ်သမားတွေဖက်ကရော အလုပ်သမားရေးတက်ကြွလှုပ်ရှားသူတွေဖက်ကရော MLN ကိုပြောပါတယ်။

"အလုပ်သမားတွေအနေနဲ့ အဖွဲ့ချုပ်တွေကတိုက်ပွဲခေါ်ရင်ပါဝင်ကြဖို့တိုက်တွန်းတယ် ဒီကိစ္စကိုလုံးဝလက်မခံဖို့မှိန်းမယူကြဖို့ပြောချင်တယ်"လို့ဒေါ်မျိုးအေးကဆက်ပြောပါတယ်။

ပြီးခဲ့တဲ့ ဦးသိန်းစိန်အစိုးရလက်ထက်မှာပဲ လုပ်သားတစ်ဦးရဲ့ တစ်နေ့တာ အလုပ်ချိန် ၈နာရီအတွက် အခြေခံလုပ်ခလစာ ၃၆၀၀ မှ ၄၈၀၀ အထိရရှိဖို့လုပ်သားတွေနဲ့အလုပ်သမားသမဂ္ဂတွေတိုက်ပွဲဝင်ခဲ့တာပါ။

အနည်းဆုံးအခကြေးငွေဥပဒေကို ၂၀၁၃ ခုနှစ် မှာ ပြဌာန်းခဲ့ပြီး အခကြေးငွေနှုန်းထားကို  ၂ နှစ်တစ်ကြိမ်ပြင်ဆင်သတ်မှတ်ရမယ်လို့ ဥပဒေမှာ ပြဌာန်းထားပါတယ်။ ပထမအကြိမ် အဖြစ် တစ်နေ့အလုပ်ချိန် ၈ နာရီအတွက် ကျပ် ၃၆၀၀ နဲ့ ဒုတိယအကြိမ်ကို ၂၀၁၈ ခုနှစ် မေလမှာ ၄၈၀၀ ကျပ်ထိ တိုးမြင့်ခဲ့တာပါ။တတိယအကြိမ်မြောက်ထပ်မံပြဌာန်းရမယ့်  ၂၀၂၀ ပြည့်နှစ်မှာ ပြင်ဆင်သတ်မှတ်မှုလုပ်ဆောင်ရန် ပျက်ကွက်ခဲ့ပြီး  လက်ရှိအချိန်ထိ ကျပ် ၄၈၀၀ နှုန်းနဲ့သာ တွက်ချက်ပေးချေနေတာဖြစ်ပါတယ်။

ယခုလို ပြည်တွင်းက အခြေခံလုပ်သားတွေဟာ အာဏာသိမ်းကာလမှာ ကုန်ဈေးနှုန်းကြီးမြင့်လာတာနဲ့ စားဝတ်နေရေး စရိတ်တွေ မြင့်တက်လာတာကြောင့် ရသင့် ရထိုက်တဲ့လုပ်ခလစာအခွင့်အရေးရရှိရေးအတွက်ရုန်းကန်နေရတဲ့အပြင် အာဏာသိမ်းစစ်အုပ်စုလက်အောက်မှာတနေ့တခြားအလုပ်သမားအခွင့်အရေးချိုးဖောက်ခံရတာတွေလည်း ကြုံတွေ့နေ့ရတာ ဖြစ်ပါတယ်။


 

4.1K Views

Related News

cover
တနင်္ဂနွေနားရက်မရတာ၊ လူမှုဖူလုံရေး အကျိုးခံစားခွင့်တွေမရရှိတာအပါအဝင် လုပ်ငန်းခွင်အတွင်း ဖိနှိပ်ခိုင်းစေခံနေရတယ်လို့ NEX STAR GARMENT အထည်ချုပ်စက်ရုံလုပ်သားတွေပြော
May 24, 2022
cover
နွေဦးတော်လှန်ရေးမှာ ထိုင်းရောက်မြန်မာလုပ်သားတွေအင်တိုက်အားတိုက်ပါဝင်
May 24, 2022
cover
လုပ်ငန်းခွင်ဆိုင်ရာ ချိုးဖောက်ခံရမှုနဲ့ အခက်အခဲတွေရှိနေတယ်လို့ Honor Apparel garment Factory အလုပ်သမားတွေပြော
May 21, 2022
cover
အလုပ်သမားအခွင့်အရေးချိုးဖောက်မှု့များကိုတိုင်ကြားပါက ရဲနှင့်စစ်တပ်ခေါ်ပြီးဖမ်းခိုင်းမည်ဟု Full Way garment Factory အထည်ချုပ်စက်ရုံမှအလုပ်သမားများခြိမ်းခြောက်ခံထားရ
May 20, 2022
cover
ည ၁၀ နာရီအထိ အချိန်ပိုဆင်းနေရတာတွေအပါအဝင် အလုပ် ၁ရက်ပျက်လျှင် ၃၀၀၀၀ ကျပ် ထိဖြတ်တောက်နေပြီး အလုပ်သမား ဥပဒေပါအခွင့်အရေးများပါချိုးဖောက်ခံနေရတယ်လို့ Dishang Kenny garment စက်ရုံကအထည်ချုပ်အလုပ်သမားတွေပြော
May 19, 2022
cover
လူမှု့ဖူလုံရေးအကျိုးခံစားခွင့်၊ ဥပဒေပါအလုပ်သမားရပိုင်ခွင့် တွေတခုမှမရတဲ့အပြင် အထည်စံချိန်တိုး တောင်းနေလို့ အထည်ချုပ်စက်ရုံလုပ်သားများအခက်တွေ့နေရဟုဆို
May 15, 2022
cover
ဥပဒေကို ကျော်လွန်ပြီး စာချုပ် ချုပ်ဆိုခိုင်းစေ နေတဲ့ အစားအသောက်သယ်ယူပို့ဆောင်ရေး ကုမ္ပဏီကြီးများအောက်မှာ riders များရဲ့ အလုပ်သမားအခွင့်အရေး ကြီးမားစွာ ချိုးဖောက်ခံနေရ
May 15, 2022
cover
ချေးငွေနောက်ကျမှု့ ကုမ္ပဏီကိုယ်စားသွားရောက်ညှိနှိုင်းပေးတဲ့ ဝန်ထမ်းအသတ်ခံရ
May 14, 2022
cover
စက်ရုံတွင်းကိုယ်ထိလက်ရောက်ကျူးလွန်ခံနေရတဲ့အပြင် ကာအိ‌န္ဒြေ ပျက်ပြားသည် အထိရိုင်းပြစွာဆဲဆိုခိုင်းစေနေတာတွေရပ်တန့်ပေးဖို့ Nadia Pacific Apparel စက်ရုံမှအလုပ်သမားများလိုလားနေ
May 13, 2022
cover
အလုပ်သမားတွေ နှစ်ချီ အလုပ်လုပ်ပေးဖို့ စာချုပ်ချုပ်ဆိုခိုင်းပြီး အလုပ်ထွက်ပါက လုပ်အားနှစ်ဆ ပေးလျော်ခိုင်းနေသဖြင့် အလုပ်သမားများအခက်အခဲ ဖြစ်နေတယ်လို့ ဆို
May 13, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle