Myanmar Labour News အနေနဲ့ မြန်မာနိုင်ငံက အလုပ်သမားထုရင်ဆိုင်ကြုံတွေ့နေရသည့် အခြေအနေနှင့် အခက်အခဲများ၊ အလုပ်သမားတို့၏အသံများ၊ ဥပဒေရေးရာ သိမှတ်ဖွယ်ရာများကို အချိန်နှင့်တစ်ပြေးညီ တင်ဆက်ပေးနေပါတယ်။
အလုပ်သမားအခွင့်အရေးချိုးဖောက်မှု့ဆိုင်ရာကဏ္ဍ၊ အလုပ်ရှင် အလုပ်သမားရေးရာကဏ္ဍ၊ အလုပ်သမားများဥပဒေပါအချက်အလက်များအတိုင်းရပိုင်ခွင့်၊ လုပ်သားသမဂ္ဂများရဲ့ကဏ္ဍများ၊ လုပ်သားထုများရဲ့အသံများကို အစဉ်တစိုက်ထုတ်ဖော်တင်ပေးနေတာလည်း ဖြစ်ပါတယ်။
စစ်အာဏာသိမ်းပြီး ကြားကာလမှာ အလုပ်သမားအစုအဖွဲ့တွေ ဖြစ်တဲ့ လုပ်သားသမဂ္ဂများ၊ သမဂ္ဂခေါင်းဆောင်များကိုစစ်အုပ်စုကဖမ်းဆီးခြင်း အလုပ်သမားအခွင့်အရေး မပေးလိုတဲ့ လုပ်ငန်းရှင်တွေက သမဂ္ဂများကိုဖြိုခွဲခြင်း တို့ကိုအစဥ်တစိုက်လုပ်ဆောင်လာခဲ့ကြပါတယ်။
အဲ့ဒီ့လိုလုပ်ဆောင်လာတဲ့အတွက် အလုပ်သမားများနစ်နာမှု့များစွာကြုံတွေ့ခဲ့ရပြီး၊ နစ်နာမှု့များအတွက် မှစဥ်ဆက်မပြတ်လေ့လာစောင့်ကြည့်သတင်းထုတ်ပြန်ခြင်းများကို ပြုလုပ်ပေး နေသလို ဆက်လက် ဖော်ထုတ်တင်ပြပေးသွားမှလည်းဖြစ်ပါတယ်။
လက်ရှိအချိန်မှာတေ့ စက်ရုံ၊ အလုပ်ရုံတွေ၊ ကုမ္ပဏီတွေ စတဲ့ လုပ်ငန်း ကဏ္ဍအသီးသီးမှာ တည်ဆဲ အလုပ်သမားဥပဒေပါလုပ်သားအခွင့်အရေးချိုးဖောက်မှု့တွေကိုပြောင်ပြောင်တင်းတင်းကျူးလွန်လာကြသလိုစစ်အုပ်စုနဲ့အလုပ်ရှင်အချို့ပေါင်းပြီး လုပ်သားများအပေါ်ဖိနှိပ်မှု့တွေလဲစဥ်ဆက်မပြတ်ကျူးလွန်လာနေတာကိုတွေ့နေရပါတယ်။
ဒါကြောင့်မို့လို့လုပ်သားထုကြီးအနေနဲ့စစ်အုပ်စုနဲ့လက်ပါးစေလုပ်ငန်းရှင်တွေရဲ့ဥပဒေမဲ့လုပ်သားအခွင့်အရေးချိုးဖောက်တာတွေ၊ လုပ်ငန်းခွင်ဖိနှိပ်တာတွေကိုရဲရဲဝံ့ဝံ့ထုတ်ဖော်ပြောကြားဖို့လိုအပ်ပါတယ်။
အဲ့ဒီ့လိုရဲရဲဝံ့ဝံ့ထုတ်ဖော်ပြောကြားမှသာ လုပ်သားထုကြီးခံစားနေရတဲ့နစ်နာမှု့တွေ၊ ဖိနှိပ်ခံရမှု့တွေကိုအမျိုးသားညီညွတ်ရေးအစိုးရအပါအဝင်ပြည်သူလူထုက သိရှိပြီးကျူးလွန်သူတွေကို ဉပဒေကြောင်းအရ အပြစ်ပေးအရေးယူနိုင်မှာပါ။
ဒါကြောင့် ယခုလို လုပ်သားပြည်သူများအတွက် အလုပ်သမားအခွင့်အရေးချိုးဖောက်မှု့ဆိုင်ရာတိုင်ကြားစာကဏ္ဍဖွင့်လှစ်လိုက်ရခြင်းဖြစ်ပါတယ်။
လာရောက်တိုင်ကြားတဲ့ လုပ်သားပြည်တွေရဲ့ပုဂ္ဂလိကလုံခြုံရေးအချက်အလက်များကို Myanmar Labour News မှကာကွယ်ထိန်းသိမ်းသွားမယ့်အပြင်
တိုင်ကြာလိုသူလုပ်သားများဖက်မှ-
-စက်ရုံအမည်
-စက်ရုံလိပ်စာ
-ကုန်အမှတ်တံဆိပ်
-ပိုင်ရှင်
-ချိုးဖောက်မှုများ
-သမဂ္ဂ ရှိ/မရှိ
-ဝန်ထမ်းဦးရေ
-ကျား မ
-လက်ရှိလုပ်ခလစာ
-ခွင့် ခံစားခွင့်
-OT
-ဖူလုံရေး
-အလုပ်ထုတ်ခံရမှု အကြောင်းအရာတို့ကိုတိကျခိုင်မာစွာရေးသားပေးပို့နိုင်ပါတယ်။
ပေးစာကဏ္ဍမှပေးပို့လာတဲ့အလုပ်သမားများရဲ့နစ်နာမှု့များကို Myanmar Labour News မှစီစစ်ပြီး ပေးစာကဏ္ဍမှာဖော်ပြပေးသွားခြင်း၊ သတင်းထုတ်ပြန်ဖော်ပြပေးခြင်းများကိုပြုလုပ်ပေးသွားမှာပဲဖြစ်ပါတယ်။
