ရွှေ့ပြောင်းအလုပ်သမားဌာနအနေနဲ့ အပြည်ပြည်ဆိုင်ရာမှာ ဒုက္ခရောက်နေတဲ့ရွှေ့ပြောင်းအလုပ်သမားတွေကို ကူညီပေးနေတာရှိသလို မြန်မာနိုင်ငံတွင်းမှာ လိမ်လည်ခံရတဲ့အမှုတွေ တရားစွဲဆိုမှုတွေ အိုမန်နိုင်ငံမှာ ဒုက္ခရောက်နေတဲ့ မြန်မာအမျိုးသမီးတွေကို နေရပ်ပြန်ဖို့အကူအညီပေးတာ ထိုင်း မလေးရှား အိုမန် ဒူဘိုင်း ဂျပန် အစရှိတဲ့ နိုင်ငံတွေမှာ အခက်အခဲကြုံနေရတဲ့ ရွှေ့ပြောင်းမြန်မာလုပ်သားတွေကို ကူညီဆောင်ရွက်ပေးတာတွေ နဲ့ အသိပညာပေးသင်တန်းတွေလည်း ပြုလုပ်နေတာလို့ မြန်မာနိုင်ငံလုံးဆိုင်ရာအလုပ်သမားသမဂ္ဂအဖွဲ့ချုပ် ရွှေ့ပြောင်းအလုပ်သမားဌာန လက်ထောက်ဌာနမှူး ကိုဟိန်းလတ် ကပြောဆိုပါတယ်။ မြန်မာနိုင်ငံနဲ့ ပြည်ပက ‌ရွှေ့ပြောင်းအလုပ်သမားတွေကို အကူအညီပေးဖို့အတွက် အာဆီယံနိုင်ငံက အလုပ်သမားမဂ္ဂတွေ နဲ့ ချိတ်ဆက်ပြီးတော့ အာရှအလုပ်သမားသမဂ္ဂအဖွဲ့ချုပ် မှာလည်း ဒုက္ကဌ အနေနဲ့တာဝန်ယူဆောင်ရွက်နေတာဖြစ်ပြီး အခုလို အကူအညီတွေလုပ်ဆောင်ပေးရာမှာ ထိုင်းနိုင်ငံအလုပ်သမားတွေက အကူအညီအများဆုံးတောင်းခံလာတာဖြစ်ပြီး အထောက်အထားမဲ့သွားရောက်တဲ့အလုပ်သမားတွေထဲက နယ်စပ်ဒေသမှာ အခက်အခဲကြုံနေရတဲ့အလုပ်သမားတွေ အတွက် သက်ဆိုင်ရာ တိုင်းရင်းသားလက်နက်ကိုင်အဖွဲ့အစည်းတွေနဲ့ ပူးပေါင်းဆောင်ရွက်ပြီး အကူအညီပေးလျက်ရှိတယ်လို့ သိရပါတယ်။ #MyanmarLabourNews #MigrantWorker