လွန်ခဲ့တဲ့မတ်လ ၃၁ ရက်နေ့ ထိုင်းတောင်ပိုင်း ပါတနီမြို့ အနီး ငါးဖမ်းသဘော်ပေါ်မှာလိုက်ပါလာတဲ့မြန်မာလူမျိုးရေလုပ်သားသုံးဦးအောက်ဆီဂျင်ပြတ်လပ်သေဆုံးမှု့ဖြစ်ပွားခဲ့တယ်လို့ထိုင်းသတင်းအရင်းအမြစ်တွေရဲ့ထုတ်ဖော်ပြောဆိုချက်တွေအရသိရပါတယ်။
ဖြစ်စဥ်မှာ ပါတနီမြို့အနီး ငါးမဲလုံး ဝိုင်းလှေ
ပင်လယ်ထဲတွင် ၁၀ ရက်ကျော်ခန့် ငါးဖမ်းခဲ့ပြီး မတ်လ ၃၁ရက်နေ့ ညဖက် အချိန်ကိုးနာရီခန့်မှာဆိပ်ကမ်းကိုပြန်လာတဲ့ငါးဖမ်းသဘော်ဟာ လမ်းခရီးမှာပဲလုပ်သားတွေနဲ့လှေဝမ်းထဲမှာ ငါးပါကင်တူးရာကမှတဆင့် ငါးများမှဂတ်(စ်)ထွက်ကာ ပါကင်တူးနေတဲ့မြန်မာလုပ်သားသုံးဦးအောက်ဆီဂျက်ပြတ်လတ်သေဆုံးခဲ့တာဖြစ်တယ်လို့သိရပါတယ်။
သေဆုံးရတဲ့အကြောင်းမှာငါးများထည့်တဲ့အထဲမှာ ရေခဲထည့်နည်းပါးခြင်း ဆားကြမ်းထည့် နည်းပါးခြင်းနှင့် လှေထဲတွင် စက်ဆရာဖြစ်သူမှ ငါးပုတ်ရေတို့ မစုတ်ထုတ်ခြင်း မဆေးကြောခြင်းတို့ကြောင့်ရေပုတ်ပြီးဂတ်(စ်)များထွက်ရာမှအခုလိုသေဆုံးရတာ ဖြစ်ကြောင်းသိရပါတယ်။
သေဆုံးသူတို့မှာ ရခိုင်ပြည်နယ် မြောက်ဦးမြို့နယ် လေညှင်းတောင်ရွာက တစ်ယောက် ဗူးရွက်မညှိုးရွာက တစ်ယောက် တောဗွေ ရွာကတစ်ယောက် ဖြစ်ပြီးတော့ သေဆုံးသူအမည်မှာ မောင်စံလှ(ခ)ငပြက်ချေ ၊ ညီညီ နှင့် ကျော်ဝင်းမောင် တို့ ဖြစ်ကြောင်းသိရပါတယ်။
လုပ်ငန်းခွင်အတွင်း သေဆုံးမှုဖြစ်တဲ့အတွက်အကျိုးခံစားခွင့်မှာ လူမှုဖုံလုံရေးဆိုင်ရာ (ပါကန်စမ်ခွမ်) ငွေစုရေးဌာနမှ အသက်အာမခံကြေးငွေ တစ်ဦးလျင်ထိုင်းဘတ်ငွေ တစ်သန်းရှစ်သောင်း ခန့် ကျန်ရစ်သူမိသားစုမှ လာရောက်ထုတ်ယူခွင့်ရှိတဲ့အတွက် ကျန်ရစ်သူမိသားစုများကိုအသိပေးဆက်သွယ်ဖို့ကြိုးစားနေတယ်လို့ထိုင်းရောက်မြန်မာလုပ်သားအရေးဆောက်ရွက်သူတွေကပြောပါတယ်။
ဒါ့အပြင် ထိုင်းရောက်မြန်မာလှေလုပ်သားများအား လုပ်ငန်းခွင်အတွင်း ထူးသတိထားပြီးလုပ်ကိုင်ကြဖို့အတွက်လဲထိုင်းရောက်မြန်မာလုပ်သားအရေးဆောင်ရွက်နေသူတွေကတိုက်တွန်းထားပါတယ်။
