လှိုင်သာယာမြို့နယ် မြစိမ်းရောင်စက်မှုဇုန် မြရတနာလမ်းမှာဖွင့်လှစ်ထားတဲ့ Yangon Art Materials Incorporation Limited ပန်းချီဘောင်ထုတ်စက်ရုံမှာ လုပ်ငန်းခွင်အတွင်း အလုပ်သမားတိုင်း ခွင့်ခံစားခွင့်မရဘဲ ခွဲခြားပြီးပေးတာ စံချိန်ထက်ကျော်လွန်အောင် လုပ်ဆောင်ပေးခြင်းမရှိတဲ့အလုပ်သမားကို အငြိုးအတေးထားတာ ဝမ်တိမ်လက်မှတ်ထိုးခိုင်းတာတွေ နဲ့ အခြားသော အလုပ်သမားအခွင့်အရေးချိုးဖောက်မှုတွေ ပြုလုပ်နေတာလို့ အလုပ်သမားတွေကပြောဆိုပါတယ်။
စက်ရုံမှာ တရုတ်နိုင်ငံသားပိုင်ဖြစ်ပြီး အလုပ်သမား ၂၀၀ ကျော်နဲ့ လည်ပတ်လုပ်ကိုင်နေတာဖြစ်ပြီး ဘေးနားမှာ အလုပ်သမား ၃၀ ဝန်းကျင်နဲ့ ပိတ်စက်ရုံဖွင့်လှစ်ထားပြီး အလုပ်သမားတွေကို တစ်လလျှင် အိုတီ နာရီပေါင်း ၁၀၀ ကျော်ခိုင်းစေနေတာလို့ အမည်မဖော်လိုတဲ့အလုပ်သမားကပြောပါတယ်။
ဒါ့အပြင် MG ဌာနရှိအလုပ်သမားများမှာ သတ်မှတ်ဌာနမဟုတ်ဘဲ အခြားဌာနများသို့သွားရောက်လုပ်ကိုင်ရပြီး သတ်မှတ်ထုတ်ကုန် စံချိန်ကျော်လွန်သော်လည်း ဆုကြေးမပေးတာ ခွဲခြားဆက်ဆံမှုတွေပြုလုပ်တာရှိတယ်လို့ လည်းအလုပ်သမားကပြောပါတယ်။
လုပ်ငန်းခွင်ထဲမှာ အလုပ်သမားတွေရဲ့ အငြင်းပွားမှုဆိုင်ရာကိစ္စရပ်တွေကိုဖြေရှင်းဖို့ ညှိနှိုင်းရေးကော်မတီ wcc ရှိပေမယ့် အလုပ်ရှင်ဘက်မှလည်း wcc ကိုအသိမှတ်မပြုခြင်းကြောင့် ၎င်းကိုယ်စားလှယ်များသည် လုပ်ငန်းခွင်ထဲရှိအခက်ခဲမျိုးစုံကို အလုပ်ရှင်နှင့် ဆွေးနွေးညှိနှိုင်းမှုမပြုလုပ်နိုင်းခြင်းကြောင့် အလုပ်သမားများအတွက် အလုပ်သမားများရရှိမည့်အခွင့်အရေးများ ဆုံးရှုံးနစ်နာမှုများရှိနေတယ်လို့ အလုပ်သမားကပြောပါတယ်။
"TC ဌာနမှာဆိုရင်လည်း ပိတ်ရက်မရှိ ခိုင်းနေတာရှိတယ် စက်ကြီးပေါ်ကအလုပ်သမားတွေဆိုရင် နားချိန်မရှိဘဲ တစ်နေ့ ၁၀ နာရီအပြည့်လုပ်ရတာ ပြီးတော့ စက်ကို ဆက်တိုက်မောင်းထားတာဆိုတော့ အလုပ်သမားက ထမင်းစားချိန်တောင်မရဘူး အလုပ်လုပ်နေရင်းနဲ့ပဲစား အဲ့လိုမျိုးဖြစ်နေတယ် မုန့်စားနားချိန်လည်းမရှိ ထမင်းတောင်ကောင်းကောင်း မစားရဘူး အချိန်ပိုဆိုရင်လည်း TC ဌာနကလူတွေကိုပဲ အချိန်ပိုခေါ်ပြီး တခြားဌာနကအလုပ်သမားတွေက ပိတ်ရက်တွေရတယ်"လို့ အလုပ်သမားကပြောဆိုပါတယ်။
စစ်ကောင်စီလက်အောက်ခံအလုပ်သမားဝန်ကြီးဌာနက အလုပ်သမား ၁၀ ယောက်အထက်ရှိတဲ့ လုပ်ငန်းဌာနအမျိုးမျိုးက အလုပ်သမားတွေကို လစဉ် အပိုထောက်ပံ့ကြေး ၃၀၀၀၀ ကျပ်ပေးဖို့ ထုတ်ပြန်ခဲ့ပေမယ့် အမှန်တကယ်ပေးချေဖို့ တောင်းဆိုတဲ့အလုပ်သမားတွေကို ဝမ်တိန်( သတိပေးလက်မှတ်) ထိုးခိုင်းတာတွေဖြစ်ပေါ်နေတယ်လို့ အလုပ်သမားတွေထံကသိရပါတယ်။
အလုပ်သမားတွေအနေနဲ့ ခံစားခွင့်ရှိသော ခွင့်ရက်များကို အလုပ်သမားတိုင်းခံစားခွင့်ပေးရန် အလုပ်သမားများကို သတ်မှတ်ထားဌာနများတွင်သာ ခိုင်းစေရန် TC ဌာနရှိအလုပ်သမားများကို ထမင်းစားချိန်သီသန့်ပေးရန်
၊ အလုပ်သမားများအပေါ် အငြိုးအတေးထားကာ ဝမ်တိန်လက်မှတ်များထိုးခိုင်းခြင်း မပြုလုပ်ရန် သတ်မှတ်စံချိန်ပြည့်မီတဲ့ အလုပ်သမားများကို သတ်မှတ်စံချိန်ပြည့်မှီသည့်အတွက် ဆုကြေးပေးရန်စတဲ့အချက်တွေ ဖြေရှင်းပေးစေလိုတယ်လို့ ပြောဆိုပါတယ်။
