NEWS

Xin Rui အထည်ချုပ်စက်ရုံမှာ အလုပ်သမား ဥပဒေပါ ရပိုင်ခွင့်တွေ တောင်းဆိုပါက ခွဲခြားဆက်ဆံခံနေရ

CoverLogo
365 Views
Xin Rui အထည်ချုပ်စက်ရုံမှာ ကျွန်တော်က အလုပ်လုပ်တာပါ။
အဓိက ပြောချင်တာကတော့ စက်ရုံတွင်းမှာ ဥပဒေပါ ရပိုင်ခွင့်တွေ မရတာကော၊ လုပ်ငန်းခွင် အခြေအနေတွေ ဆိုးရွားနေတာကော ပြောချင်တာပါ။
ကျွန်တော်တို့ စက်ရုံက လှိုင်သာယာမြို့နယ်၊ ရွှေလင်ဗန်း စက်မှုဇုန်၊ ဆရာရှမ်းလမ်းမှာ ဖွင့်လှစ်ထားတာပါ။
စက်ရုံမှာက သတ်မှတ်ထားတဲ့ အလုပ်ချိန်မတိုင်ခင်ကို ကြိုပြီးအလုပ်လုပ်ခိုင်းပါတယ်။ နောက်ပြီး အစည်းအဝေး တွေကို အလုပ်ချိန်ပြင်ပ အနားယူတဲ့အချိန်တွေမှာ လုပ်ပါတယ်။ အချိန်ပိုအိုတီတွေကို နားချိန်မပေးဘဲ ဆက်တိုက် ခိုင်းပါတယ်။
အချိန်ပိုတွေကို အဆမတန်ခေါ်ပေမယ့် စက်ရုံဘက်က တာဝန်ယူမှု၊ တာဝန်ခံမှု မရှိပါဘူး။ အိုတီချိန်မှာ မုန့်ကျွေးရင် မကောင်းတဲ့မုန့်တွေ ကျွေးပါတယ်။
အရေးကြီးကိစ္စရှိလို့ ဂိတ်ပတ်တောင်းရင် ရဖို့ခက်ခဲပါ တယ်။ အဓိကကတော့ အလုပ်သမားတွေ ရပိုင်ခွင့်အတွက် တောင်းဆိုတဲ့သူတွေကို လုပ်ငန်းခွင်တွင်းမှာ ခွဲခြားဆက်ဆံတာတွေ လုပ်ပါတယ်။ ရပိုင်ခွင့်တွေ တောင်းဆိုတဲ့သူတွေကို အချိန်ပိုအိုတီတွေ မဆင်းခိုင်းပါဘူး။
နောက်လုပ်သက်ခွင့်တွေကြေးတွေ တောင်းဆိုရင်လည်း မပေးပါဘူး။
လုပ်ငန်းခွင်တွင်းက ဆေးပေးခန်းမှာလည်း ဆေးမရှိပါဘူး။ သောက်ရေတွေလည်း မသန့်ရှင်းတာတွေ သောက်ရပါတယ်။ နောက်ပြီး ဝန်ထမ်းတွေရဲ့ ဂုဏ် သိက္ခာ ကျဆင်းအောင် ရည်ရွယ်ပြောဆိုတာတွေ၊ ဆဲဆိုကြိမ်းမောင်းတောတွေလည်း လုပ်ပါတယ်။
အလုပ်သမား တွေကို တိုးပေးတဲ့ ထောက်ပံ့ကြေး (၂၀၀၀) ဆိုတာလည်း ကျွန်တော်တို့စက်ရုံမှာ အပြည့်မရပါဘူး။ (၁၀၀၀) ပဲ ပေးပါတယ်။
ဒီလို အခြေအနေတွေကို အလုပ်သမားရုံးကို တိုင်ပါတယ်။ ဒါပေမယ့် အခုထိ ဆက်သွယ်ဖြေရှင်းပေးတာ မရှိပါဘူး။ စက်ရုံဘက်က လာဘ်ထိုးပြီး မလာအောင်ကြန့်ကြာအောင် လုပ်ထားတယ်လို့လည်း သိရပါတယ်။
ဒီအခြေအနေတွေကို သက်ဆိုင်ရာတာဝန်ရှိသူတွေကို အမြန်ဆုံး လာရောက်ဖြေရှင်းပေးစေချင်ပါတယ်။

Related posts

Cover
ဂျပန်မှ မြန်မာလုပ်သား ၁၃၀၀ ကျော် ခေါ်ယူဖို့ ကမ်းလှမ်း၊ အမျိုးသမီး လုပ်သား အများဆုံးပါဝင်
Aug 04, 2025
Cover
လစာတိုးပေးရေးတောင်းဆိုတဲ့အပေါ် စက်ရုံစစ်ဆေးရေးအဖွဲ့က အလုပ်ရှင်ဘက်ကရပ်တည်ဖြေရှင်းလို့ အလုပ်သမားတွေနစ်နာ
Aug 04, 2025
Cover
ဖမ်းဆီးခံထားရတဲ့အလုပ်သမားအရေးလုပ်ဆောင်သူတွေကို အမြန်ဆုံးပြန်လွှတ်ပေးစေလိုဟုဆို
Aug 04, 2025
Cover
အာဏာသိမ်းပြီးနောက် အလုပ်သမားရေးရာဝန်ကြီး ၅ ဦးအထိအပြောင်းအလဲဖြစ်၊ ဘာမှမမျှော်လင့်ကြောင်း ပြည်သူတွေတုန့်ပြန်
Aug 04, 2025
Cover
ပဲခူး Sudey စက်ရုံ လုပ်ငန်းခွင် ထိခိုက်မှုများအား တာဝန်ယူမှုမရှိဘဲ လုပ်ခ ဖြတ်ယူ
Aug 04, 2025
Cover
လုပ်ငန်းခွင်ဘေးအန္တရာယ်ရှိနေတာနဲ့ အလုပ်သမားအခွင့်ရေးဆုံးရှုံးနေတဲ့အပေါ် ဖြေရှင်းပေးဖို့တောင်းဆို
Aug 04, 2025
Cover
ရွှေဈေး၂ရက်အတွင်းပြန်ကျ စက်သုံးဆီနဲ့ဒေါ်လာဈေးများအနည်းငယ်အပြောင်းအလဲဖြစ် (ရက်သတ္တပတ်အတွင်း ကုန်ဈေးနှုန်း)
Aug 04, 2025