သက်ဆိုင်ရာ တာဝန်ရှိသူများရှင့်
ညီမတို့က ရန်ကုန်မြို့၊ လှိုင်သာယာမြို့နယ်၊ ရွှေလင်ဗန်းစက်မှုဇုံ၊ ဆိပ်ကမ်းသာလမ်းက Tianjin Fashion Mile Stone စက်ရုံ အလုပ်သမားတွေပါ။
လုပ်ငန်းခွင်ထဲမှာခြိမ်းခြောက်မှုတွေ ဆိုးဆိုးရွားရွားခံစားနေရလို့ပါ။
စက်ရုံရှိ B1 စက်လိုင်းမှ စူပါဗိုက်ဆာ (Supervisor) နဲ့ လီတာ (Leader) တို့က သူတို့ရဲ့ ဆွေမျိုးသားချင်းတွေကိုပဲ မတရားသဖြင့် အခွင့်အရေးပေးပါတယ်။ ဆွေမျိုးသားချင်းများကို Grade အမြင့်များပေးပြီး ချုပ်ရမဲ့ ပွိုင့်အရေအတွက်ကို လျှော့ပေးပါတယ်။ စူပါနဲ့ အဆင်မပြေတဲ့ အလုပ်သမားတွေကိုတော့ Grade အနိမ့်ဆုံး ပေးထားပြီး လူနှစ်ယောက်ချုပ်ရမဲ့ အထည်တွေကိုင် တစ်ယောက်တည်း အတင်းအကျပ် ချုပ်ခိုင်းပါတယ်။
B1 စူပါနဲ့ သူညီ လီတာ၊ သူ့သမီးရယ်က "လူမိုက်ငှားပြီး သတ်ပစ်မယ်" ဆိုပြီး အသက်အန္တရာယ် ခြိမ်းခြောက် တာတွေ မကြာခဏ ပြုလုပ်နေပါတယ်။ ၇ လပိုင်း ၂၀ ရက်နေ့လောက် စူပါဗိုက်ဆာက အထည်အရေအတွက် မပြည့်လို့ဆိုပြီး အလုပ်သမားတစ်ဦးကို ဆဲဆိုကြိမ်းမောင်းပါတယ်။ အဆဲခံရတဲ့ အလုပ်သမားက ပြန်လည်ပြောလို့ ဆိုပြီး စူပါက အဲ့အလုပ်သမားရဲ့ ကျောကို လက်ဖြင့် ရိုက်တဲ့ ရုပ်ပိုင်းဆိုင်ရာ အကြမ်းဖက်မှုါ ပြုလုပ်ခဲ့ပါတယ်။
ညီမတို့ အလုပ်သမားတွေက ဒီ မတရားမှုတွေ ခြိမ်းခြောက်မှုတွေနဲ့ ရုပ်ပိုင်းဆိုင်ရာ အကြမ်းဖက်မှုတွေကို စက်ရုံ WCC (Worker’s Committee Council) နှင့် HR Manager ဆီသို့ အကြိမ်ကြိမ် တိုင်ကြားခဲ့ပါတယ်။ လက်ရှိ အချိန်အထိ ထိရောက်တဲ့ အရေးယူဆောင်ရွက်မှုတွေ မလုပ်သေးပါဘူး။
လက်ရှိလည်း စုံစမ်စစ်ဆေးနေတယ်လို့တော့ ကြားပါတယ်။ ညီမတို့မှာ အချိန်ကြာလာတဲ့အမျှ စိုးရိမ်မှုက ပိုများလာပါတယ်။
တာဝန်ရှိသူတွေရဲ့ ပေါ့ဆမှုကြောင့် အားလုံး အသက်အန္တရာယ်အတွက်ပါ စိုးရိမ်ပူပန်နေရပြီး လုပ်ငန်းခွင်က ကြောက်ရွံမှု တွေ ဖြစ်နေတာပါ။
ဒါကြောင့် အလုပ်သမားဥပဒေတွေနဲ့အညီ အသက်အန္တရာယ်ခြိမ်းခြောက်မှု၊ ရုပ်ပိုင်းဆိုင်ရာ အကြမ်းဖက်မှုနဲ့ လုပ်ငန်းခွင်ခွဲခြားဆက်ဆံမှုတွေကို ကျူးလွန်ခဲ့တဲ့ စူပါနဲ့ လီတာတွေကို အရေးယူပြီး ဘေးကင်းလုံခြုံမှုကို အာမခံပေးဖို့ တောင်းဆိုပါ
တယ်။
လေးစားစွာဖြင့်၊
B1 စက်လိုင်းမှ လုပ်သားများ
