#ပေးစာ
ညီမက ပဲခူးတိုင်းထဲက စက်ရုံကပါ ။ အကူအညီပေးလို့ရ မလား၊ တောင်းဆိုပါတယ်ရှင့် ။
တောင်သုံးလုံးက Smooth World (Smooth World International (Myanmar) Limited ) အထည်ချုပ် စက်ရုံမှာ ညီမတို့ အလုပ်လုပ်ပါတယ် ။ စက်ရုံက ပဲခူးတိုင်း၊ အင်းတကော်မြို့နယ် ၊ သာယာကုန်း၊ တောင်သုံးလုံးလမ်းမှာပါ ။ တရုတ်နိုင်ငံသား ပိုင်ပါတယ်။ လုပ်သားက ၃၀၀ ဝန်းကျင် ရှိတယ်။ ချုပ်နေတဲ့ အထည်တွေက အတွင်းခံတွေ၊ ရေကူးဘောင်းဘီတွေ ပါ။
ညီမတို့ စက်ရုံမှာ အချိန်ပိုတွေ လုပ်ခမပေးဘဲ အလကားခေါ်ခိုင်း လို့ပါ ။ ည ၈ ခွဲထိလုပ်တဲ့ အချိန်ပိုလုပ်ခပဲ ရတယ်။ ကျန်တဲ့ အချိန်ကို စက်ရုံက ပဲပြင်ဖို့ဆိုပြီး နေခဲ့ရပါတယ်။ အဲဒီလို ဆက်ဆင်းရလို့ လုပ်ခမပေးပါဘူး။ ပိတ်ရက်ဆို အထည်မနိုင်တဲ့ ဌာနတွေက အလုပ်ဆင်းပေးရပြီး အချိန်ပိုခမရဘဲ ချုပ်ပေးရတယ်။
ညီမတို့ စက်ရုံမှာ A ရုံ နဲ့ B ရုံ ဆိုပြီး နှစ်ရုံ ရှိတယ်။ Aရုံမှာ အောစူပါ တယောက် ၊ B ရုံမှာအောစူပါ တယောက်။
တလိုင်းကို လီတာ တယောက် ၊ လေးလိုင်းကို စူပါ တယောက် ခန့်ထားပါ။ A ရုံမှာ စက်တန်း ကိုးတန်း၊ B ရုံမှာ စက်တန်း ခုနှစ်တန်းပါ ။
စက်ရုံက ၂ထပ် အသေးလေးပါ။ အောက်ထပ်မှာတော့ ကပ်တင်းနဲ့ ဂိုဒေါင်ပါ။ အပေါ်ကမှ စက်တန်းတွေပါ ။
စက်ရုံက မန်နေဂျာနဲ့ အောစူပါတွေက အရမ်းဆဲပါတယ်။ စူပါလည်း ဆဲပါတယ်။
အမျိုးသမီး မန်နေဂျာကတော့ အဆိုးဆုံးပါ ။ ေ-တွေ ၊ -ာတွေ ၊ သူ့ ခန္ဓာကိုယ်နဲ့ နှိုင်းဆဲတာပါ။ ထပ်နေအောင် ပြော ဆဲတာပါ။
WCC လည်း ရှိပါတယ် ။ အလုပ်သမားကိုယ်စားလှယ်က စက်တန်း လီတာပါ ။ အလုပ်သမားတွေက သူကို့ ဘာမှာ ပြောပြလို့ မရပါဘူး။ သူကိုလည်း စက်ရုံဘက်က ပြန်ခန့်ထားတာပါ ။ သူလည်း အရမ်း ဆဲပါတယ် ။
အောစူပါတွေနဲ့ မန်နေဂျာက နေ့စားတွေရဲ့ လုပ်ခလစာကို ဖြတ်ယူပါတယ်။
စက်ရုံက ၆၈၀၀ ပေးထားလည်း သူတို့က ၅၈၀၀ နဲ့ပဲ ရှင်းပေးပါတယ်။
သူတို့ကိုပြောရင် အစည်းအဝေး လုပ်ပြီး ဆဲပါတယ်။ စံချိန်မရရင်လည်း ဆဲတယ် ။ပဲထည် ကျရင်လည်း ဆဲပါတယ်။
အလုပ်သမားတွေကို နေ့စားတွေပဲ ခေါ်ပါတယ်။ လူသစ်တွေဆိုတော့ မမြဲကြဘူး ။ ပဲထည်တွေ အကျ များ ပါတယ်။ နေ့စားတွေလည်း ဝင်လိုက်ထွက်လိုက်နဲ့ မမြဲပါဘူး ။
အောစူပါတွေနဲ့ မန်နေဂျာက လူစာရင်းတွေ ပိုတင်တယ်လို့ ပြောကြပါတယ်။ သူတို့ ပြောတဲ့အတိုင်း လူဦးရေအတိုင်းတရုတ်ပိုင်ရှင်တွေက စံချိန်တွေ တောင်းပါတယ်။ အလုပ်သမား ရှိတယ်ထင်ပြီး အထည်တွေ တောင်းတာပါ။
အော်ဒါတွေ အရေးကြီးတယ်ဆိုပြီး အထည်မပြီးမချင်း လုပ်ခိုင်းတော့တယ်။
ညီမတို့ကို ကောင်းကောင်းမွန်မွန် ပြောပြီး ခိုင်းရင်တောင် လုပ်ပေးပါတယ်။ အခုက မတရားဆဲနေတာက တရားလွန် လို့ပါ ။
ညီမတို့ နေ့တိုင်း ခံစားနေရလို့ အကူအညီပေးပါ နော်။
Photo - Google Map
#MyanmarLabourNews
