#ပေးစာ ကဏ္ဍ
(Myanmar Chaofa စက်ရုံက အလုပ်သမားတဦးရဲ့ ပေးစာ)
(Myanmar Labour News မှာ သတင်း) အဲ့စာတင်ပြီးမကြာဘူး ညနေကြတော့ ကျွန်မတို့ကို စက်ရုံဘက်က ပြောပါတယ် ။ နေ့စားတွေ ကို ၄ ရက်အလုပ်နားခိုင်းပါတယ် ။ နောက်ပြီး နေ့စားတွေနဲ့ နေ့စား လရှင်း (အလုပ်သမား) တွေထဲမှာ အသက် မပြည့်သေးတဲ့ သူတွေလည်း ပါပါတယ် ။
(ဇန်နဝါရီ) ၅ရက်နေ့ လူကြီးလာရင် အကုန် အသက်ပြည့်ပြီလို့ ပြောပါဆိုပြီး ပြောခိုင်းပါတယ် ။ နေ့စားတွေကို အလုပ်နားခိုင်းပြီး သူများတွေမေးရင် အော်ဒါမရှိလို့ နားရတယ်လို့ လည်း ပြောခိုင်းပါတယ် ။ နေ့စားတွေ အတွက် မခံမရပ်နိုင်လို့ အခုလိုပြော ပေးတာပါ ။
ကျွန်မတို့ကို ဒေးကြေး ၄၈၀၀ ကနေ ၅၈၀၀ ပြောင်း ပေးထားတာ ၃လလောက်ပဲ ရှိပါသေးတယ် ။ မနက်ဖြန် လူကြီးတွေလာမှမို့တဲ့ အသက်မပြည့်သေးတဲ့ သူတွေကို အကုန်အသက်ပြည့်ပြီလို့လဲပြောခိုင်းပါတယ် ။ ကျွန်မတို့စက်ရုံမှာ ခေါင်းဆောင် ကအစ HR အဆုံး ဆရာတွေ ဘက်က ပါပါတယ် ။ ကျွန်မတို့
ဝန်ထမ်းတွေဘက်ကြ ဘယ်သူမှမကြည့်ပါဘူး ။
အခု တိုင်တာက Myanmar Chaofa စက်ရုံ ကပါ ။
နောက်ဆုံး စက်ရုံ ပိတ်တာ ၈ လပိုင်း သြဂုတ်လထဲမှာ ၁၀ ရက် ပိတ်တယ် ။ အဲ့ရှေ့မှာလဲ ၁လ ၁လခွဲပိတ်ခဲ့ပါတယ်။ ပိတ်ရက်အတွင်း အလုပ်သမားတွေကို ၂၄၀၀ ပဲ ပေးပါတယ် ။ အလုပ်သမားရုံးကို ဘယ်လို တင်ပြရမလဲ မသိပါဘူး။ လူကြီးတွေလာမယ် ဆိုတာလည်း ဝန်ထမ်းတွေကို ကြိုပြောပြီး၊ ၁၈ နှစ် ပြည့်ပြီးလို့ ပြောခိုင်းထားပါတယ် ။
(Myanamr Labour News က ရရှိ့ထားတဲ့ အချက်အလက်တွေထဲမှာ Myanmar Chaofa စက်ရုံ က နေ့စား ကလေး အလုပ်သမား ၅၀ နီးပါးကို အလုပ် ၄ ရက်နားခိုင်းထားပြီး လာမဲ့ တနင်္လာနေ့မှာ စက်ရုံပြန်လာဖို့ ပြောဆိုထားတာ ပါဝင် ပါတယ်။ ဒါ့အပြင် ဇန်နဝါရီ ၅ ရက်မှာ အလုပ်သမားရုံးက တာဝန်ရှိသူ ၆ ဦး လာရောက်စစ်ဆေးဖို့ ရှိနေလို့ ဆိုပြီး စက်ရုံအတွင်း လုပ်ကိုင်နေတဲ့ အလုပ်သမား ၁၅၀ ဝန်းကျင်ထဲက အသက်မပြည့်သေးတဲ့ အလုပ်သမား တချို့ကိုလည်း လိမ်လည်ဖြေဆိုဖို့ကို စက်ရုံတာဝန်ရှိသူ အမျိုးသမီးက ဇန်နဝါရီ ၃ ရက်မှာ ခေါ်ယူပြောဆိုထား ပါတယ်။)
ဇန်နဝါရီ ၄ ၊ ၂၀၂၄
