NEWS

KSENG (Myanmar) သင်္ကြန်ရက်စား လုပ်ကိုင်ခိုင်း၊ လာရောက်စစ်ဆေးပေမဲ့ စက်ရုံဘက်က အပြောင်းအလဲ မလုပ်

CoverLogo
192 Views

KSENG (Myanmar) Apparel အထည်ချုပ် စက်ရုံက အလုပ်သမားပါ။ စက်ရုံက အလုပ်သမားတွေရဲ့ ဆန္ဒမပါဘဲ အချိန်ပိုခေါ် တာ၊ သင်္ကြန်ပိတ်ရက်အတွက် ရက်အစား လုပ်ကိုင်ခိုင်းတာ၊ အဲဒီ သင်္ကြန်ရက်စားကိုလည်း အလုပ်သမားတွေရဆန္ဒကို မေးမြန်းတာမရှိပါဘူး။ ရက်စားတွက် တနင်္ဂနွေရက်တွေမှာ ဆင်းခိုင်းပြီး ညနေ (၅) အထိ လုပ်ကိုင်ခိုင်းပါတယ်။ အလုပ်သမားတွေ နစ်နာမှုတွေများလို့ ထပ်ပြီး လာရောက် စစ်ဆေး ပေးစေလိုပါတယ်။ 

လုပ်ငန်းခွင်ထဲမှာ အလုပ်သမားတွေ လုပ်ချုပ်နိုင်တဲ့ ပမာဏထက် အထည်စံချိန််တွေ ပိုတောင်းပါတယ်။ အထည်စံချိန် မပြည့်ရင်လည်း စူပါတွေ ခေါင်းဆောင်တွေက ဖိအားခိုင်းပါတယ်။ အဲ့ဒါကြောင့် အလုပ်သမား တွေ အိမ်သာ /ရေသောက် မလုပ်ရဘဲ စံချိန်ရအောင် ချုပ်ပေးရပါတယ်။
စက်ရုံဘက်က အချိန်ပိုကို ည (၉) အထိ ခေါ်တာပါ၊ အလုပ်သမားတွေက နိုင်ငံရေးအခြေအနေကြောင့် အချိန်ပို မဆင်းလိုပါဘူး။ အလုပ်ရှင်ဘက်ကိုလည်း အလုပ်သမားတွေက ပြောကြပါတယ်။ ဒါပေမယ့် စက်ရုံဘက်က အလုပ်သမားတွေရဲ့ ဆန္ဒကို အရေးမစိုက်ဘဲ အချိန်ပိုခေါ်နေတာပါ။

အလုပ်သမားရုံးကလည်း လာစစ်ပါတယ်။ လာစစ်လည်း လုပ်ငန်းခွင်အတွင်း အဖြစ်အပျက်နဲ့တွေကို ကိုက်ညီတာမမေးပါဘူး။ ဟန်ပြ စစ်ဆေးမှု ဖြစ်ပါတယ်။ အဲဒီလို လာစစ်တော့လည်း အလုပ်သမားတွေအတွက် ဘာမှ ပြောင်းလဲတာမျိုးမရှိပါဘူး။

ပြီးခဲ့တဲ့ မတ် ၂၇ ရက် တပ်မတော်နေ့ကလဲ စက်ရုံမှာ အလုပ်သမားတွေကို အချိန်ပိုဆင်းခိုင်းခဲ့ပါတယ်။ အဲ့နေ့မှာ ကုန်အမှတ်တံဆိပ် ကိုယ်စားလှယ်တွေ ရှောင်တခင် ဝင်စစ်ဆေးမယ်ပြောလို့ အလုပ်သမားတွေ နေ့လည် နေပူပူ ၂ နာရီလောက်ကြီး အရေးပေါ် ပြန်လွတ်ပါတယ်။ ဖယ်ရီ စီစဥ်ပေးတာ မရှိပါဘူး။ အလုပ်သမာတွေမှာ နေ့လည် ကြီး လမ်းလျှောက်ပြန်ကြရပါတယ်။ အခုလိုမျိုး အလုပ်ရှင်ဘက်က အလုပ်သမားတွေ သဘောမတူဘဲ အချိန်ပို ခေါ်နေတာကို အလုပ်သမားရုံးက တာဝန်ရှိသူတွေနဲ့ စက်ရုံမှာ အော်ဒါအပ်ထားတဲ့ Brand တွေက အလုပ်သမား တွေ အတွက် အထောက်အကူဖြစ်အောင် ပါဝင်ဖြေရှင်းပေးစေချင်ပါတယ်။

(KSENG (Myanmar) Apparel အထည်ချုပ် စက်ရုံက ရန်ကုန်မြို့၊ ရွှေပြည်သာမြို့နယ်၊ သာဓုကန်စက်မှုဇုန်မှာ ရှိပြီး တရုတ်နိုင်ငံသားပိုင် စက်ရုံဖြစ်ပါတယ်။ (Mataland , Clique , springfield , FB sister , GEM) စတဲ့ တံဆိပ်တွေကို အလုပ်သမား (၉၀၀) ဝန်းကျင်နဲ့ ချုပ်လုပ်နပါတယ်။)


Related posts

Cover
GYSEN Myanmar Apparel အထည်ချုပ် သမဂ္ဂအဖွဲ့ဝင် ၅၀ ကျော်ကို အလုပ်ထုတ်
May 26, 2024
Cover
PEPSI အချိုရည် စက်ရုံ CEOနဲ့HRအပြင် ကုမ္ပဏီကိုပါထပ်တိုးတရားစွဲရန်အမိန့်ချမှု တရားပြိုင်၃ဦးအတွက် ကုမ္ပဏီဘက်ကအမည်စာရင်းတင်သွင်း
May 25, 2024
Cover
Tha Shu အထည်ချုပ် စက်ရုံ လိုင်းစာရေး ၁၅ ဦးအား စစ်ဆေးခံရန် ရွေးချယ်ထားဟုဆို
May 25, 2024
Cover
Panko Bago Company အထည်ချုပ် အချိန်ပို အလွန်အကျွံခိုင်းနေဟု အလုပ်သမားများ ပြော
May 25, 2024
Cover
လုံခြုံရေးဝန်ထမ်းကို ဥပဒေမဲ့အလုပ်ကထုတ်ပယ်မှု အလုပ်သမားက တိုင်ကြားလို့ ဆွေးနွေးညှိနှိုင်းနေ
May 25, 2024
Cover
Eslite Garment အထည်စံချိန်ချုပ်လုပ်နိုင်တာထက်ပိုရဖို့ ရိုင်းစိုင်းစွာပြောဆိုခိုင်းစေနေ
May 24, 2024
Cover
New Talent Garment  အလုပ်သမားများ ဘွိုင်လာ မီးခိုးနှင့် အနံအသက်များကြား လုပ်ကိုင်နေရ
May 24, 2024