G & F Myanmar အထည်ချုပ်စက်ရုံက လှည်းကူးမြို့နယ်ထဲက ကလီထော်ရွာမှာပါ။ ရွာဆိုတော့ ရန်ကုန်က စက်မှုဇုန်တွေကလို စက်ရုံတွေက ဥပဒေတွေ မလိုက်နာကြပါဘူး။
အလုပ်သမား ကျန်းမာရေး မကောင်းလို့ ဆေးခွင့်ယူနားတာပါ။ အဲဒါကို ဆေးခွင့်ယူနားတဲ့အခါ ဆေးခွင့် စာရွက်ကို အလုပ်သမား ကိုယ်တိုင် လာပေးရမယ်လို့ လိုင်းစူပါက ပြောပါတယ်ရှင့်။
ညီမနားမလည်တာက ကျန်းမာရေးမကောင်းလို့ အလုပ်မဆင်းနိုင်တာ ဘယ်လို စက်ရုံလာလို့ရမလဲ၊ စက်ရုံလာနိုင်ရင် အလုပ်ပဲ တခါတည်း ဆင်းတော့မှာပေါ့ ။ အခုက ဆေးစာရဖို့တောင် ဖူလုံရေးဆေးခန်းကို မနည်းသွားရတာပါ။
လိုင်းစူပါတွေကို ခိုင်းတဲ့ စက်ရုံတာဝန်ရှိသူတွေက ဖြစ်နိုင်မဖြစ်နိုင် မစဉ်းစားတာလား၊ ပုံသေနည်းထားပြီး အလုပ်သမားတွေကို ဖိနှိပ်နေတာလား ဆိုတာပါ။
လုပ်သက်ခွင့်ဖြစ်ဖြစ်၊ ရှောင်တခင်ခွင့်ဖြစ်ဖြစ် ယူပြီးတဲ အလုပ်သမားတွေဆို အလုပ်ပြန်တက်တာနဲ့ လိုင်းစူပါ ခွင့်ယူလို့ဆိုပြီး ပြောဆိုဆူပူပါတယ်။ ဒီထက်ဆိုးတာက အလုပ်သမားတွေ အပေါ် ကိုယ်ထိလက်ရောက် ကျူးလွန်တာတွေ ရှိနေတာပါရှင့်။
စက်ရုံက ခေါင်းဆောင်ဆိုသူတွေကို အလုပ်သမားဥပဒေတွေ သေချာလာရှင်းပြစေချင်ပါတယ် ရှင့်။
G & F Myanmar စက်ရုံမှာ လက်ရှိ YAMAMAY, GEMO,UNDIZ တံဆိပ်တွေ ချုပ်ပါတယ်။ အလုပ်သမားစုစုပေါင်း ၁၀၀၀ ကျော်ကျော်လောက်ရှိတယ်ပါရှင့် ။
