Eternal Fashion အထည်ချုပ် စက်ရုံရဲ့ ဖိနှိပ်မှုတွေကို အရင်ဆုံး ပြောပြပါ့မယ်။
ဒေးကြေးကို တစ်မိုးအောက်ထဲ အတူတူလုပ်သူ အချင်းချင်း ခွဲခြားပြီးပေးပါတယ်။ စက်လိုင်းက အထည်စစ် Qc တွေကို ဒေးကြေး ၁၂၀၀၀ ရှင်းပေးပါတယ်။ တခြားဌာနက အလုပ်သမားတွေကို ဒေးကြေး ၉၅၀၀ ပဲ ပေးပါတယ်။
နောက်တခုက အလုပ်ခန့်တော့ သတ်မှတ်ရာထူးနဲ့ အလုပ်ခန့်ပြီး နောက်တော့ လုပ်ငန်းလိုအပ်ချက်အရလို့ ပြောပြီး အလုပ်နေရာ ပြောင်းပါတယ်၊ ရာထူးချပါတယ်။
နေရာအမြဲတမ်း ပြောင်းနေတော့ အဆင်မပြေ လို့ပြောတော့လဲ HRမန်နေဂျာ အမျိုးသားက လုပ်ငန်းလိုအပ်ချက်ကြောင့် ခိုင်းတာ၊ လုပ် နိုင်ရင် မလုပ်နိုင်ရင် အလုပ်ထွက်။ ဒါဘဲရှိတယ်လို့ ပြောပါတယ်။ ညှိနိုင်းပေးတာ မရှိပါဘူး။
အလုပ်သမားများကို ကြိုပို့နေသော ဖယ်ရီလမ်းကြောင်းများကို ကြိုပို့မလုပ်နိုင်လို့ အလုပ်သမားတွေကို ကိုယ်အစီစဥ်နဲ့ ကိုယ် အလုပ်လာရမယ်လို့ HRမန်နေဂျာကကြေညာပါတယ်။ အလုပ်သမားတွေမှာ လိုင်းကားစီး အလုပ် လာနေရပါတယ်။
ဥပဒေမှာပါတဲ့ ရှောင်တခင်ခွင့်လည်း မရပါဘူး။ လူမှုရေးအရ ခွင့်တိုင်ပြီး သွားတဲ့ နာရေးလည်း ခွင့်မပြုခဲ့ပါဘူး။
လုပ်ငန်ခွင်မှာ အထည်စံချိန်တွေကို မတရား တောင်းတယ်။ မရရင် စက်လိုင်းမန်နေဂျာက လိုင်းထိပ်ကနေပြီး အော်ဟစ်ကြိမ်းမောင်းပြောဆိုတယ်။
နောက်တခုက စက်ရုံမှာ သူဌေး ခဏခဏ အပြောင်းတယ်။ မြိုနယ် အလုပ်သမားရုံးတွေကို အကြောင်းကြားလား ဆိုတာတော့ မသိဘူး ။ သူဌေး ပြောင်းပြီဆိုတာနဲ့ အလုပ်သမားများကို အသိပေးတာ မရှိဘူး၊၊
စက်လိုင်းမန်နေဂျာ၊ အောစူပါတွေကတော့ နစ်နာကြေးဆိုပြီး ရကြပါတယ်။ အခု သူဌေးအချိန်းပြောင်းထပ်လုပ်ပြန်ပါ စက်လိုင်းမန်နေဂျာ၊ အောစူပါများကိုသာ ခေါ် ပြီး အစည်းဝေးတွေ လုပ်နေတာ တစ်ပတ်ရှိပြီ။ HRမန်နေဂျာ၊ စက်လိုင်းမန်နေဂျာကို အပြင်မှာ လိုက်ကျွေးပြီး အစည်းဝေးလုပ် ကြတာ။
အခု ၁လပိုင်းရောက်တော့ အရင် သူဌေးကမရှိတော့ဘဲ သူဌေးအသစ် ရောက်နေပါပြီ။ အခုလို့သူဌေးအပြောင်း အလဲလုပ်တာကို ခေါင်းဆောင်တွေကြီး တိုးတိုးတိတ်တိတ် အသိပေးပြီး နစ်နာကြေးပေးထားပါတယ်။
ခေါင်းဆောင်တွေက လစာများတော့ အလုပ်သမားတွေ ဒေးကြေးနည်းတာစိ တ်မဝင်စားပါဘူး။ လစာရရေး လုပ်ကြတာပါ။
အရင် သူဌေး ပြောင်းလဲတော့ နစ်နာကြေး ကြိတ်ယူ။ အလုပ်သမားတွေကို ဟိုလိုလိုဒီလိုလိုနဲ့ အစည်းအဝေးတွေ သူဌေးအသစ်ရှေ့မှာ လုပ်ပြပါတယ်။
အလုပ်သမားတွေက သူဌေးပြောင်းတယ် ကြားလို့သွားမေးတော့ HRမန်နေဂျာက အတွေ့မခံဘဲ ရှောင်နေပါတယ်။ လုပ်ငန်းခွင်မှာ အလုပ်သမားတွေ တခုခု ဖြစ်ရင်တာ့ ဝမ်တိန်ထိုးခိုင်းပြီး အလုပ်ထွက် ၊ ငါမန်နေဂျာ ငါ ပြောသလိုလုပ်ဆိုပြီး အကျိုးအကြောင်း ဘာမှ ပြောခွင့်မပြုပါဘူး။
ကုန်စျေးနှုန်းတွေကြီးတော့ အလုပ်သမားများအားလုံးကို တန်းတူ ဒေးကြေး ၁၂၀၀၀ ပေးစေချင်တာပါပဲ။
