(အချိန်ပို ဥပဒေ မလိုက်နာခြင်း၊ အတင်းအဓမ္မ ခိုင်းစေခြင်း)
Chi Mei အထည်ချုပ်စက်ရုံကပါ ရှင့်။
ဒီစက်ရုံမှာ လုပ်လုပ်ရတာ အဆင်ပြေပါတယ်။ လစာကိုလည်း အချိန်မှန်ပေး ပါတယ်။ ဒါပေမဲ့ အလုပ်ချိန်ကိုတော့ မနက် ၈ နာရီကနေ ညနေ ၆ နာရီခွဲထိပဲ ဆင်းခိုင်းရင် ပိုအဆင်ပြေပါတယ်။
အောလင်းတွေ အောနိုက်တွေ လုပ်ခိုင်းနေတာကတော့ အဆင်မပြေပါဘူး ။ စက်ရုံကို စစ်ဆေးရေးတွေ လာ စစ်ရင်လည်း အောလင်းအောနိုက် မခေါ်ပါဘူးဆိုပြီး မန်နေဂျာ ရုံးပေါ်က စာရေးမနဲ့ ထုတ်လုပ်ရေးမန်နေဂျာ (MR) တို့က ညာပြီး ဖြေ ခိုင်းပါတယ်။
စစ်ဆေးရေးအဖွဲ့ဝင်တွေက စိစိစပ်စပ် မေးခဲ့ရင်လဲ မဆင်းရဘူးလို့ အတင်းငြင်းဖို့ ပြောခိုင်းပါတယ်။ ထုတ်လုပ်ရေးမန်နေဂျာ MR ဇင်နှင်းနှင်းအေးက အချိန်ပို OTကို အတင်းကျပ်ခေါ်ခိုင်းနေပါတယ်။အောလင်းဆင်းခိုင်းပြီး နောက်တနေ့ ဆက် အလုပ်ပြန်ဝင်ခိုင်းပါတယ် ။
ပုံမှန်ဆို အောလင်းခေါ်ရင် မနက် ၁ရက်နားရပါတယ် ။နောက်နေ့မှ အလုပ်ပြန်ဆင်း ရတာပါ။လိုင်းစူပါတွေက ဘာမှ ဖိအားပေးတ မရှိပါဘူး။ ထုတ်လုပ်ရေးမန်နေဂျာကပဲ ဖိအားပေးပြီး အတင်းအကျပ် ဆင်းခိုင်းတာပါ။
အောလင်း အောနိုက် ဆင်း မဆင်းကိစ္စနဲ့ပတ်သက်ပြီး WCCနဲ့ ထုတ်လုပ်ရေးမန်နေဂျာ စကားတွေများကြပါတယ်။
WCC က အချိန်ပို ဆင်းရင် ပြန်ဖို့အခတ်ခဲရှိလို့ အဆင်မပြေဘူးလို့ ပြောပြပါတဘ်။ ဒါကို အချိန်ပို မဆင်းလို့မရဘူး ၊ သူများတွေလဲဆင်းနေတာပဲ ၊ဆင်းရမယ်လို့ အတင်းအကျပ် ပြောပါတယ်။
လမ်းမှာတစ်ခုခု ဖြစ်ရင် တာဝန်ယူမလားလို့ WCC က မေးတော့ ထုတ်လုပ်ရေးမန်နေဂျာက ဘာမှထပ်မပြောတော့ပါဘူး။
စက်ရုံမူးကလည်း ပြောနေပါတယ် ။ အောလင်းအောနိုက် မဆင်းရင်၊ ည ၈ခွဲအထိ ဆင်းရမယ်လို့ ပြောတယ်။ အဲလိုမှ မဆင်းရင် အမြဲတမ်း ၄ခွဲ ပြန်ရမယ်လို့ပြောပါတယ်။
အခုက အောလင်းအောနိုက်ကို အတင်းကျပ်ခေါ်နေတာပါ ။ စက်ရုံမှာ ၈ နာရီခွဲတစ်ဖွဲ့ရယ်၊ အောလင်းတစ်ဖွဲ့ရယ် နေ့တိုင်းဆင်းနေရတယ်။
စက်ရုံမှာ ဖိအားတွေ တအားများတယ်။ အတင်းအကျပ်တွေ လုပ်ခိုင်းတာများတယ်။ညဘက်တွေ အချိန်ပိုဆင်းရတိုင်း သရဲတွေ ဝင်ပူးပါတယ်။ ညပိုင်း ယောက်ျားလေး တစ်ယောက်ကိုပူးပြီး မနက်ကျတော့ မိန်းကလေးတစ်ယောက်ကိုပူးပါတယ်။
ညီမတို့စက်ရုံမှာ ဖြစ်နေတာတွေကို သက်ဆိုင်သူတွေ သိစေချင်တာပါ။
Myanmar Labour News ကို အထူး ကျေးဇူးတင်ပါတယ်။
