NEWS

စက်ရုံ အလုပ်ရုံအတွင်းအပူလွန်ကဲမှုတွေကို ဖြေရှင်းပေးရန်အလုပ်သမားတွေလိုလားနေ

CoverLogo
561 Views

ရန်ကုန်မြို့အတွင်းက စက်ရုံအလုပ်ရုံတွေမှာ အလုပ်လုပ်နေတဲ့ အခြေခံအလုပ်သမားအများစုဟာ ရာသီဥတုအပူချိန်လွန်ကဲမှုနဲ့အတူ စက်ရုံတွင်းလေ၀င်လေထွက်မကောင်းတဲ့ အပူဒဏ်တွေကြောင့် ချွေးထွက်လွန်မူးဝေနေတာတွေဖြစ်နေလို့  အကူညီတောင်းခံလာတာတွေရှိနေတယ်လို့  အလုပ်သမားအဖွဲ့အစည်းများထံမှ သိရပါတယ်။

“အလုပ်သမားတွေအနေနဲ့ ရာသီဥတုပူပြင်းလွန်းတဲ့အတွက် အပူဒဏ်ကိုခံစားနေရတဲ့ အချို့စက်ရုံတွေရှိပါ တယ်။တိုင်ကြားလာတာတွေလည်းရှိပါတယ်။  အလုပ်ရုံစစ်ဆေးရေးတွေက  သေချာစစ်ဆေးမှုတွေမလုပ်ပေးတော့ လေ၀င်လေထွက်မကောင်းတာနဲ့အခန်းတွင်းအပူချိန်များတာတွေဖြစ်ပေါ်နေပြီး  အလုပ်သမားတွေက ကိုယ့်ပိုက်ဆံနဲ့ကိုယ်ဘဲ ဓာတ်ဆား၀ယ်သောက်ရတာတွေလုပ်နေရပါတယ်”လို့  ဆိုပါတယ်။

လတ်တလောကာလတွေမှာ အပူချိန်ပြင်းထန်လို့ အလုပ်မလုပ်နိုင်တဲ့အထိဖြစ်နေရလို့ စံချိန်တွေမမီ အလုပ်မလုပ်နိုင်ဘဲမူးမော်တာ တွေပါရှိလာလို့ ခွင့်ယူရတဲ့အခါမှာလည်း လစာဖြတ်တောက်ခံရမှုတွေ ရှိတဲ့အပြင် စံချိန်မပြည့်မီပါက  အချိန်ပိုဆင်းပေးရတာတွေလည်းရှိနေတာကြောင့်  အလုပ်သမားတွေ ဟာ စက်ရုံမှာအခက်အခဲဖြစ်ပေါ်မှုများပြားလာတာကြောင့်  သမဂ္ဂတွေဆီမှာအကြံဥာဏ်တောင်းခံတာတွေ ဆွေးနွေးတိုင်ပင်တာတွေ ထုတ်ဖော်ပြောဆိုလာတဲ့စက်ရုံတွေအများအပြားရှိလာတယ်လို့ သိရပါတယ်။

“ရွှေပြည်သာထဲမှာတင်လာအကူညီတောင်းခံတာ ၄ရုံရှိတယ်။ အခြားစက်ရုံတွေရောများပါတယ်။ သူတို့လာပြောတာတွေကို သူတို့စိတ်ပူတယ်စိုးရိမ်ကြတယ် သူတို့ကိုငြိုးတေးထားခံရမှာတွေကိုကြောက်နေတယ်။ လျို့ဝှက် ထားပေးပါမတိုင်ချင်တော့ဘူးဆိုတာတွေလည်းအများကြီးပါပဲ။  ကျွန်မတို့စက်ရုံကတော့ ဒီအပူရှိန်ပြင်းထန်လို့ အလုပ်သမားတွေအလုပ်မလုပ်နိုင်ဖြစ်နေတာကို သူတို့အတတ်နိုင်ဆုံးဆောင်ရွက်ပေးမယ်ဆိုပြီး ညှိနှိုင်းပြီးလို့အဆင်ပြေသွားတယ်”လို့  အလုပ်သမားသမဂ္ဂအဖွဲ့၀င်အလုပ်သမားတစ်ဦးကဆိုပါတယ်။

အဲ့ဒီလိုအပူရှိန်ပြင်းထန်တဲ့အပြင်  အလုပ်သမားများအပူဒဏ်သက်သာစွာဖြင့်  ၀င်ရောက်လုပ်ကိုင်နိုင်ရန်နဲ့ စက်ရုံအတွင်းကဆေးပေးခန်းတွေမှာ  အပူလွန်ကဲမှုကြောင့်ဖြစ်ပေါ်လာတဲ့ကျန်းမာရေးလိုအပ်ချက်များကိုပါ စီစဉ်ဆောင်ရွက်ပေးနိုင်ဖို့ကို အကူညီတောင်းခံလာတဲ့စက်ရုံတွေရဲ့  ကုန်အမှတ်တံဆိပ်များထံသို့  အကြောင်းကြားဖို့ဆောင်ရွက်နေတယ်လို့  အလုပ်သမားအဖွဲ့ချုပ်တစ်ခုကဆိုပါတယ်။

“အရမ်းပူလို့ခေါင်းတွေမူးလာရင် စက်ရုံကဆေးခန်းမှာခဏနားပြီး အလုပ်ပြန်လုပ်ကြတယ်လို့ အလုပ်သမားကပြောလာတယ်။ ဘာလို့လဲဆိုသူတို့နားလိုက်ရင်ပိုက်ဆံတွေမတရားဖြတ်တောက်ခံရလို့ပါတဲ့။ အလုပ်သမားတွေကတော့  မတိုင်ချင်ဘူး။ ရွှေပြည်သာမြို့နယ် သာဓုကန်စက်မှုဇုန်ကပါ။ ကုန်အမှတ်တံဆိပ်ကိုအဖွဲ့ချုပ်အနေနဲ့ အကြောင်းကြားဖို့လုပ်နေပါပြီ ”လို့ ၎င်းကဆိုပါတယ်။
 
အပူချိန်မြင့်မားမှုကြောင့်  လုပ်ငန်းခွင်တွင်းအခက်အခဲဖြစ်လို့  အကူညီတောင်းခံလာကြတာတွေဟာ  မင်္ဂလာဒုံ၊လှိုင်သာယာနဲ့ရွှေပြည်သာစတဲ့ စက်မှုဇုန်တွေထဲကစက်ရုံတွေက အလုပ်သမားတွေဖြစ်တယ်လို့ သိရပါတယ်။

#MyanmarLabourNews 
Photo-အထည်ချုပ်လုပ်ငန်းခွင်တစ်ခု။


Related posts

Cover
အလုပ်သမားအခွင့်အရေးချိုးဖောက်မှုများအတွက် စစ်ကောင်စီ တာဝန်ခံရမည်ဟု CTUM ထုတ်ပြန်
Oct 03, 2023
Cover
ဟွမ်မြောင်အထည်ချုပ်စက်ရုံအလုပ်သမားတွေ လုပ်ခလစာရရှိဖို့ စက်ရုံတွင်းညအိပ်စောင့်ဆိုင်းခဲ့ပေမဲ့ အလုပ်ရှင်ကလစ်လျူရှုကာ စက်ပစ္စည်းများသာသယ်ယူနေ
Oct 03, 2023
Cover
လုပ်ခလစာနဲ့စက်ရုံပိတ်နစ်နာကြေးရဖို့ စက်ရုံအတွင်းညအိပ်စောင့်ဆိုင်းနေစဥ် အလုပ်သမား ၂ ဦးဖမ်းဆီးခံထားရ
Oct 02, 2023
Cover
HONG MIAO အထည်ချုပ်စက်ရုံမှာ လုပ်ခလစာနဲ့ နစ်နာကြေးပေးချေဖို့ကိစ္စ အလုပ်သမားတွေ လာရောက်စောင့်ဆိုင်း ၊ စက်ရုံဘက်က ရဲတပ်ဖွဲ့ခေါ်ထား
Oct 02, 2023
Cover
အွန်လိုင်းပေါ်မှ  အလုပ်အကိုင်ရှာဖွေပေးမည်ဟု မက်လုံးပေးကာ ငွေတောင်းခံမှုတွေ သတိပြုဖို့လို
Oct 01, 2023
Cover
အစိုးရဝန်ထမ်းများကို အပိုထောက်ပံ့ကြေး ခေါင်းစဉ်ဖြင့် ကျပ် ၃၀၀၀၀ တိုးပေး ပုဂ္ဂလိကကဏ္ဍအတွက် သတင်းထုတ်ပြန်ခြင်း မရှိသေး
Sep 30, 2023
Cover
လှိုင်သာယာက SYNERGY အထည်ချုပ်စက်ရုံ ပိတ်ရက်မပေးဘဲ  အလုပ်ဆင်းခိုင်းနေတယ်လို့အလုပ်သမားတွေပြော
Sep 30, 2023
Cover
Galaxy ( Myanmar ) စက်ရုံ အလုပ်သမားအခွင့်အရေးချိုးဖောက်နေ
Sep 29, 2023