NEWS

အထက်အမိန့်ဟုဆိုကာ အလုပ်သမား ၂ ဦးကို ၅မျဉ်းစောင်းသမားဟုအကြောင်းပြ အလုပ်ထုတ်

CoverLogo
1.3K Views

“အလုပ်ထဲမှာအလုပ်လုပ်နေရင်းနဲ့ စက်လိုင်းနံပတ် ၄ က အလုပ်သမား ၂ ယောက်ကို အထက်က အမိန့်ကျလို့ဆိုပြီးတော့ ၇ လပိုင်းလစာထုတ်တဲ့နေ့ ၈ လပိုင်း ၅ ရက်နေ့မှာ ၅ မျဉ်းစောင်းတွေအလုပ်ထုတ်တယ် ဆိုပြီးထွက်စာရေးခိုင်းတယ်။ စာထဲမှာပါတဲ့အကြောင်းအရာက အလုပ်ရှင်က အလုပ်ထုတ်တာမဟုတ်ပါဘူး မိမိသဘောဖြင့် အလုပ်ထွက်တာပါ အလုပ်ရှင်မှာဘာတာဝန်မှမရှိပါဘူးလို့ စာရွက်ပေါ်မှာရေးခိုင်းတယ်”လို့ အလုပ်ထုတ်ခံရတဲ့ အလုပ်သမားတစ်ဦးကပြောပါတယ်။


လှိုင်သာယာမြို့နယ် ရွှေလင်ဗန်းစက်မှုဇုန် ပြင်စည်မင်းသားကြီးလမ်း မီးသတ်အဝိုင်းအနီးမှာ ဖွင့်လှစ်ထားတဲ့ အောထွိုက်မြန်မာ စက်ရုံမှာအထက်အပါ ကဲ့လို့ အလုပ်ထုတ်ခံခဲ့ရတာလို့ အလုပ်သမားတွေကပြောဆိုပါတယ်။


“အလုပ်မထုတ်ပါနဲ့ ကျွန်မတိုမှာ ပြန်စရာ နေရာမရှိလို့ပါ ကျွန်မတို့ ရွာ‌တွေမှာလည်း  မီးရှို့တဲ့ အထဲပါသွားလို့  ပြန်စရာရွာမရှိ အိမ်မရှိပါဘူး မိသားစုမှာလည်း စစ်ဘေးရှောင် နေရတဲ့ အတွက် အလုပ်မထုတ်ပါနဲ့ဆိုပြီး  တောင်းပန်သော်လည်း မရဘူး  အလုပ်ရှင်က  ၅/တွေကို အထက်က စာကျတဲ့အတိုင်း အလုပ်ထုတ်ရတာ ပါပြောပြီး အလုပ်ဆင်းရက် ပိုက်ဆံကို ထုတ်ပေးပြီး ၅.၈.၂၀၂၂ ရက်နေ့မှာ အလုပ်တစ်ခါထဲ ထုတ်လိုက်တာပါ”လို့ အဆိုပါ စက်ရုံမှာအလုပ်လုပ်နေတဲ့ အလုပ်သမားတစ်ဦးကပြောဆိုပါတယ်။


အလုပ်သမား ၄၀၀ ကျော်အလုပ်လုပ်နေတဲ့ စက်ရုံမှာ အလုပ်သမား ၂ ဦးသာအထက်ပါကဲ့သို့အလုပ်ထုတ်ခံခဲ့ရတာဖြစ်ပြီး စက်ရုံတွင် ကျန်ရှိနေသော အလုပ်သမားများကိုလည်း ၈ လပိုင်း ၁၄ ရက်နေ့ (၁၄.၈.၂၀၂၂)  မှာ အော်ဒါ မရှိလို့ဆိုပြီး (၂) ပတ်ပိတ်လိုက်ပြီး ထိုပိတ်ရက်ကိုလဲ တရုတ်နိုင်ငံသား အလုပ်ရှင်မှ ပိုက်ဆံတစ်ကျပ်မှ မပေးဘဲ ပိတ်တာဖြစ်ပြီး  အလုပ်သမားများအား ဆွေးနွေးပြီး ပိတ်ခြင်းလည်း မဟုတ်ဘဲ အလုပ်ရှင်၏ သဘောဖြင့်သာ ပိတ်နေခြင်းဖြစ်တယ်လို့ အလုပ်သမားတွေကပြောဆိုပါတယ်။


စက်ရုံမှာ ဂျာကင်အထည်တွေ ချုပ်လုပ်ရတာ ဖြစ်ပြီး အလုပ်သမားများ အလုပ်လျှောက်စဉ်ကလည်း  မှတ်ပုံတင်ကလွဲပြီး မည်သည့်စာရွက်စာတမ်းမှ ပေးရခြင်းမရှိဘဲ  စက်ရုံတွင် စက်ရုံနာမည် မကပ်ထားခြင်း အလုပ်လျှောက်စဉ်က  စက်ရုံအမည် အောထွိုက်မြန်မာဟု ပြောခဲ့ခြင်း ဖြစ်တယ်လို့ အလုပ်သမားတွေကပြောဆိုပါတယ်။

 

MyanmarLabourNews

ဓါတ်ပုံ-ပုံဟောင်း 


Related posts

Cover
လုပ်ငန်းခွင်အတွင်း ဆဲဆိုခိုင်းစေပြီး အလုပ်သမားအခွင့်အရေးချိုးဖောက်
Apr 12, 2024
Cover
ဆေးနှင့် ဆက်စပ်ပစ္စည်များ ဈေးနှုန်းမြင့်တက်၊ ပစ္စည်းပြတ်လပ်မှုများရှိနေ
Apr 07, 2024
Cover
သင်္ကြန်ပိတ်ရက်အစားထိုးမဆင်းသူတွေကို လစာဖြတ်တောက်ခြင်းမပြုရန် အလုပ်သမားတွေလိုလားနေ
Apr 07, 2024
Cover
စစ်မှုထမ်းရန်မဲပေါက်သူတွေ ထွက်ပြေးတိမ်းရှောင်သွားလို့ ကျေးရွာတွေထံငွေကြေးအဓမ္မကောက်ခံဟုဆို
Apr 07, 2024
Cover
လုပ်သားရှားပါးမှု စတင်ကြုံတွေ့နေရ
Apr 07, 2024
Cover
KSENG (Myanmar) သင်္ကြန်ရက်စား လုပ်ကိုင်ခိုင်း၊ လာရောက်စစ်ဆေးပေမဲ့ စက်ရုံဘက်က အပြောင်းအလဲ မလုပ်
Apr 07, 2024