NEWS

တနဂ်နွေကိုအချိန်ပို အခမဲ့ ဆင်းခိုင်းနေ နေ့စဥ်အိုဗာတိုင်သုံးနာရီထပ်ဆင်းပေးနေရတယ်လို့ Tianjin Fashion Milestone Garmentမှအလုပ်သမားများအခက်ကြုံနေရ

CoverLogo
2.6K Views

လုပ်အားခမပေးဘဲ တနဂ်နွေနေ့ကိုအချိန်ပိုအလကားဆင်းခိုင်းတာတွေ၊ နေ့စဥ်နဲ့အမျှအိုဗာတိုင်သုံးနာရီခိုင်းနေတာတွေ၊ တနေ့ကိုအလုပ်ချိန် ၁၁ နာရီဆင်းနေရပြီးအော်ဒါအရေးကြီးတယ်ဆိုတဲ့အကြောင်းပြချက်နဲ့ညလုံးပေါက်အလုပ်လုပ်ခိုင်းနေတာတွေအပြင်စက်ရုံဖက်ကအလုပ်သမားတွေကိုဖိအားပေးခိုင်းစေတာတွေပြုလုပ်နေတဲ့အတွက်Tianjin Fashion Milestone Garment ကဝန်ထမ်းတွေအခက်တွေ့နေကြရတယ်လို့သိရပါတယ်။

Tianjin Fashion Milestone Garmentအထည်ချုပ်စက်ရုံဟာရန်ကုန်တိုင်း လှိုင်သာယာမြို့နယ်၊ဆိပ်ကမ်းသာလမ်း၊ ရွှေလင်းဗန်းစက်မှုဇုန်မှာလုပ်ကိုင်နေတဲ့ တရုတ်လူမျိုးပိုင်စက်ရုံတခုဖြစ်ပြီးလုပ်သားဦးရေ ၁၂၀၀ နဲ့လည်ပတ်နေတဲ့စက်ရုံတခုဖြစ်တယ်လို့လဲသိရပါတယ်။

"အလုပ်သမားတွေရဲ့ဆန္ဒမပါဘဲအတင်းလက်မှတ်ထိုးခိုင်းပီး(overtime)တွေတစ်နေ့ကို (၃)နာရီဆင်းပေးနေရတယ်၊ သူတို့ခေါ်တဲ့(OT)မဆင်းရင်မဆင်းတဲ့အလုပ်သမားမကိုတစ်လလုံး(OT) မခေါ်တော့ဘူး၊မနက်(7:30)မှည(7)နာရီအထိတစ်နေ့အလုပ်ချိန် ၁၁ နာရီအထိဆင်းပေးနေရတယ်၊ အော်ဒါတွေအရေးကြီးလို့ဆိုပြီးခေါ်တာညဆိုင်းတင်မကဘူးအောလင်းပါဆင်းနေရတယ်ခုဟာက"လို့အဆိုပါစက်ရုံဝန်ထမ်းတဦးကပြောပါတယ်။

စက်ရုံဖက်ကအလုပ်သမားတွေကိုလတ်မှတ်ထိုးထားတဲ့ အိုတီချိန်စာရွက်မှာအိုတီချိန်ကိုရေးသားမထားပဲ အိုတီမဆင်းတဲ့အလုပ်သမားတွေကိုခြိမ်းခြောက်တာတွေအပြင်(OT)မဆင်းသောအလုပ်သမားများတစ်စုကိုစောင့်ကြည့်ပြီးအပြစ်ရှာနေခြင်း၊ အချိန်ပိုများ တစ်နေ့မဆင်းလျှင်နောက်ရက်များတွင်(OT)လုံးဝမခေါ်ပဲခွဲခြားဆက်ဆံမှုများလည်းရှိနေပြီးမနား မနေOTများဆင်းနေရခြင်းကြောင့်ကျန်းမာရေးထိခိုက်မှုများလည်းရှိနေတယ်လို့သိရပါတယ်။

"ခုကလဲနေ့စားခေါ်ခိုင်းတယ် တနေ့၈နာရီဆင်းရတာငါးထောင်ပဲပေးတယ် စံချိန်တွေလဲမတရားတိုးတောင်းတာ ဘယ်သူ့မှမချုပ်နိုင်တဲ့စံချိန်တွေစူပါတွေကလဲဆဲတာကိုမိုးမွှန်နေတာပဲအိမ်သာတက်တာတောင်အချိန်ကန့်သတ်ထားတယ် နေထိုင်မကောင်းဖြစ်လို့ပြန်မယ်ဆိုလဲ Gate pass မပေးဘူးတော်တော်ကိုအခွင့်အရေးချိုးဖောက်နေတာစက်ရုံက"လို့အလုပ်သမားတဦးကထပ်ပြောပါတယ်။

လက်ရှိမှာတော့Tianjin Fashion Milestone Garment မှဝန်ထမ်းများအနေနဲ့အလုပ်သမားများဆန္နမပါပဲ(OT)အတင်ဆင်းခိုင်ခြင်းမပြုလုပ်ရန်၊(OT)တစ်နေ့မဆင်းလျှင်အလုပ်ရှင်ဘက်မှမဆင်သောအလုပ်သမားများကိုခွဲခြားဆက်ဆံခြင်း မပြုလုပ်ရန်၊ စူပါများမှကြမ်းတမ်းစွာ၊ဆဲဆိုခြင်းမပြုလုပ်ရန်၊
နေ့စားဝန်ထမ်းများကိုစနေနေ့ဆင်းခဲ့သောလုပ်ခလစာအပြည့်အဝပေးရန်းနှင့်ကျန်းမာရေးတစ်စုံ တစ်ရာရှိပါက(Gate pass)ပေးရန်၊ အစရှိတဲ့အချက်တွေကိုစက်ရုံဖက်ကအမြန်ဆုံးဆောင်ရွက်ပေးဖို့တောင်းဆိုနေကြပါတယ်။

အထက်ပါစက်ရုံဟာ Sinsay, VERO MODA ,ONLY စတဲ့အမှတ်တံဆိပ်အထည်တွေချုပ်လုပ်ပြီးစျေးကွက်ကိုတင်ပို့နေတဲ့စက်ရုံတခုလဲဖြစ်ပါတယ်။

 


Related posts

Cover
တရားမ၀င် မိန်းမတောင်းသည့် တရုတ်နိုင်ငံသားနှင့်စကားပြန်တို့ကို လူကုန်ကူးမှုဖြင့်အရေးယူထားဟုဆို
Feb 08, 2025
Cover
အလုပ်သမားများအခွင့်အရေးများချိုးဖောက်ခံနေရပြီး နားရက်မရှိ အချ်ိန်ပိုဆင်းပေးနေရ
Feb 08, 2025
Cover
Opal 1 စက်ရုံလုပ်သားများအား  ပြည်ပဝန်ထမ်းက ကြမ်းတမ်းစွာဆက်ဆံ ခိုင်းစေ
Feb 08, 2025
Cover
YUHUA အထည်ချုပ်စက်ရုံ အပြောင်းအလဲမရှိဘဲ အချိန်ပိုခေါ်ခိုင်းလို့ တလ နှစ်ရက်သာ အနားရ
Feb 07, 2025
Cover
Myanmar QI Yuan Garment အချိန်ပို အတင်းအကျပ် ခိုင်းစေနေ
Feb 07, 2025
Cover
မူဆယ်မှာ အထည်ချုပ်လုပ်ငန်းလုပ်ရန်သွားရောက်တဲ့ လူထောင်နဲ့ချီပိတ်မိနေ
Feb 06, 2025
Cover
စက်ရုံအလုပ်သမားများ ဆဲဆိုကြိမ်းမောင်းခံရမှုနဲ့ အတူလုပ်အားခခေါင်းပုံဖြတ်ခံနေရ
Feb 05, 2025
Cover
ပုသိမ်အကျဉ်းထောင်မှာ နိုင်ငံရေးအကျဉ်းသား တွေ နေရေးစားရေးခက်ခဲကာ သောက်ရေမရှိသဖြင့်ချိုးရေကိုသာ သောက်သုံးနေရဟုဆို
Feb 05, 2025