NEWS

သင်္ကြန်ပိတ်ရက်အစားထိုးမဆင်းသူတွေကို လစာဖြတ်တောက်ခြင်းမပြုရန် အလုပ်သမားတွေလိုလားနေ

CoverLogo
359 Views

ရန်ကုန်တိုင်း လှိုင်သာယာမြို့နယ် စက်မှုဇုန် ၅ ရွှေလီလမ်း မှာဖွင့်လှစ်ထားတဲ့ ဆင့်လုံအထည်ချုပ်စက်ရုံမှာ လာမယ့် သင်္ကြန်ရုံးပိတ်ရက်တွေအတွက် ကြိုတင်ကာ အချိန်ပို ရက်စားခေါ်ယူခဲ့ပြီး အချိန်ပိုမဆင်းတဲ့အလုပ်သမားတွေကို သင်္ကြန်ပိတ်ရက် ၁၀ ရက်စာ လစာမပေးဟု ဆိုကာ မန်နေဂျာဖြစ်သူက ပြောဆိုထားတယ်လို့အလုပ်သမားတွေကပြောပါတယ်။

ဆင့်လုံ (SHUNRONG GRAMENTS MYANMAR) အထည်ချုပ်စက်ရုံမှာ အလုပ်သမား (၅၀၀) ကျော်ဖြင့်   PROTECTIVE INDUSTRIAL PRODUCTS အထည်ချုပ်စက်ရုံဖြစ်ပြီး  စက်ရုံဖွင့်လှစ်ထားသည်မှာ (၄) နှစ်နီးပါး ရှိပြီးဖြစ်ကာ လုပ်ငန်းခွင်အတွင်း WCC ဖွဲ့စည်းထားပြီး အလုပ်သမားသမဂ္ဂဖွဲ့စည်းထားခြင်းမရှိဘူးလို့သိရပါတယ်။

လုပ်ငန်းခွင်အချိန်ဟာ နံနက် ၇ နာရီ ၃၀ ကနေ ညနေ ၆ နာရီအထိ ( အချိန်ပို ၂ နာရီပါဝင်) ဖြစ်ပြီး ပြီးခဲ့တဲ့ မတ်လထဲမှာ အချိန်ပို ညလုံးပေါက်ဆင်းရတာတွေရှိပြီး အများပြည်သူရုံးပိတ်ရက်တွေမှာပါ မနားရဘဲ အချိန်ပိုဆင်းခဲ့ရပြီး အလုပ်သမားတွေရဲ့ သဘောဆန္ဒမပါဘဲ မဖြစ်မနေဆင်းရတာလို့ အလုပ်သမားကပြောပါတယ်။

"သင်္ကြန်ပိတ်ရက် ၁၀ ရက်ပိတ်မယ်ဆိုပြီး ရက်အစားအနေနဲ့ မတ်လထဲမှာ ၃ ရက်ဆင်းပေးရပါတယ် အဲ့ထဲမှာ မတ်လ ၁၈ ရက်နေ့ (တနင်္ဂနွေနေ့) မှာမဆင်းတဲ့သူတွေရှိတယ် အဲ့အလုပ်သမားတွေကို မန်နေဂျာက ရုံးခန်းထဲခေါ်ပြောပါတယ် ခွင့်ယူတဲ့သူတွေ အလုပ်ပျက်တဲ့သူတွေ သင်္ကြန်ပိတ်ရက် ၁၀ ရက်စာ ပိုက်ဆံမပေးနိုင်ဘူးဆိုပြီးခေါ်ပြောတာ" လို့ အမည်မဖော်လိုတဲ့အလုပ်သမားကပြောပါတယ်။

ယင်းကဲ့သို့ အများပြည်သူရုံးပိတ်ရက်တွေကို ဒေးကြေးမပေးဟုပြောဆိုတဲ့အပေါ် လက်ခံနိုင်စရာမရှိဘူးလို့ အလုပ်သမားတွေကပြောဆိုပါတယ်။

"တနှစ်မှာတခါ ဒီလို ရုံးပိတ်ရက်ကို လစာဖြတ်မယ်ဆိုတော့ ဘာနဲ့သွားသုံးမလဲ အဆိုးဆုံးကတော့ အထည်စံချိန်ကို အလုပ်သမားချုပ်နိုင်တာထက်ပို ပိုတောင်းတာ သူတို့တောင်းတဲ့အထည်စံချိန်ပြည့်အောင် အချိန်ပိုဆင်းပြီး ချုပ်ပေးရပေမဲ့ အချိန်ပိုကြေးမရပါဘူး "လို့ အလုပ်သမားကပြောပါတယ်။

ပြီးခဲ့တဲ့ မတ်လ ၂၇ ရက်နေ့မှာလည်း (အများပြည်သူရုံးပိတ်ရက်) လုပ်ငန်းလိုအပ်ချက်ကြောင့်ဟုဆိုကာ စက်လိုင်းအလိုက် ၅ ဦးကနေ ၆ ဦးအထိ အချိန်ပိုခေါ်ယူခဲ့ပြီး နံနက် ၇ နာရီ ၃၀ ကနေ နေ့လည် ၁၁ နာရီအထိ လုပ်ကိုင်ခဲ့ရပြီး အချိန်ပိုကြေးပေးချေခဲ့ခြင်းမရှိဘူးလို့ ပြောပါတယ်။

လုပ်ငန်းခွင်ထဲမှာ အထည်စံချိန်ကို ချုပ်လုပ်နိုင်တဲ့ပမာဏထက် ပိုမိုသတ်မှတ်ထားပေမဲ့   အထည်စံချိန်မပြည့်မီပါက လည်းစက်လိုင်းတာဝန်ခံတွေက ရိုင်းစိုင်းစွာ ဆဲဆိုတာတွေ ပြုလုပ်လျက်ရှိတယ်လို့ ဆိုပါတယ်။

"ရှောင်တခင် ခွင့်တွေ လုပ်သက်ခွင့်တွေဆိုလည်း မပေးတာများပါတယ် အလွယ်တကူရတာမရှိပါဘူး ဆေးခွင့်ပဲရတယ် များသောအားဖြင့်တော့ ခွင့်မဲ့ဖြစ်သွားတာများတယ် သောက်ရေကတော့ ရေသန့်စက်ဆိုပြီး တပ်ပေးထားပေမဲ့ ရေမသန့်လို့ ကိုယ့်ဘာသာ ဝယ်သောက်ရတာရှိတယ် ဆေးပေးခန်းမှာ သူနာပြုရှိပေမယ့် တခုခုဖြစ်လို့ သွားရင် ဆေးဘယ်တော့မှမရဘူး အပြပဲ လုပ်ထားသလားထင်ရတယ်"လို့ အလုပ်သမားကပြောဆိုပါတယ်။

အလုပ်သမားတွေအနေနဲ့ အထက်ပါ ချိုးဖောက်မှုတွေကို ပြုပြင်ပေးစေလိုပြီး အချိန်ပိုခေါ်ယူပါက အလုပ်သမားတွေရဲ့ သဘောဆန္ဒကို မေးမြန်းလုပ်ကိုင်ရန် အချိန်ပိုကြေးပေးရန်နဲ့ အချိန်ပိုကြေးမပေးဘဲ ခိုင်းစေခဲ့တာတွေကို ပြန်လည်တွက်ချက်ပေးရန် တောင်းဆိုလိုတယ်လို့ ဆိုပါတယ်။

ထပ်မံပြီးတော့လည်း အလုပ်သမားတွေခွင့်ယူပါက အကြောင်းခိုင်လုံလျင် ခွင့်ခံစားပြုရန် သောက်ရေကို အဆင်ပြေအောင်စီမံပေးရန်နဲ့ ဆေးပေးခန်းတွင် ဆေးဝါးတွေထားရှိပေးရန် သင်္ကြန် ရက်အစားထိုးမဆင်းသူတွေကို လုပ်ခဖြတ်တောက်ခြင်းမပြုရန် စတဲ့အချက်တွေ ဖြေရှင်းပေးစေလိုတယ်လို့ အလုပ်သမားတွေထံကသိရပါတယ်။

 

 

 


Related posts

Cover
GYSEN Myanmar Apparel အထည်ချုပ် သမဂ္ဂအဖွဲ့ဝင် ၅၀ ကျော်ကို အလုပ်ထုတ်
May 26, 2024
Cover
PEPSI အချိုရည် စက်ရုံ CEOနဲ့HRအပြင် ကုမ္ပဏီကိုပါထပ်တိုးတရားစွဲရန်အမိန့်ချမှု တရားပြိုင်၃ဦးအတွက် ကုမ္ပဏီဘက်ကအမည်စာရင်းတင်သွင်း
May 25, 2024
Cover
Tha Shu အထည်ချုပ် စက်ရုံ လိုင်းစာရေး ၁၅ ဦးအား စစ်ဆေးခံရန် ရွေးချယ်ထားဟုဆို
May 25, 2024
Cover
Panko Bago Company အထည်ချုပ် အချိန်ပို အလွန်အကျွံခိုင်းနေဟု အလုပ်သမားများ ပြော
May 25, 2024
Cover
လုံခြုံရေးဝန်ထမ်းကို ဥပဒေမဲ့အလုပ်ကထုတ်ပယ်မှု အလုပ်သမားက တိုင်ကြားလို့ ဆွေးနွေးညှိနှိုင်းနေ
May 25, 2024
Cover
Eslite Garment အထည်စံချိန်ချုပ်လုပ်နိုင်တာထက်ပိုရဖို့ ရိုင်းစိုင်းစွာပြောဆိုခိုင်းစေနေ
May 24, 2024
Cover
New Talent Garment  အလုပ်သမားများ ဘွိုင်လာ မီးခိုးနှင့် အနံအသက်များကြား လုပ်ကိုင်နေရ
May 24, 2024