အလုပ်သမားတဦးချုပ်လုပ်နိုင်တဲ့အထည်ပမာဏထက်ကျော်လွန်ပြီးစံချိန်တွေတိုးတောင်းနေတဲ့အပြင်လူမှု့ဖူလုံရေးအကျိုးခံစားခွင့်၊ ဥပဒေပါအလုပ်သမားရပိုင်ခွင့်တွေဘာတခုမှမရရှိတော့တဲ့အတွက်TRINITY APPARELS Garmentအထည် ချုပ်စက်ရုံကအလုပ်သမားတွေအခက်တွေ့နေကြရတယ်လို့သိရပါတယ်။
TRINITY APPARELS Garment အထည်ချုပ်စက်ရုံဟာ၊ ရန်ကုန်တိုင်း၊ လှိုင်သာယာမြို့နယ်၊ စက်မှု့ဇုန်(၄)၊ ဦးတရုတ်ကြီးလမ်းမှာလုပ်ကိုင်နေတဲ့စက်ရုံတခုဖြစ်ပြီး ဘဂ်လားဒေ့ရှ်နိုင်ငံသားတဦးပိုင်ဆိုင်ကာ၊ လုပ်သားဦးရေ ၅၀၀ နဲ့လည်ပတ်လုပ်ကိုင်နေတဲ့စက်ရုံတခုလဲဖြစ်ပါတယ်။
"အရင်ကလူ ၆ ယောက်ချုပ်ရတဲ့တီရှပ် overload ပွိုင့်ကို ခုကလူသုံးယောက်ပဲထားပြီးအထည်လေးရာနီးပါးချုပ်ခိုင်းတာ အရင်က King စက်နှစ်လုံးနဲ့လူနှစ်ယောက်ချုပ်ရတဲ့ဟာကိုခုလူတယောက်ကပဲတက်လာသမျှချုပ်ရတာမျိုးသူတို့ဘဂ်လားဒေရှ့်မှာဆိုလူတဦးကိုလေးရာကျော်ချုပ်နိုင်တယ် ပြောပြီးစူပါတွေလီဒါတွေကိုမတရားကောက်ခိုင်းနေတာ" လို့လက်ရှိကြုံတွေ့နေရတဲ့လုပ်ငန်းခွင်အခြေအနေနဲ့ပတ်သက်ပြီးအဆိုပါစက်ရုံမှအလုပ်သမားတဦးကပြောပါတယ်။
ဒါ့အပြင်စူပါ၊ လီဒါများမှ လည်းနိုင်ငံခြားသားဆရာများပြောသည့်စံချိန်အတိုင်းအလုပ်သမားများကိုတောင်းခံပြီ စံချိန်မပြည့်လျှင်မန်နေဂျာနှင့်တိုင်းကြားခိုင်းခြင်း၊ မန်နေဂျာမှစက်လိုင်းတစ်လိုင်း၀င်တစ်လိုင်းထွက်ဖြင့် ဖိအားများပေး၍အလုပ်သမားတစ်ယောက်မချုပ်နိုင်သည့် စံချိန်ကိုမရမချင်းချုပ်လုပ်ရပြီးလုပ်ငန်းခွင်ထဲတွင်စိတ်ပင်ပန်းခံရခြင်း၊ လုပ်ငန်းခွင့်မှာလည်းစိတ်ညစ်စရာများဖြင့်ကြုံတွေ့နေရပါသတယ်။ နိုင်ငံခြားသားဆရာများသူတို့တောင်းခိုင်းသည့်စံချိန်မရလျှင်စူပါ၊ လီဒါများကိုဂရိတ်အဆင့်များချပြီး စက်ချုပ်လုပ်ခိုင်းမည်ဟုခြိမ်းခြောက်ပြီးစာပွဲခုံပေါ်ရှိစာရွက်စာတမ်းများကိုင်ပေါက်သည့်ပုံစံမျိုးပြုလုပ်ခြိမ်းခြောက်တာတွေ အပြင်စက်ရုံရှိအလုပ်သမားမျာအားလုံးသည်ဥပဒေပါခံစားခွင့်များမရှိခြင်း၊ လူမှုဖူလုံရေကြေးထည့်၀င်ရသော်လည်းခံစားခွင့်မရရှိသည့်အပြင်လူမှုဖူလုံရေးနှင့်ချိတ်ဆက်ဆောင်ရွက်လျှက်ရှိနေသောဆေးခန်းများတွင်မန်နေဂျာမှလူမှုဖူလုံရေးဆေးခွင့်မပေးရန်လိုက်လံပြောကြားထားတယ်လို့လဲအလုပ်သမားတွေဖက်ကဆိုပါတယ်။
"အလုပ်ထုတ်မယ့်အလုပ်သမားကိုအလုပ်ရှင်ဖက်ကအကြောင်းကြားတာမျိုးမရှိဘူး မီးဖွားစရိတ်ပေးတာမျိုးလဲမရှိဘူး လူမှု့ဖူလုံရေးအကျိုးခံစားခွင့်တွေကိုလဲပွင့်ပွင့်လင်းလင်းမပြောပဲထိန်ချန်ထားတယ်လူမှု့ဖူလုံရေးဖက်ကပေးတဲ့ စက်ရုံကိုယ်ဝန်ဆောင်အမျိုးသမီးရှစ်ဦးအတွက် မီးဖွားစရိတ်တွေကိုလဲသူတို့ယူထားပြီးအလုပ်သမားကပြောမှပြန်ထုတ်ပေးတယ် လစာပျောက်သွားတဲ့အလုပ်သမားက cctv လေးပြန်ကြည့်ပေးပါဆိုတာကိုလဲလုံးဝမကြည့်ပေးဘူးသူတို့ကအလုပ်သမားတွေအပေါ်စိတ်ရင်းစေတနာကိုမမှန်တာ"လို့အထက်ပါစက်ရုံမှအလုပ်သမားတဦးကဆက်ပြောပါတယ်။
TRINITY APPARELS Garmentအထည်ချုပ်စက်ရုံတွင်ယခင်ကသမဂ္ဂနှင့်ဆွေးနွေးပြီးအလုပ်သမားအလုပ်ရှင်နှစ်ဦးသဘောတူစာချုပ်ချုပ်ဆိုနိုင်ခဲ့ပေမယ့်စစ်အာဏာရှင်အာဏာသိမ်းပြီးအချိန်မှာစ၍အလုပ်ရှင်မှာနှစ်ဦးသဘောတူစာချုပ်များတစ်ဖက်သတ် ချိုးဖောက်ခဲ့ခြင်း၊ သမဂ္ဂအဖွဲ့အစည်းများအသိအမှတ်မပြုခြင်း၊ လုပ်ငန်းခွင်းကိစ္စရပ်များမဆွေးနွေးတော့ခြင်းတို့အပြင်အလုပ်သမားအဖွဲ့အစည်းတွေအပေါ်လဲခြိမ်းခြောက်ဖိအားပေးတာတွေပြုလုပ်လာတယ်လို့သိရပါတယ်။
TRINITY APPARELS Garment စက်ရုံမှအလုပ်သမားများအနေနဲ့အလုပ်သမားခံစားခွင့်ရရှိသော ဥပဒေပါခံစားခွင်များကို ပေးရန်၊ လူမှုဖူလုံရေးခွင့်ရက်များကိုခံစားခွင့်ပြုရန်နှင့်လူမှုဖူလုံရေးနှင့်ဆက်စပ်နေသောဆေးခန်းများတွင်ပြသခွင့်ရရှိရန်၊ စံချိန်များကိုအလုပ်သမားတစ်ဦးချုပ်လုပ်နိုင်သည့်ထက်ပိုမတောင်းရန်၊ အလုပ်ရှင်မှလုပ်ငန်းခွင်ထဲတွင်ဖြစ်သောကိစ္စရပ်များကိုသေချာစီစစ်ပေးရန်၊ ဥပဒေမဲ့အလုပ်ထုတ်မှုများမပြုလုပ်ရန်၊ အစရှိတဲ့အချက်တွေကိုစက်ရုံဖက်ကအမြန်ဆုံးဆောင်ရွက်ပေးဖို့လိုလားနေကြပါတယ်။
ဒီဘဂ်လားဒေ့ရှ်နိုင်ငံသားပိုင်အထည်ချုပ်စက်ရုံဟာ EMPRELLA, PURE&HAPPY, 7/J1အစရှိတဲ့အမှတ်တံဆိပ်အထည်တွေချုပ်လုပ်ပြီး စျေးကွက်ကိုတင်ပို့ရောင်းချနေတာပဲဖြစ်ပါတယ်။
