လုပ်ငန်းခွင်အတွင်းမှာ အလုပ်ချိန် ၈ နာရီခွဲကနေ ညနေ ၅ နာရီအထိ အလုပ်လုပ်ကိုင်နေရပေမယ့် လစာဖြတ်တောက်မှုတွေပြုလုပ်ပြီး လူမှုဖူလုံရေး အကျိုးခံစားခွင့်မရရှိတာ တနင်္ဂနွေအိုတီဆင်းခိုင်းပြီး လုပ်အားခမပေးတာ ဥပဒေပါ ခွင့်ခံစားခွင့်တွေ မရရှိတာ အစမ်းခန့်ကာလကို ၆ လအထိ ထားရှိတာတွေအပါအဝင် အလုပ်သမားဥပဒေပါ အခွင့်အရေးများချိုးဖောက်ခံနေရတယ်လို့ လှိုင်သာယာ ရွှေသံလွင်စက်မှုဇုန်မှာ ဖွင့်လှစ်ထားတဲ့ Win Shwe Wah Trading CO,LTD ဝန်ထမ်းတွေက ပြောပါတယ်။
ရန်ကုန်နဲ့ မန္တလေးမှာ ရုံးချုပ် ဖွင့်လှစ်ထားကာ အဆိုပါကုမ္ပဏီသည် လယ်ယာသုံး စက်ပစ္စည်း ရောင်းဝယ်ရေး ပြုလုပ်တာဖြစ်ပြီး အလုပ်သမား (၁၅၀)ကျော်ဖြင့်လုပ်ငန်းလည်ပတ်နေတယ်လို့ ဆိုပါတယ်။
လုပ်ငန်းခွင်မှာ အလုပ်ချိန် တစ်နေ့ကို ၈ နာရီ ခွဲ ဆင်းရပြီး လစာ ၃ သိန်းအောက်ဝန်ထမ်းကို ၈၀ ရာခိုင်နှုန်း၊ ၃ သိန်းအထက်ကို ၇၀ ရာခိုင်နှုန်း သာပေးချေနေတာဖြစ်ပြီး HR က ၉၀ ရာခိုင်နှုန်း သတ်မှတ်ထားလို့ ကျေနပ်မှုမရှိတဲ့ အလုပ်သမားတွေက ပြောဆိုပါတယ်။
“သူဌေးကနိုင်ငံခြားခဏသွားနေလို့HR နဲ့ GM နဲ့ကလုပ်ချင်တိုင်းလုပ်နေပြီး၊ သူတို့ လစာဖြတ်ချင်တဲ့သူဖြတ် အပြည့်ပေးချင်တဲ့သူပေးပြီး၊အလုပ်သမားများအပေါ် ခွဲခြားဆက်ဆံခြင်း ပြုလုပ်နေပါတယ်" လို့ အဆိုပါ ကုမ္ပဏီက အမည်မဖော်လိုတဲ့ ဝန်ထမ်းတစ်ဦးက ပြောပါတယ်။
လုပ်ငန်းခွင်အတွင်း လူမှုဖူလုံရေးကြေးများ ဖြတ်တောက်ထားပေမယ့် လူမှုဖူလုံရေးဆေးခန်းမှာ ပြသဖို့ အခက်တွေ့နေရတယ်လို့ လည်း ဆိုပါတယ်။
“အရောင်းTergetတွေသတ်မှတ်ထားပြီးအရောင်းTerget၅၀ရာခိုင်နှုန်းမပြည့်ရင်လစာအပြည့်မပေးဘူးပြောပါတယ်။Tergetလိုတဲ့ဝန်ထမ်းကျထပ်မဖြည့်ပေးဘဲ၊ အကြွေးနဲ့အရစ်ကျအရောင်းပိတ်ထားတော့ Sale Terget ကမပြည့်ဘူးဖြစ်နေပါတယ် ဒီအခြေအနေကြောင့်အလုပ်ချိန်အပြည့်တက်ပြီး၊ လစာကျ၂၀% ၃၀%အလျော့ခံရခြင်း၊ ရုံးတက်လက်မှတ်ထိုးရက်နဲ့တောင် သူတို့ အလုပ်ကိစ္စနဲ့အပြင်သွားလို့သူတို့မမြင်မိတာကို လစာဖြတ်တောက်ခံရတယ်” လို့ အလုပ်သမားတစ်ဦးက ဆိုပါတယ်။
ဒါ့အပြင် အစမ်းခန့်ဝန်ထမ်းများကို ၃ လကနေ ၆ လအထိ အတည်ခန့်အပ်ခြင်းမပြုဘဲ ထားတာ တနင်္ဂနွေပိတ်ရက်ကိုလည်းOTကြေးမပေးဘဲထမင်းဖိုးဆိုပြီး၂၅၀၀ ကျပ်၃၅၀၀ကျပ်ပဲပေးပြီး၊ ခိုင်းစေနေတယ်လို့ သိရပါတယ်။
“HR ကသူအဆင်မပြေတဲ့အလုပ်သမားဆိုရင်အလုပ်ထုတ်ချင်ရင်လျော်ကြေးပေးရမှာကြောက်ပြီး အလုပ်သမားထွက်စာမတင်မချင်းကိုဖိအားပေးပါတယ်။ ဖိအားမခံနိုင်လို့ အလုပ်ကထွက်သွားကြသူအများကြီးပဲ” လို့ ယင်းကုမ္ပဏီမှဝန်ထမ်းတစ်ဦးက ပြောဆိုပါတယ်။
အလုပ်သမားတွေအနေနဲ့ ဉပဒေပါ ခံစားခွင့်တွေ အတိုင်း ခွင့်များရရှိလိုတာ ဉပဒေမဲ့ လစာဖြတ်တောက်မှုတွေ မပြုလုပ်ဖို့ လုပ်ငန်းခွင်အတွင်း ခွဲခြားဆက်ဆံတာတွေ ရှောင်ရှားဖို့နဲ့ အိုတီဆင်းရတဲ့ လုပ်အားခများကို စနစ်တကျပေးချေဖို့ လိုလားနေတယ်လို့ သိရပါတယ်။
