အမျိုးသား​တွေ ပြည်ပထွက်ခွင့် အသက်ကန့်သက်ချက်ကြောင့် ပြည်ပအလုပ်အကိုင်ရှာဖွေရေးအေဂျင်စီတွေအနေနဲ့ အမျိုးသမီး လုပ်သားခေါ်ယူတဲ့ အလုပ်ခေါ်စာတွေကို အဓိက ထားပြီး အလုပ်အကိုင်ရှာဖွေချိတ်ဆက်မှုတွေ ပြုလုပ်လာတယ်လို့ လိုင်စင်ရအေဂျင်စီ တွေ ထံ က သိရပါတယ်။ 

ပြည်ပ အလုပ်ခေါ်စာ အများစုမှာ အမျိုးသား လုပ်သားတွေ ကို ပိုမိုခေါ်ယူပေမယ့် လက်ရှိမှာ စစ်ကောင်စီ က အမျိုးသားတွေ ပြည်ပထွက် အလုပ်လုပ်ခွင့်ကို အသက်၂၃ နှစ်ကနေ ၃၁နှ စ် အထိ သွားခွင့် မပေးတဲ့ အတွက် အေဂျင်စီတွေ အနေနဲ့ လုပ်သားရှာဖွေရာ မှာ အခက်ခဲ ဖြစ်တာကြောင့် အမျိုးသမီး အလုပ်သမား အများဆုံးခေါ်တဲ့ စက်ရုံ အလုပ်ရုံ တွေရဲ့ အလုပ်ခေါ်စာ တွေကိုသာ ချိတ်ဆက် ရှာဖွေ လာတာ ဖြစ်တယ်လို့ ဆိုပါတယ်။ 

""ပြည်ပအလုပ်ခေါ်စာကတော့ အမျိုးသားတွေခေါ်တာများပါတယ် အခုက အသက်ကန့်သက်ချက်က ရှိနေတော့ သွားမယ့်သူ ရှာရတာ အရမ်းခက်ခဲနေတယ် ဟိုဘက်က သူဌေးတွေကလည်း လူငယ်တွေ ကို ကြိုက်တယ် ဒီဘက်မှာကျတော့ လည်း ၂၃ကနေ ၃၁အထိ သွားခွင့်မပြုတော့ အေဂျင်စီ တွေ အနေနဲ့ လုပ်သားရှာရတာ ခက်လာတယ် တစ်ချို့အေဂျင်စီတွေမှာ လူမပြည့်လို့ စာချုပ်မချုပ်ရသေးတဲ့ demand တွေ ရှိလာတယ်  ဒီတော့ အခုနောက်ပိုင်း အမျိုးသမီး လုပ်သားခေါ်တဲ့ အလုပ်ခေါ်စာ တွေကို အဓိကထားရှာ ကြတယ်  အမျိုးသမီးကျတော့ အသက်ကန့်သက်ချက် လည်း မရှိတော့ ရှာရတာ အဆင်ပြေသေးတယ်လေ""လို့ လိုင်စင်ရအေဂျင်စီ  မှတာဝန်ရှိသူတစ်ဦးကပြောပါတယ်။ 

လတ်တလောမှာ အမျိုးသမီး လုပ်သား လိုအပ်ချက် ပိုများတဲ့ အထည်ချုပ် လုပ်ငန်း စားသောက်ကုန်နဲ့ ကုန်ထုတ် လုပ်ငန်းစတဲ့ လုပ်ငန်းတွေ အတွက် အမျိုးသမီး လုပ်သားတွေကို ခေါ်ယူလာတာ ပိုများလာသလို အမျိုးသမီးတွေလည်း ပြည်ပထွက် အလုပ်လုပ်ကိုင်မှုဟာ အာဏာမသိမ်းခင်ကာလ ထက် သုံးဆ လေးဆ ခန့် ပို များ လာတယ်လို့ အေဂျင်စီ တွေထံက သိရပါတယ်။ 

"" အမျိုးသမီးတွေ ပြည်ပ ထွက် အလုပ်လုပ်တာ က ကိုဗစ် မဖြစ် ခင် အာဏာမသိမ်းခင်က ထက် ပိုများလာတယ် တရားဝင်ကော တရားမဝင် တွေကော သွားကြတာ တစ်ချို့ကလည်း အမျိုးသားတွေတောင်အသက်ကန့်သက်ထားတာ အမျိုးသမီး တွေ လူငယ်တွေ လည်း စစ်မှုထမ်းဥပဒေနဲ့ ပြည်ပထွက်ခွင့် အသက်ကန့်သတ်မှာစိုးရိမ်ပြီးရတုန်း ထွက်ကြတဲ့သဘော ဒီမှာကလည်း ကုန်ကျစရိတ်နဲ့ဝင်ငွေမမျှတ တာတွေလည်း ပါတော့ လူငယ်တော်တော်များများပြည်ပထွက်ဖို့ လုပ်လာတာများတယ်""လို့ အေဂျင်စီ အသိုင်းဝိုင်းနဲ့နီးစပ်သူတစ်ဦးကပြောပါတယ်။ 

လက်ရှိမှာ စစ်ကောင်စီ အနေနဲ့ အမျိုးသား တွေကို အသက်၂၃ မှ ၃၁ အထိ ပြည်ပထွက်ခွင့်ပိတ်ထားပြီး စစ်မှုထမ်းဖို့ခေါ်ယူနေတာမှာ အပတ်စဉ် ၅အထိ ရှိနေပြီး အမျိုးသမီး တွေ ကို စစ်မှုထမ်းရန် အတွက် ရပ်ကွက် ကျေးရွာ တွေ မှာ အသက်အပိုင်းခြားအကျုံးဝင်သူတွေ ကို စာရင်းကောက်ယူထားပြီး ဖြစ်တယ်လို့ သိရပါတယ်။