တစ်လကိုပိတ်ရက်တစ်ရက်သာပေးတဲ့အပြင်လုပ်သားတွေဆီကငွေကြေးကောက်ခံဖြတ်တောက်တာတွေ၊ လုပ်ငန်းခွင်အတွင်းအမျိုးသမီးငယ်တွေကိုကာအိန္ဒြေပျက်ပြားသည်အထိဆဲဆိုခိုင်းစေနေတာတွေရှိနေတဲ့အတွက်အိုလံပစ်ပလတ်စတစ်စက်ရုံကလုပ်သားတွေအခက်တွေ့နေကြရတယ်လို့သိရပါတယ်။
အဆိုပါစက်ရုံဟာမြန်မာလူမျိုးတဦးပိုင်ဆိုင်ပြီးရန်ကုန်တိုင်း၊ လှိုင်သာယာမြို့နယ်၊ စက်မှု့ဇုန်အမှတ်၄၊ ကျန်စစ်မင်းကြီးလမ်းမှာလုပ်သားဦးရေ ၈၀၀ နီးပါးနဲ့လည်ပတ်လုပ်ကိုင်နေတာလို့ဆိုပါတယ်။
"ဝန်ထမ်းတယောက်ခေါ်ရင် တစ်လကို ၁၅၀၀၀ ဖြတ်တယ် အဲ့ဖြတ်ထားတဲ့ပိုက်ဆံက ၆ လပြည့်မှ ၉၀၀၀၀ ပြန်ပေးတာ ၆ လမပြည့်ဘဲထွက်သွားရင် ဖြတ်ထားတဲ့ပိုက်ဆံကိုမထုပ်ပေးဘူး။
အဲ့မှာလုပ်ပီးထွက်သွားတဲ့ဝန်ထမ်းလူဟောင်းကျရင် သူတို့ဆီမှာအလုပ်ပြန်လုပ်ရင် ၂နှစ်သိန်းဖြတ်တယ် ၁နှစ်ပြည့်မှပြန်ပေးတာ၁နှစ်မပြည့်ပဲပြန်ထွက်သွားရင် အဲ့ ၂သိန်းကိုမပေးတော့ဘူး ဝန်ထမ်းတယောက်ကိုခေါ်ရင်ဘာစာရွက်စာတမ်းမှမလိုဘူး ရန်ကုန်မှာနေတဲ့သူဆိုဘယ်သူမှမခေါ်ဘူး တောဘက်ကနေအဆက်သွယ်တွေနဲ့လူတွေကိုခေါ်တာ အသက်ပြည့်တဲ့လူရော အသက်မပြည့်တဲ့သူတွေရော ဘာမှမသိမနားလဲတဲ့သူတွေပဲခေါ်တာ ခေါင်းဆောင်တွေကလဲသူတို့လစာပိုပေး
ပြီးသူဌေးဘက်ကလူတွေပဲ ဝန်ထမ်းတွေကိုဆဲဆိုတယ် ဒဏ်ငွေဆိုလဲအမြဲလိုလိုဝန်ထမ်းတွေကိုရိုက်တယ်"လို့အဆိုပါစက်ရုံမှ အလုပ်သမားတဦးက MLN ကိုပြောပါတယ်။
စက်ရုံမှာလုပ်ကိုင်နေတဲ့ဝန်ထမ်းအများစုဟာစက်ရုံဝင်းထဲကအဆောင်မှာနေထိုင်လုပ်ကိုင်ကြရတာဖြစ်ပြီးဝန်ထမ်းတွေရဲ့အားလပ်ချိန်မှာဖုန်းအသုံးပြုပါကသိမ်းဆည်းတာတွေ ဒဏ်ငွေရိုက်တာတွေအထိအခွင့်အရေးချိုးဖောက်ကန့်သတ်တာတွေရှိနေတယ်လို့ အလုပ်သမားတွေရဲ့ပြောကြားချက်အရသိရပါတယ်။
"အဲ့ဒီမှာစာရေးမအကြီးဆုံး ဆိုရင် ဝန်ထမ်းတယောက်ကိုပြောရင် အမေ အဖေ တွေပါ ပါတယ်တအားဆဲဆိုတာ မိန်းခလေးတွေဆိုရင်မျက်ရည်တောင်ကျတယ်သူတို့နဲ့အဆင်မပြေတဲ့သူဆိုရင်ချက်ချင်းအလုပ်ထုပ်ပစ်တ စက်ရုံက အဆောင်ပေး စားရိတ်ငြိမ်းဆိုတော့ သူတို့လက်ထဲမှာချည်းပဲ သူတို့ပြောသမျှစကားနားထောင်ရတာ
ဝန်ထမ်းတွေရဲ့ အားလပ်ချိန်ကိုတောင် လွတ်လပ်ခွင့်မပေးဘူး အလုပ်ချိန် ပြီးလို့အားလပ်ချိန်ကိုတောင် ဖုန်းသုံးတာတောင်အချိန်နဲ့သုံးရတယ် သူတို့ပေးတဲ့အချိန်ကျော်ဖုန်းသုံးတာမိရင် ဖုန်းသိမ်းတယ် ဒဏ်ငွေရိုက်တယ်သက်ြန်ပိတ်ရက်လဲစက်ရုံတွေအကုန် ၉ ရက်ပိတ်တယ်။
အိုလံပစ်က ၅ရက်ပဲပိတ်တယ် ကျန်တဲ့ ၄ရက်ကိုအလကားဆင်းပေးရတယ်"လို့အိုလံပစ်စက်ရုံမှအလုပ်သမားတဦးကဆက်ပြောပါတယ်။
ဒါ့အပြင်စက်ရုံဖက်ကဝန်ထမ်းတွေရဲ့ကိုဗစ်ကာကွယ်ဆေးလတ်မှတ်ကိုသကြ်န်ပိတ်ရက်ပြန်လာတဲ့အလုပ်သမားတွေဆီကသိမ်းဆည်းထားတဲ့အပြင်ဝန်ထမ်းတွေကိုလဲမှောင်ခိုသဘောမျိုးခန့်ထားပြီးစစ်ဆေးရေးလာပါကလူလျော့ပြီးပြတယ်လို့လည်းသိရပါတယ်။
အိုလံပစ်စက်ရုံဟာအိုလံပစ်အမှတ်တံဆိပ်ပလတ်စတစ်အိတ်တွေ၊ အော်ဒါမှာတဲ့ပလတ်စတစ်အိတ်တွေ၊ အိမ်သုံး၊ စျေးသုံးပလတ်စတစ်အိတ်ငယ်တွေထုတ်လုပ်ပြီးပြည်တွင်းစျေးကွက်ကိုဖြန့်ချီနေတဲ့စက်ရုံတခုလဲဖြစ်တယ်လို့ သိရပါတယ်။
